ಇದಕ್ಕೆ ಸೂಕ್ತ ಪರಿಹಾರವೆಂದರೆ ವಿಕಿಪೀಡಿಯದಲ್ಲಿ ಬರೆಯುವುದು. ನಿಮಗೆ ತಿಳಿದ ಸಾಹಿತಿಗಳ ಬಗ್ಗೆ, ಸಾಹಿತ್ಯದ ಬಗ್ಗೆ ವಿಕಿಪೀಡಿಯದಲ್ಲಿ ಮಾಹಿತಿ ಶೇಖರಿಸಿಡಿ. ಮುಂದಿನ ಪೀಳಿಗೆಗೆ ಅದು ಅಮೂಲ್ಯವಾದ ಮಾಹಿತಿ ಭಂಡಾರವಾಗಬಹುದು.

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"

ಕುವೆಂಪು ಯಾರು? ಬೇಂದ್ರೆ ಯಾರು? ಎಂದು ಕೇಳಿದರೂ ಆಶ್ಚರ್ಯ ಪಡದಂಥ ಸ್ಥಿತಿಗೆ ನಾವು ತಲುಪಿದ್ದೇವೆ. ನಮ್ಮ ಇತಿಹಾಸದಿಂದ ದೂರವಾಗುವ ಒಂದು ಪ್ರಕ್ರಿಯೆಯನ್ನು ನಾವು ಬಹಳ ಹಿಂದೆಯೇ ಆರಂಭಿಸಿದ್ದೇವೆ. ಸಾಮಾನ್ಯವಾಗಿ ನಾವೆಲ್ಲರೂ ರಾಮಾಯಣ, ಮಹಾಭಾರತಗಳನ್ನು ಓದಿ ತಿಳಿದುಕೊಳ್ಳುತ್ತಿರಲಿಲ್ಲ. ಟಿ.ವಿ ನೋಡಿಯೂ ಇವುಗಳನ್ನು ತಿಳಿದುಕೊಳ್ಳಬೇಕಿರಲಿಲ್ಲ. ಹಿರಿಯರು ಹೇಳುವ ಕತೆ, ನಾವೇ ನೋಡಿದ ಯಕ್ಷಗಾನ, ಬಯಲಾಟಗಳ ಮೂಲಕ ನಮ್ಮ ರಾಮಾಯಣ, ಮಹಾಭಾರತಗಳ ಜ್ಞಾನ ಬೆಳೆಯುತ್ತಿತ್ತು. ಇದರ ಜತೆಗೆ ಚಂದಮಾಮ, ಅಮರಚಿತ್ರ ಕತೆಗಳು ಈ ಜ್ಞಾನವನ್ನು ಹೆಚ್ಚು ಸ್ಪಷ್ಟಗೊಳಿಸುತ್ತಿದ್ದವು. ಪ್ರೌಢರಾದ ಮೇಲೆ ನಿರ್ದಿಷ್ಟ ವಿಷಯಗಳಿಗೆ ಸಂಬಂಧಿಸಿದಂತೆ ಹೆಚ್ಚು ತಿಳಿದುಕೊಳ್ಳಬೇಕು ಎಂದಾದಾಗ ರಾಮಾಯಣ ಮತ್ತು ಮಹಾಭಾರತಗಳಿಗೆ ಸಂಬಂಧಿಸಿದ ಪುಸ್ತಕಗಳನ್ನು ಓದುತ್ತಿದ್ದೆವು. ಈಗ ನಮ್ಮ ಮಕ್ಕಳಿಗೇ ನಾವು ಇಂಗ್ಲಿಷ್ ನಲ್ಲಿ ಬರೆದಿರುವ ರಾಮಾಯಣ, ಮಹಾಭಾರತದ ಕತೆಗಳನ್ನು ತಂದುಕೊಟ್ಟರೂ ಅವರು ಓದದಂಥ ಸ್ಥಿತಿ ಇದೆ. ನಮ್ಮ ಹಿರಿಯರು ನಮಗೆ ಪುರಾಣ, ಇತಿಹಾಸಗಳ ಬಗ್ಗೆ ಕಲಿಸಲು ಅನುಸರಿಸಿದ ತಂತ್ರಗಳನ್ನು ನಾವೇ ಮರೆತೇ ಬಿಟ್ಟಿದ್ದೇವೆ. ಅಥವಾ ಅದನ್ನು ಪಾಲಿಸುವಂಥ ವಾತಾವರಣ ನಮ್ಮ ಸುತ್ತ ಮುತ್ತ ಇಲ್ಲ.

ಕನ್ನಡದ ವಿಷಯವೂ ಅಷ್ಟೇ. ಮಗು ಹುಟ್ಟುತ್ತಲೇ ಅದನ್ನು ಡಾಕ್ಟರ್, ಇಂಜಿನಿಯರ್ ಅಥವಾ ಮ್ಯಾನೇಜರ್, ಸಿಇಓ ಮಾಡುವ ಧಾವಂತದಲ್ಲಿ ನಮಗೆ ಮಗು ಹಾವರ್ಡ್ ಬಿಸಿನೆಸ್ ರಿವ್ಯೂ ಓದಿದರೇ ಒಳ್ಳೆಯದು ಎನಿಸುತ್ತಿರುತ್ತದೆ. ಸಾಹಿತಿಗಳ ಮಾಹಿತಿಯನ್ನು ವಿಕಿಪೀಡಿಯಾದಲ್ಲಿ ಬರೆಯುವುದು ಮುಂತಾದ ಕೆಲಸಗಳ ಜತೆಗೇ ನಾವು ಈ ಜ್ಞಾನವನ್ನು ಪಡೆದುಕೊಂಡಂತೆ ನಮ್ಮ ಮಕ್ಕಳಿಗೂ ಇದನ್ನು ಒದಗಿಸಲು ಸಾಧ್ಯವೇ ಎಂಬುದರ ಬಗ್ಗೆ ಯೋಚಿಸಬೇಕು.

ಕನ್ನಡವನ್ನೂ ಓದಿರಪ್ಪಾ ಎಂದು ಕೇಳಿಕೊಳ್ಳುತ್ತಾ ಬಂದ ನಮ್ಮವರ ತಾಳ್ಮೆ ಸ್ವಲ್ಪ ಅತಿಯೇ ಆಯಿತು; ಕನ್ನಡವನ್ನೇ ಓದಿ ಎನ್ನುವ ಕಾಲ ಬರಲೇ ಬೇಕಾಗಿದೆ. ಮೊದಲು ನಾವೆಲ್ಲರೂ ಮಾಡಬೇಕಾದ ಕೆಲಸ, ನನಗೆನಿಸುವಂತೆ:

೧. ನಾವು ಚೆನ್ನಾಗಿ ಸರಿಯಾದ ಕನ್ನಡವನ್ನು ಓದಿ, ಬರೆದು, ತಿಳಿದುಕೊಳ್ಳುವುದು.
೨. ನಮ್ಮ ಬಂಧು-ಮಿತ್ರರು, ಮಕ್ಕಳು, ಹಿರಿಯರೊಡನೆ ನಾಚಿಕೊಳ್ಳದೆ ಕನ್ನಡದಲ್ಲೇ ಮಾತನಾಡುವುದು.
೩. ಅದೇನೇ ಆಗಲಿ, ನಮ್ಮ ಹಾಗೂ ಬಂಧು-ಮಿತ್ರರ ಮಕ್ಕಳನ್ನು ಕನಿಷ್ಠಪಕ್ಷ ಪ್ರಾಥಮಿಕಶಾಲೆಯವರೆಗಾದರೂ ಕನ್ನಡ ಮಾಧ್ಯಮದಲ್ಲಿ ಓದಿಸುವುದು; ಓದಲು ಪ್ರೇರೇಪಿಸುವುದು.
೪. ಮನೆಯಲ್ಲಿಯೇ (ಮೇಲಿನ ಕೆಲಸ ಸಾಧ್ಯವೇ ಇಲ್ಲವಾದಾಗಲೂ, ಹೊರನಾಡಿನಲ್ಲಿದ್ದರೂ) ಸ್ವ-ಇಚ್ಛೆಯಿಂದ ಕನ್ನಡ ಕಲಿಸುವುದು, ಆಸಕ್ತಿ ಮೂಡಿಸುವುದು.
೫. ಕನ್ನಡದ ಕಾವ್ಯ-ನಾಟಕ-ಸಂಗೀತಗಳ ರಸಾಸ್ವಾದದ ಜೊತೆಗೆ, ಪ್ರಚಾರಮಾಡುತ್ತಾ, ಕನ್ನಡದ ಕೃಷಿಗೆ ನೇರವಾಗಿ, ಹಿನ್ನೆಲೆಯಲ್ಲಿ ಪ್ರೋತ್ಸಾಹ ನೀಡುವುದು.
೬. ಅಳಿದುಹೋಗುವಂತಿರುವ ಎಲ್ಲ ಕನ್ನಡತನದ ಪ್ರಕಾರಗಳನ್ನೂ(ಅದು ಅಮ್ಮನ ಆರತಿ ಹಾಡೇ ಇರಲಿ, ಅಜ್ಜನ ಒಗಟೇ ಇರಲಿ) ಲಿಖಿತರೂಪದಲ್ಲಿ, ದೃಶ್ಯ-ಶ್ರವಣ ಮಾಧ್ಯಮದಲ್ಲಿ ಹಿಡಿದಿಟ್ಟು ರಕ್ಷಿಸುವುದು.

ಮೊದಲು ನಾವು ಸಂಪದಿಗರೇ ನಮ್ಮ ಮನೆಯಿಂದಲೇ ಶುರುಮಾಡೋಣ; ಕನ್ನಡ ವಿಕಿಪೀಡಿಯಾ ಇದಕ್ಕೆ ಒಳ್ಳೆಯ ವೇದಿಕೆಯಾಗಲಿ.

ಕನ್ನಡಂ ಕತ್ತುರಿಯಲ್ತೆ !

ನಿಮ್ಮವ

ಬೆನಕ

ಮಹೇಶ್,
ನಿಮ್ಮ ಪ್ರಕಾರ ಮೇರು ಕೃತಿಗಳು ಬರುತ್ತಿಲ್ಲ ನಿಜ. ಇದು ನಿಮ್ಮ ನಮ್ಮ ಅಭಿಪ್ರಾಯ. ಕೃತಿಗಳೂ ಹೆಚ್ಚು ಗುಣಮಟ್ಟದ್ದಿಲ್ಲ ಅನ್ನಿಸುವುದು ನಿಜ. ಆದರೆ ಒಂದು ಕಾಲಘಟ್ಟ ದಲ್ಲಿ ನಿಂತು ವೀಕ್ಷಿಸಿದಾಗ ಅದು ಬೇರೆಯವರನ್ನು ನೋಡಿ ನಿರ್ಧರಿಸುವ ಮಾತು ! ನಾನು ಚಿಕ್ಕವನಾಗಿದ್ದಾಗ, ಶ್ರೀ ಎ.ಆರ್.ಕೃಷ್ಣ ಶಾಸ್ತ್ರಿ ಗಳು, ಶಿವಮೂರ್ತಿ ಶಾಸ್ತ್ರಿಗಳು, ದೇವುಡು, ಹಿರಿಯಣ್ಣ, ರಾಧಾಕೃಷ್ಣನ್, ವೀ.ಸೀ. ಇತ್ಯಾದಿಗಳಿದ್ದರು. ಕುವೆಂಪುರವರೇ ಅವರ ಕಣ್ಣಿನಲ್ಲಿ ಮೇಲೇಳಲು ಬಹಳ ವರ್ಷ ಕಾಯಬೇಕಾಯಿತು. ನನಗೆ ಇನ್ನೂ ನೆನಪಿದೆ. ಡೀ.ವೀ.ಜಿ.ಕುವೆಂಪು ರವರನ್ನು, ಸಂಭೋಧಿಸುತ್ತಿದ್ದದ್ದು ! (ಪುಸ್ತಕದಲ್ಲಿ ಅವರ ಕವನಗಳನ್ನು ಓದಿ ಪ್ರರಿಕ್ರಿಯಿಸಿದ್ದು)
ಹೆಚ್.ಎಸ್.ವಿ. ಇದ್ದಾರೆ.ಇನ್ನೂ ಎಲ್.ಎಸ್.ಶೇಶಗಿರೆರಾಯರು ಬದುಕಿದ್ದಾರೆ. ದಿವಾಕರ್ ,ಪ್ರಕಾಶ್, ಅಹಮತ್ ತರಿಕೆರೆ , ಅಮೂರ,ನೇಮೀಚಂದ್ರ ಇನ್ನೂ ಬೇಕಾದಷ್ಟು ಜನ ಇದ್ದಾರೆ. (ಕೆಲವರು ಅಂಕಣಕಾರರು, ಆದರೆ ಅವರು ಸಮರ್ಥರು, ಶ್ರೇಷ್ಟ ಕೃತಿಗಳನ್ನು ಅವರಿಂದನಿರೀಕ್ಷಿಸಬಹುದು !)
ಆದರೆ ಅವರು ತೆಗೆದುಕೊಳ್ಳುವ ವಿಷಯಗಳು ಬೇರೆ ಅಷ್ಟೆ. ದಿವಂಗತರಾದ ಮೇರು ವ್ಯಕ್ತಿ ಗಳ ಬಗ್ಯೆ ಎಲ್ಲರೂ ಹೇಳುವುದೇ ಹಾಗೆ.ಕೆಲವೇ ವರ್ಷಗಳಲ್ಲಿ ಆ ಜಾಗವನ್ನು ಇನ್ನೊಬ್ಬರು ತುಂಬುತ್ತಾರೆ. ಆದರೆ ಅವರು ಖಂಡಿತ ಕುವೆಂಪು, ಪು.ತಿ.ನ, ಆಗದಿರಲಿ ! "ಅವರ್ಯಾರೋ, ಅವರೇ ಆಗಲಿ " ಎಂದು ಹಾರೈಸೋಣ !
'ಥಟ್ಟನೆ ಹೇಳಿ ಕಾರ್ಯಕ್ರಮ'ದಲ್ಲಿ (ಟೀ.ವಿ) ಅದೆಷ್ಟು ಹೊಸ ಪುಸ್ತಕ ಬಂದಿವೆ ಎಂದು ಊಹಿಸುವುದೂ ಕಶ್ಟ ! ಅವುಗಳ ಗುಣಮಟ್ಟ ನಿರ್ಧರಿಸುವರು ....!