ಸಂಪದದಲ್ಲಿ ಸದಸ್ಯರಾಗಿರುವ ಬೇಳೂರು ಸುದರ್ಶನರನ್ನು ಲಕ್ನೋದ ಪ್ರತಾಪ ನಾರಾಯಣ ಮಿಶ್ರಾ ಸ್ಮಾರಕ ಯುವ ಪುರಸ್ಕಾರಕ್ಕೆ ಆಯ್ಕೆ ಮಾಡಲಾಗಿದೆ. ಈ ಬಗ್ಗೆ ಇಂದಿನ (ಸಪ್ಟೆಂಬರ್ 24, 2005) ಕನ್ನಡಪ್ರಭದಲ್ಲಿ ಸುದ್ದಿ ಬಂದಿದೆ. ಕನ್ನಡಪ್ರಭ ಪತ್ರಿಕೆಯ ಅಂತರಜಾಲ ತಾಣದ ಒಂದು ತೊಂದರೆಯೆಂದರೆ ನಾನು ಇಲ್ಲಿ ಕೊಟ್ಟಿರುವ ಲಿಂಕ್ಅನ್ನು ನೀವು ಈ ದಿನವೇ (24/9/05) ಕ್ಲಿಕ್ ಮಾಡಿ ಓದಬೇಕು. ನಾಳೆಗೆ ಅದು ದೊರೆಯಲಾರದು. ಬೇಳೂರು ಸುದರ್ಶನ ಅವರ ಬ್ಲಾಗ್ ಸೈಟ್ ಇಲ್ಲಿದೆ. ಬೇಳೂರು ಸುದರ್ಶನ ಅವರು ವಿಜಯ ಕರ್ನಾಟಕ ಪತ್ರಿಕೆಯ ಮ್ಯಾಗಝಿನ್ ವಿಭಾಗದ ಸಂಪಾದಕರಾಗಿದ್ದಾಗ ಅವರು ನನ್ನಿಂದ eಳೆ ಎಂಬ ಹೆಸರಿನಲ್ಲಿ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಬಗ್ಗೆ ಕಾಲಂ ಬರೆಸುತ್ತಿದ್ದರು. ಅದು ತುಂಬ ಜನಪ್ರಿಯವೂ ಆಗಿತ್ತು.

ಬೇಳೂರು ಸುದರ್ಶನ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು.

ಸಿಗೋಣ,
ಪವನಜ