ಮಹೇಶ,

ಒಳ್ಳೆಯ ಹಾಡು. ನಾನು ಹೆಡ್‌ಫೋನ್ಸ್ ಉಪಯೋಗಿಸಿಯೂ ಕೇಳಿದೆ, ಆಗಲೂ "ಹೊರಳೀತು ಇರುಳು ಬೆಳಕೀನ ಬೂಡು" ಎಂದೇ ಕೇಳಿಸುತ್ತದೆ. ನನಗೂ ಅದು ’ಗೂಡು’ ಇರಬೇಕೆಂದು ಅನಿಸಿತು, ಮತ್ತೆಮತ್ತೆ ಕೇಳಿದೆ ’ಬೂಡು’ ಅಂತಲೇ ಇದೆ. ಹಾಗಾಗಿ ಅದು ’ಬೂಡು’ ಇರಬಹುದೇ? ಬೂಡು = source ಎಂಬ ಅರ್ಥವಿರಬಹುದೇ?

ಇನ್ನೊಂದು ಸಾಲಿನಲ್ಲಿ "ತಲೆಯಾನೆ ಏರಿ" ಎಂದು ನೀವು ಸರಿಯಾಗಿ ಬರೆದಿದ್ದೀರಿ. ನಾನು "ತಲೆಯ ಮೇಲೇರಿ" ಎಂದು ಕೇಳಿಸಿಕೊಂಡು/ಅರ್ಥ ಮಾಡಿಕೊಂಡು ಬಳಸಿದ್ದೆ. ಮೊದಲ ಸಲ ’ತಲೆಯಾನೆ ಏರಿ’ ಎಂದು ಸ್ಪಷ್ಟವಾಗಿಯೇ ಕೇಳಿಸುತ್ತದೆ. ಎರಡನೇ ಸರ್ತಿ ’ತಲೆಯ ಮೇಲೇರಿ’ ಇರಬಹುದೇನೋ ಅನಿಸುತ್ತದೆ. ಆದರೆ ನೀವು ಬರೆದಿರುವಂತೆ ’ತಲೆಯಾನೆ ಏರಿ’ಯೇ ಸರಿಯಿದೆ.

ಬೂಡು ಬಗ್ಗೆ ಮಾಹಿತಿ ಸಿಕ್ಕರೆ ತಿಳಿಸಿ.

ಮಹೇಶ್ ರವರಿಗೆ ನಿಮ್ಮದೇ ನುಡಿಗಟ್ಟಿನಲ್ಲಿ ನನ್ನಿ , ಬಹಳ ದಿನಗಳ ನಂತರ ಮತ್ತೆ ಕಾಕನ ಕೋಟೆ ತೋರಿಸಿದಿರಿ , ಎಂತಹ ಸೊಗಸಾದ ಮೂಡುತ್ತಿರುವ ನೇಸರು ಅಲ್ಲವೇ ? ಆ ಕಾನು , ಆ ಬಾನು ಅದರಲ್ಲಿನ ಮೋಹಕ ಮನುಷ್ಯ ಸೌಂದರ್ಯ , ಇತ್ತೀಚಿಗೆನ ನಿಮ್ಮ ಪ್ರತಿ ಕ್ರಿಯೆಗಳನ್ನು ನೋಡುತ್ತಿದ್ದೇನೆ ಕನ್ನಡ ಪ್ರೇಮ ನಿಮಗೆ ಹುಟ್ಟುತ್ತಲೇ ಬಂದಿರುವಂತಿದೆ . ನನ್ನಿ

ನನ್ನಿ ಕಣೊ ಮಾಯ್ಸ, ಸಕ್ಕತ್ ಹಾಡು.

ಹೀಗೆ ಸಕ್ಕತ್, ಸರಳ ಮತ್ತು ಸಲೀಸಾಗಿ ಇನ್ನೊಂದು ಹಾಡಿದೆ( ಸರಿಯಾಗಿ ನೆಪ್ಪಿಲ್ಲ)

ಕೆಂಪಾದವೊ ಎಲ್ಲ ಕೆಂಪಾದವೊ
ಹಸುರಿದ್ದ ಮರಗಿಡ ಬೆಳ್ಳಗಿದ್ದ ... ಕೆಂಪಾದವೊ
ಹುಲ್ಲುಬಳ್ಳಿಗಳು ಕೆಂಪಾದವೊ, ಊರುಕಂದಮ್ಮಗಳು ಕೆಂಪಾದವೊ

ಕೇಳ್ತಾ ಇದ್ರೆ ಅಂಗೆ ತಲೆ ತೂಗುತ್ತೆ.

--
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು

ಸಕತ್ತಾಗಿರುವ ಹಾಡು.ಸಿನೆಮಾನೂ ಅಶ್ಟೇ ಚೆನ್ನಾಗಿದೆ.ಬೇಸರದ ಸಂಗತಿಯೆಂದರೆ ಈ ಹಾಡುಗಳು ಸಿಡಿಯಲ್ಲಿ ಸಿಗುವುದಿಲ್ಲ.