ಬ್ಲೂ ಮೂನ್ ಜೊತೆ ಬಂದ ಹೊಸ ವರ್ಷ ೨೦೧೦

'once in a blue moon' ಅನ್ನೋ ಇಂಗ್ಲೀಷಿನ ನುಡಿಗಟ್ಟಿದೆ. 'ತುಂಬಾ ಅಪರೂಪ'ದ ವಿಷಯದ ಬಗ್ಗೆ ಮಾತಾಡುವಾಗ ಈ ನುಡಿಗಟ್ಟನ್ನು ಬಳಸುತ್ತಾರೆ.

ಒಂದೇ ತಿಂಗಳಲ್ಲಿ ಎರಡು ಹುಣ್ಣಿಮೆ ಚಂದ್ರ ಬಂದ್ರೆ ಎರಡನೇ ಹುಣ್ಣಿಮೆ ಚಂದ್ರನಿಗೆ ಬ್ಲೂ ಮೂನ್ ಅಂತಾರೆ. ಇದು ಬರುವುದು ತುಂಬಾ ಅಪರೂಪ.
blue moon ನ್ನು 'ನೀಲಿ ಚಂದ್ರ' ಅಂತ ಕನ್ನಡಕ್ಕೆ ಅನುವಾದಿಸುವುದು ಎಷ್ಟು ಸರಿಯೋ ತಿಳಿದವರು ಹೇಳಬೇಕು.

ಈ ಬ್ಲೂ ಮೂನ್ ಪದ ಹೇಗೆ ಬಳಕೆ ಬಂತು ಅಂತ ಒಮ್ಮೆ ಗೂಗಲಿಸ್ಬೇಕು ;)

ಅಲ್ಲದೆ, ನಿನ್ನೆ ರಾತ್ರಿ ಹೊರಗಿನ ವಾತಾವರಣ ತುಂಬಾ ಚೆನ್ನಾಗಿತ್ತು. ಸುಮಾರು ೧೧ ಗಂಟೆಯಿಂದ ೧೨ ರ ವರೆಗೆ ನಾವು ನಮ್ಮ ಮನೆ ಮೇಲಿನ ತಾರಸಿಯಲ್ಲೇ ಟೈಮ್ ಪಾಸ್ ಮಾಡಿದೆವು. ಚಂದ್ರನನ್ನೂ ಗಮನಿಸುತ್ತೆದ್ದೆವು. ಎಲ್ಲೂ ನೀಲಿ ಚಂದ್ರ ಕಣ್ಣಿಗೆ ಕಾಣಲಿಲ್ಲ ;) . ಹಾ.. ಹಲವು ಬಾರಿ ಮೋಡ ದಲ್ಲಿ ಮರೆಯಾಗಿ ಹೊರಗೆ ಬರ್ತಾ ಇದ್ದ ಅಷ್ಟೇ.