ಓಹೋ, ಡೆಕ್ಕನ್ ಹೆರಾಲ್ಡಿನಲ್ಲಿ ಬಂದಿದೆಯೋ? ಎಲ್ಲಿ, ಲಿಂಕ್ ಕೊಡಿ ಓದೋಣ!

ಇನ್ನು ನೀವು ಪ್ರಸ್ತಾಪಿಸಿರುವ ವಿಷಯಕ್ಕೆ ಬಂದರೆ, ನಿಮಗೇನೋ ಪತ್ರಿಕೆಯವರ ಪರಿಚಯ, ಅವರಿಗೂ ನಿಮ್ಮ ಪರಿಚಯ. ನೀವು ಹೊಸ ತಂತ್ರಜ್ಞಾನದ ಬಗ್ಗೆ ಬರೆಯುತ್ತೀರಿ, ಆದ್ದರಿಂದ ಅವರಿಗೂ ಹಾಕಲು, ಪ್ರಕಟಿಸಲು ಸುಲಭವಾಯ್ತು. ಬರೆದು ಕೊಡುವವರೇ ಇಲ್ಲದಾಗ ಅವರೇನು ಹಾಕುವರು? ಕೆಲವೊಮ್ಮೆ ನಮ್ಮ ಕನ್ನಡ ಮಾಧ್ಯಮಗಳು ಬರೆದುಕೊಟ್ಟು ಕಳುಹಿಸಿದರೂ ಎಂಟರ್ಟೇಯ್ನ್ ಮಾಡೋದಿಲ್ಲ. ಏನು ಕಥೆಯೋ ತಿಳಿಯದು (ನನಗಾದ ಅನುಭವದಿಂದ).

--

"ಹೊಸ ಚಿಗುರು, ಹಳೆ ಬೇರು"

ನಾನು ಒಂದೂವರೆ ವರ್ಷದ ಹಿಂದೆ ಒಂದು ಅಂತರಜಾಲ ಆಧಾರಿತ, ತಂತ್ರಾಂಶ ಕುರಿತ ಲೇಖನ ಬರೆದು ವಿಜಯ ಕರ್ನಾಟಕಕ್ಕೆ ಕಳಿಸಿದೆ. ಅರ್ಥವೇ ಆಗಲ್ಲ ಎಂದು ವಾಪಸಾಯ್ತು. ತರಂಗಕ್ಕೆ ಕಳಿಸಿದೆ. ಅಲ್ಲಿಂದಲೂ ಮರಳಿತು. ಆಮೇಲೆ ಅದನ್ನು ಸುಧಾಗೆ ಕೊಟ್ಟೆ. ಅಲ್ಲಿನ ಸಂಪಾದಕರು (ಈಗ ಇರುವ ನಾಗೇಶ್‌ ಹೆಗಡೆ ಅಲ್ಲ ಮಾರಾಯ್ರೆ!) ಒಮ್ಮೆ ನನ್ನನ್ನು ಕಚೇರಿಗೆ ಕರೆದು ಎಲ್ಲ ವಿಚಾರಿಸಿದರು. ಆಮೇಲೆ ಅಲ್ಲಿಂದಲೂ ವಾಪಸಾಯಿತು. ನನ್ನ ಮಟ್ಟಿಗೆ ಅದು ಒಳ್ಳೆಯ ಕುತೂಹಲಕರ ಮಾಹಿತಿಯಾಗಿತ್ತು. ಅದರ ಸಂಶೋಧಕನ ಸಂದರ್ಶನವೂ ಅದರಲ್ಲಿತ್ತು. ಕನ್ನಡದ ಮಟ್ಟಿಗೇನು, ಒಟ್ಟಾರೆ ತಾಜಾ ಮಾಹಿತಿಯೇ.
ಈಗಲೂ ಅದು ತಾಜಾ ಆಗೇ ಉಳಿದಿದೆ. ಯಾಕಂದ್ರೆ ಅದು ಗೂಗಲ್‌ ಅರ್ಥ್ ನಷ್ಟು ಜನಪ್ರಿಯವಲ್ಲದಿದ್ದರೂ ನವೀನ ವಿಷಯ. ಬೇರಾವ ಪತ್ರಿಕೆಯಲ್ಲೂ ಈ ವಿಷಯ ಬಂದಂತೆ ನನಗೆ ಕಂಡಿಲ್ಲ.
ಯಾಕೆ ವಿಷಯ ಹೇಳಲ್ಲ ಅಂದ್ರೆ, ಅದನ್ನು ಮುದ್ರಣ ಮಾಧ್ಯಮದಲ್ಲಿ ಪ್ರಕಟಿಸಿಯೇ ಬಿಡಬೇಕೆಂಬ ಆಸೆ. ಪವನಜರೆ, ನಿಮಗೆ ಅದರ ಪ್ರತಿಯನ್ನು ಕಳಿಸ್ತಾ ಇದೇನೆ. ಒಳ್ಳೆ ಲೇಖನ ಬರೆದ ನೀವೇ ನನ್ನ ಲೇಖನವನ್ನು ಪರಾಮರ್ಶಿಸಿ. ನಿಮಗೂ ಈ ಲೇಖನ ಹೊಸತು, ಒಳ್ಳೆಯದು ಎಂದೆನಿಸಿದರೆ, ತಿಳಿಸಿ. ಕಟುವಿಮರ್ಶೆ ಸ್ವಾಗತಾರ್ಹ!!