ಗೊತ್ತಿರಲಿಲ್ಲಾ..

ಗೊತ್ತಿರಲಿಲ್ಲಾ.. ನನಗೆ ಆ ದಿನದ ನಿನ್ನೊಂದಿಗಿನ ಸಂಜೆಯ ಸಂಗ ಮುಂಬರಲಿರುವ ಬರಗಾಲದ ಬದುಕಿಗೆ ಪ್ರಾರಂಬ ಅಂತ ಗೊತ್ತಿರಲಿಲ್ಲ ನನಗೆ.... ಆ ದಿನದ ನಿನ್ನ ಹೂವಿನಂತಾ ನಗು ಮುಂದಿನ ನನ್ನ ಬಾಳಿಗೆ ಮುಳ್ಳಾಗಿ ಕಾಡಬಹುದೆಂದು ಗೊತ್ತಿರಲಿಲ್ಲಾ ನನಗೆ ಆ ದಿನದ ನಿನ್ನ ಕಣ್ಣ ಕಾಂತಿ ಮುಂದೆ ಬಂದೆರಗಲಿರುವ ಸಿಡಿಲಾಗುವುದೆಂದು ಗೊತ್ತಿರಲಿಲ್ಲಾ ನನಗೆ ಆದಿನ ಮದುರಾನುಭೂತಿಯಲ್ಲಿ ತೇಲಿಸಿದ ಬಿಸಿಯಪ್ಪುಗೆ ವಿಷಾದ ಕಡಲಿನಲ್ಲಿ ಶಾಶ್ವತವಾಗಿ ಮುಳುಗಿಸುವುದೆಂದು ಗೊತ್ತಿರಲಿಲ್ಲಾ ನನಗೆ ಆರುವ ದೀಪ ಜೋರಾಗಿ ಉರಿದಂತೆ ಆ ದಿನ ನನಗೆ ನೀಡಿದ ಉತ್ಕಟ ಪ್ರೀತಿ ನನ್ನ ಪ್ರೀತಿಗೆ ನೀನು ಕಟ್ಟಲಿರುವ ಜೀವ ಸಮಾದಿಯೆಂದು ಗೊತ್ತಿರಲಿಲ್ಲಾ ನನಗೆ...