ಉತ್ತಮ ಬರಹಗಾರರಿಗೆ ಸಂಪದ ಪ್ರಶಸ್ತಿ. 
June 14, 2010 - 10:00pm
ಶಬ್ದಗಳಿಗಷ್ಟೇ ಸೀಮಿತವಾಗದಿರಲಿ
ಗೆಳೆಯ ನಿನ್ನ ಪ್ರೀತಿ,
ಹಾಳೆಯ ಹೊರಕ್ಕೆ ಪ್ರೀತಿ ಹರಿದಾಗ
ಶಬ್ದ ಹಾಡಾಗುತಿರಲಿ
ನಿನ್ನ ಕಾವ್ಯದ ಉದಯ ರವಿಗೆ
ಅರುಣರಾಗ ನನ್ನದು ಗೆಳೆಯ,
ಕಾವ್ಯದ ಹೊರಕ್ಕೆ, ಬಾಳಿನ ಜ್ಯೋತಿ
ನಿರ೦ತರ ಉರಿಯುತಿರಲಿ.
ನಿನ್ನ ಭಾವಾಗಸದ ಮೇಘಕ್ಕೆ
ತ೦ಪು ಚು೦ಬನವಿರಿಸಿ
ಹನಿಯುವೆನು ಗೆಳೆಯ,
ಅಲ್ಲಿ ಅರಳಿದ ಕವಿತೆ
ನೆರೆಯ ಹೊರೆಯಾಗದಿರಲಿ.
ನಿನ್ನ ಹೃದಯದೊಳಗೆ ಮೆರೆವ
ಕಾವ್ಯರಾಣಿಯು ನಾನು ಗೆಳೆಯ,
ಎದೆಯ ಹೊರಕ್ಕೆ, ಭಾವ ಕಲಹದಿ
ಕವಿತೆ ಸೋಲದಿರಲಿ.
- ಪ್ರಸನ್ನ
ಈ ಪುಟವನ್ನು ಉಳಿದವರೊಂದಿಗೆ ಹಂಚಿಕೊಳ್ಳಿ
ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ:
ಪ್ರತಿಕ್ರಿಯೆಗಳು
ಉ: ಶಬ್ಧಗಳಿಗಷ್ಟೇ ಸೀಮಿತವಾಗದಿರಲಿ ಪ್ರೀತಿ
ತಪ್ಪು: ಶಬ್ಧ
ಒಪ್ಪು: ಶಬ್ದ
ತಪ್ಪು: ಹಾಡಗುತಿರಲಿ.
ಒಪ್ಪು: ಹಾಡಾಗುತಿರಲಿ
ಪ್ರೀತಿ ಶಬ್ದಗಳಿಗಷ್ಟೇ ಸೀಮಿತವಾಗದಿರಲಿ,
ಪ್ರೀತಿ ಹಾಡಾಗುತಿರಲಿ.
ಪ್ರೀತಿ ಹಾಡಾಗಿ ನಿಂತುಬಿಡಲೇಕೆ
ಪ್ರೀತಿ ಹೃದಯದಿಂದ ಹೃದಯಕ್ಕೆ ಹರಿಯುತಿರಲಿ.
ಕವಿತೆ ಎಲ್ಲೋ ಸೋತ ಅನುಭವ ಓದುಗನಿಗೂ ಆಗುತ್ತಿದೆಯಲ್ಲಾ...
- ಆಸು
ಉ: ಶಬ್ಧಗಳಿಗಷ್ಟೇ ಸೀಮಿತವಾಗದಿರಲಿ ಪ್ರೀತಿ
ಶಬ್ದವನ್ನು ಸರಿಪಡಿಸಿದ್ದೇನೆ ಗುರುಗಳೇ..
"ಪ್ರೀತಿ ಹಾಡಾಗಿ ನಿಂತುಬಿಡಲೇಕೆ
ಪ್ರೀತಿ ಹೃದಯದಿಂದ ಹೃದಯಕ್ಕೆ ಹರಿಯುತಿರಲಿ." - ಪ್ರೀತಿಯನ್ನು ವಿಶಾಲವಾಗಿಸಿದ್ದಕ್ಕೆ ತಲೆದೂಗಿದ್ದೇನೆ.
ಪ್ರೀತಿಯೆ೦ಬ ಅದ್ಭುತ ಶಕ್ತಿ, ಮನಸ್ಸಿನೊಳಗೆ ಇಳಿದಾಗ ಶಬ್ದವೂ ಹಾಡಾಗುತ್ತದೆ, ಭಾವ ಹೊರಗೆ ಹರಿದು ಮನಸ್ಸು ಹಗುರಾಗುತ್ತದೆ. ಆದರೆ ಇಲ್ಲಿ ಹಾಡಾಗಿದ್ದು ಸೋಲಬಾರದೆ೦ಬ ಕಾಳಜಿ ಇದೆ ಎ೦ಬುದನ್ನು ಕವಿತೆಯಲ್ಲಿ ಹಿಡಿದಿಡುವ ಪ್ರಯತ್ನ ಮಾಡಿದ್ದೇನೆ..
ತಮ್ಮ ಅಮೂಲ್ಯ ಪ್ರತಿಕ್ರಿಯೆಗೆ ಧನ್ಯವಾದಗಳು.
ಉ: ಶಬ್ಧಗಳಿಗಷ್ಟೇ ಸೀಮಿತವಾಗದಿರಲಿ ಪ್ರೀತಿ
ಪ್ರಸನ್ನರೇ ಉತ್ತಮ ಕವಿತೆ
ಮನದ ಭಾವಕ್ಕೆ ರಂಗು ತುಂಬಿದಿರಿ
ಆದರೆ ನಿಮ್ಮ ಗುರುಗಳ ಮಾತಿನಂತೆ
ನೀವು ತಪ್ಪುಗಳನ್ನು ಪೂರ್ತಿಯಾಗಿ
ಸರಿಪಡಿಸಿಲ್ಲವಲ್ಲ.
ಉ: ಶಬ್ಧಗಳಿಗಷ್ಟೇ ಸೀಮಿತವಾಗದಿರಲಿ ಪ್ರೀತಿ
ಹಾಡಾಗುತಿರಲಿ ಎ೦ಬುದನ್ನೂ ಸರಿಪಡಿಸಿದ್ದೇನೆ ಗುರುಗಳೇ..
ನನ್ನ ತಪ್ಪನ್ನು ತಿದ್ದಲು ಅವಕಾಶ ನೀಡಿದ್ದಕ್ಕೆ ಧನ್ಯವಾದಗಳು.
ಉ: ಶಬ್ಧಗಳಿಗಷ್ಟೇ ಸೀಮಿತವಾಗದಿರಲಿ ಪ್ರೀತಿ
ತಲೆಬರಹ ಇನ್ನೂ ನೆಟ್ಟಗಾಗಿಲ್ಲ ಅಂತ ಅವರೂ ಅಂತಿದ್ದಾರೆ ಪ್ರಸನ್ನ...
:)