ಹಂಪಿಯ ಕೆಲವು ಚಿತ್ರಗಳು

ನಾಗರಾಜ್ ಅವರೆ, ಚಿತ್ರಗಳು ತುಂಬಾ ಚೆನ್ನಾಗಿವೆ.

ಉಗ್ರನರಸಿಂಹನ ಬಗ್ಗೆ ಇನ್ನೊಂದು ಸ್ವಲ್ಪ ಹೆಚ್ಚಿನ ಮಾಹಿತಿ ಸೇರಿಸೋಣ ಅನ್ನಿಸಿತು :) ಯಾಕಂದ್ರೆ ನನಗನ್ನಿಸೋ ಹಾಗೆ ಮುಕ್ಕಾಲು ಮಂದಿ ಸಂಪದಿಗರಿಗೆ ೮೨-೮೪ ನೇ ಇಸವೀಲಿ ನಡೆದಿದ್ದೇನು ಅಂತ ನೆನಪಿರೋದಿಕ್ಕೆ ಸಾಧ್ಯ ಇಲ್ಲ.

ತಾಳೀಕೋಟೆ ಯುದ್ಧದಲ್ಲಿ ಹಂಪೆ ನಾಶವಾದಾಗ ಈ ಮೂರ್ತಿ ಇನ್ನೂ ಹೆಚ್ಚಿಗೆ ಭಗ್ನವಾಗಿತ್ತು. ಕೈಕಾಲುಗಳು ಪೂರ್ತಿ ಮುರಿದಿದ್ದವು. ಮೂರ್ತಿಯ ಭಾಗಗಳು ಎಷ್ಟೋ ತುಂಡುತುಂಡಾಗಿ ಅಲ್ಲಿ ಅಕ್ಕ ಪಕ್ಕದಲ್ಲೇ ನೆಲದಲ್ಲಿ ಬಿದ್ದಿದ್ದವು. ೧೯೮೦ ನೇ ಇಸವಿ ಸುಮಾರಲ್ಲಿ (ಅಂದಾಜು), ಪುರಾತತ್ವ ಇಲಾಖೆಯವರು(ಇರಬೇಕು), ಅಲ್ಲೆಲ್ಲ ಅಗೆದು, ಆ ತುಂಡುಗಳನ್ನೆಲ್ಲ ಮೂರ್ತಿಯ ಯಾವ ಭಾಗದ್ದಿರಬೇಕೆಂದು ಪತ್ತೆ ಮಾಡಿ ದುರಸ್ತಿ ಮಾಡಲು ತೊಡಗಿದರು. ಸಿಕ್ಕ ಭಾಗಗಳನ್ನು ಜೋಡಿಸತೊಡಗಿದರು. ಅಲ್ಲದೇ, ನರಸಿಂಹನ ತೊಡೆಯಮೇಲೆ ಕುಳಿತಿದ್ದಿರಬೇಕಾದ ಲಕ್ಷಿಯ ವಿಗ್ರಹವೂ (ಅಥವಾ ಭಾಗಗಳೂ) ದೊರಕಿದ್ದರಿಂದ ಇದು ಉಗ್ರ ನರಸಿಂಹನಲ್ಲದೇ, ಲಕ್ಷ್ಮೀ ನರಸಿಂಹ ಆಗಿರಬೇಕೆಂಬ ಊಹೆಯನ್ನೂ ಮಾಡಲಾಯಿತು.

ಆ ಸಮಯದಲ್ಲಿ ಡಾ.ಶಿವರಾಮ ಕಾರಂತರು ( ಅವರೇ ಅಂತ ನೆನಪು, ತಪ್ಪಿದ್ದರೆ ತಿಳಿಸಿ -ತಿದ್ದಿಕೊಳ್ಳುವೆ) ಈ ರೀತಿ ದುರಸ್ತಿ ಮಾಡುವುದು ಚರಿತ್ರೆಗೆ ಮಾಡುವ ಅಪರಾಧ ಎಂದು, ಈ ಕೆಲಸದ ಮೇಲೆ ಕೋರ್ಟ್ ತಡೆಯಾಜ್ಞೆ ತಂದು, ಈ ಕೆಲಸವನ್ನು (ನನಗೆ ತಿಳಿದ ಮಟ್ಟಿಗೆ) ಪೂರ್ತಿ ಮಾಡದೆ ನಿಲ್ಲಿಸಲಾಯಿತು. ಹಾಗಾಗಿ ನರಸಿಂಹ (ಅರೆಬರೆ) ಉಗ್ರನಾಗೇ ಉಳಿದಿದ್ದಾನೆ.

೧೯೮೦ ಕ್ಕೂ ಮೊದಲು ತೆಗೆದಿರುವ ಚಿತ್ರಗಳಲ್ಲಿ ಅವನ ಮೊದಲ ರೂಪವನ್ನು ನೋಡಬಹುದು.

-ಹಂಸಾನಂದಿ

ನಾಗರಾಜ್ ಅವರೇ,
ಹಂಪಿಯ ಚಿತ್ರಗಳು ತುಂಬಾ ಸೊಗಸಾಗಿವೆ. ಧನ್ಯವಾದಗಳು.

ಇಲ್ಲಿ ನನ್ನ ಮಗಳ ಶಾಲೆಯ ಪ್ರಾಜೆಕ್ಟ್ ಗಾಗಿ ಹಂಪಿಯ (ವರ್ಲ್ಡ್ ಹೆರಿಟೇಜ್) ಬಗ್ಗೆ ಒಂದು ಪೋಸ್ಟರ್ ಮಾಡಬೇಕಂತ ನಾನು ಅಂತರಜಾಲದಲ್ಲಿ ಕಾಪಿರೈಟ ಇಲ್ಲದ ಚಿತ್ರಗಳ್ನ ಹುಡುಕ್ತಾ ಇದ್ದೆ. ಈಗ ಹುಡುಕುತ್ತಿದ್ದ ಬಳ್ಳಿ ಕಾಲಿಗೆ ತೊಡರಿದೆ, ಆದರೆ ಚಿತ್ರಗಳ್ನ ಬಳಸಿಕೊಳ್ಳಲು ನಿಮ್ಮ ಅನುಮತಿ ಬೇಕು. ನೀಡುತ್ತೀರ?

ನೂರಾರು ವರ್ಷಗಳ ಹಿಂದೆ ಕಟ್ಟಿದ ಶ್ರೀ ವಿರೂಪಾಕ್ಷ ದೇವಸ್ಥಾನ ಮನುಷ್ಯನ ದಾಳಿಗೆ ಪಕ್ಕಾಗೂ ಇನ್ನೂ ಚೆನ್ನಾಗೇ ನಿಂತಿದೆ- ಆಧುನಿಕ ತಂತ್ರಜ್ಞಾನ ಬಳಸಿ, ಅನುಭವಸ್ಥ ಇಂಜಿನಿಯರ್ಗಳು ಕಟ್ಟುತ್ತಿರುವ ತೂಗು ಸೇತುವೆ ಕಟ್ಟುತ್ತಿರುವಾಗಲೇ ಬಿದ್ದಿದೆ!! ಪವಾಡ ಎನ್ನೋಣವೇ :), ಕಟ್ಟುವವರ ಕರ್ತವ್ಯ ನಿಷ್ಠೆ ಎನ್ನೋಣವೇ, ಅವರ ದೈವ ಭಕ್ತಿಯೇ, ರಾಜನ ಭಯವೇ (ಈ ಆಡಳಿತದ ವಿಫಲತೆಯೇ?), ಈಗಿನ ಜನತೆಗೆ ತಮ್ಮ ಕೆಲಸದಲ್ಲಿ ಆಸಕ್ತಿ, ಹೆಮ್ಮೆ ಇಲ್ಲದಿರುವುದೇ? ಒಟ್ಟಿನಲ್ಲಿ ನಾಗರೀಕತೆ ಎತ್ತ ಕಡೆ ಸಾಗುತ್ತಿದೆ ಅಂತ ಸ್ಪಷ್ಟವಾಗಿ ಕಾಣುತ್ತಾ ಇದೆ ಅಲ್ಲವೇ!

ನನ್ನಿ,
ಶಾಮಲ