>>ಸವಿತೃ ನೀವು ’ಬಾರತ’ ಅನ್ನೋದೇ ನಮ್ಮ ದೇಸಕ್ಕೆ ಸರಿಯಾದ ಒರೆ ಎಂದು ಯಾಕೆ ಪಟ್ಟು? ಅತ್ವಾ ಅದೇ ಹೆಚ್ಚು, ಅದೇ ಮೇಲು ಅಂತ ನಿಮ್ಮ ಒಳಬಾವ ಸರಿಯೇ?..

ನನಗೆ ಈ ರೀತಿಯಾದ ಯಾವ ಪಟ್ಟೂ ಇಲ್ಲ. "ಸಾಂಸ್ಕೃತಿಕ ಆಕ್ರಮಣ" ದಂತಹ ವಿಷಯವನ್ನು ಹೊರಗಿಟ್ಟು, ಕೇವಲ ಅರ್ಥವನ್ನು ಮುಖ್ಯವಾಗಿಟ್ಟುಕೊಂಡು ನಾನು ನನ್ನ ವಾದವನ್ನು ಮಂಡಿಸಿದ್ದೆ.

>ನಮ್ಮ ದೇಸವನ್ನು ನಾವು ನಮ್ಮ ಇಂಡಿಯ ಅಂದ್ರೂ ಬಾರತ ಅಂದ್ರೂ ಎರಡು ಸಮ ತಾನೆ? ನೀವು ಸಂಸ್ಕೃತದ ಕೊಂಡಿ ಹಾಕಿ, ಅದಕ್ಕೆ ಮೇಲು ಅಂತಿದ್ದೀರಲ್ಲ.
ನಿಮಗೆ ಸಂಸ್ಕೃತ ಏನೋ ಸಿಕ್ಕಾಪಟ್ಟೆ ದೊಡ್ಡದ್ದು ಅಂದ್ರೆ ಎಲ್ಲರಿಗೂ ಅದು ಹಾಗೆ ಇರಬೇಕಾ?

ಎರಡೂ ಸಮ.. ಆದರಲ್ಲಿ ಏನೂ ಸಂಶಯವಿಲ್ಲ. ಇಲ್ಲಿ ಸಂಸ್ಕೃತದ ವ್ಯಾಮೋಹವಲ್ಲ .. ಬದಲಿಗೆ ನನ್ನಲ್ಲಿರುವುದು.. ಈ ಪದಗಳ ಮೂಲದ ಬಗ್ಗೆ ಕುತೂಹಲ.
ನಾನು ಮೊದಲು ಕನ್ನಡಿಗ!. "ಸಂಸ್ಕೃತವನ್ನು ಮೆರೆಸುವ " ಮತ್ತು "ಇಂಗ್ಲೀಷನ್ನು ಮೆರೆಸುವ" ಸ್ನೇಹಿತರೆದುರೂ ( ಅವರೇ ಬಹು ಸಂಖ್ಯಾತರಾದರೂ) ನಾನು ಕನ್ನಡವನ್ನು ಮೆರೆಸಿದವ/ ಮೆರೆಸುವವ!. ಆದರೆ ಸಂಸ್ಕೃತದ ಮತ್ತು ಇಂಗ್ಲೀಷಿನ ಅಸ್ತಿತ್ವವನ್ನು ನಾನು ತಿರಸ್ಕರಿಸಲಾಗದಷ್ಟು ಅವು ಬೆಳೆದಿವೆ.

>ನನ್ನ concern ಇಸ್ಟೇ, ಇಂದು ನಮ್ಮ ಕನ್ನಡಕ್ಕೆ ಬೆಂಗಳೂರಿಗೆ ನೆನ್ನೆ ಮೊನ್ನೆ ಬಂದ ಹಿಂದಿಗರು ನಾರ್ತಿಗಳು ) "ಹಿಂದಿ ಬರದವರು ಹಿಂದುಸ್ತಾನಿಗಳಲ್ಲ" ಅನ್ನೋ ಹಾಗೆ ನಿಮ್ಮಂತೆ ಯೋಚಿಸುವ ಮಂದಿ ನಾಳೆ "ಬಾರತ ಅಂನದೇ ಇರೋರು ಬಾರತೀಯರೇ ಅಲ್ಲ" ಅಂತ ಎರಗಿ ಬಿಡಬೋದು.!!( ಅದರ ಮೊದಲ ಹೆಚ್ಚೆಯ ಗುರುತು ಇಂತ ಮಾತು ಎಂದು ನಮ್ಮಂತಹ ಬೇರೆ ಅನಿಸಿಕೆ-ನಂಬಿಕೆಯವರಿಗೆ ಅಂಜಿಕೆ ಹತ್ತಿದೆ. )

ಕನ್ನಡಿಗರಲ್ಲಿ ಆ ರೀತಿಯ "xenophobism" ಬರುವುದು ತುಂಬಾ ಕಡಿಮೆ. ನಾನು ಕನ್ನಡಿಗ!!

>ಬರತ ಏನು ನಮ್ಮ ಎಮ್ಮೆನಾಡು/ಕನ್ನಡನಾಡನ್ನು ಆಳಿದ್ನಾ?

ಆಗಿನವರಿಗೆ ದಕ್ಶಿಣದ ರಾಜ್ಯಗಳು ಹೊರ ರಾಜ್ಯಗಳು ( ಹೊರದೇಶಗಳು ). ಹಾಗಾಗಿ ಅವರು ( ಈ ಸಾಹಿತ್ಯ ಹುಟ್ಟಿಕೊಂಡಂತಹ ನಾಡಿನವರು) ಕನ್ನಡ ನಾಡನ್ನು ಅಳಿರಲು ಸಾಧ್ಯವಿಲ್ಲ ಅನ್ನಿಸುತ್ತದೆ.

>ನಮ್ಮ ದಕ್ಷಿಣಕ್ಕೆ ದಂಡೆತ್ತಿ ಬಂದ ಹರ್ಷವರ್ದನನು ಸೋಲುಂಡು ಹೋಗಿ, ಪುಲಿಕೇಶಿ ಒಬ್ಬ ರಾಕ್ಷಸಜನಾಂಗದವನು ಎಂದು ಬರೆದಿದ್ದಾನಂತೆ.!! ಇದೇ ನೋಟದಲ್ಲಿ ನೋಡಿ, ಯಾವಾಗಲೂ ರಾಕ್ಷಸರೂ ತೆಂಕಣದವರೇ, ಹಾಗೇ ನಾಗರು ಮೂಡಣಕ್ಕೆ, ( ಪರ್ವದಲ್ಲಿ ಇದಕ್ಕೆ ಅರಿಮೆ ಇವೆ).

ತುಂಬಾ ಆಸಕ್ತಿಕರ ವಿಷಯ!.. ಇದಕ್ಕೂ ಬಹಳ ಮುಂಚೆ.. ವೇದಗಳ ಕಾಲದಲ್ಲಿಯೂ ಆರ್ಯೇತರರನ್ನು "ದಸ್ಯು" ಗಳೆಂದು ಸಂಬೋಧಿಸಿದ್ದಾರೆ. ದಕ್ಷಿನ ಬಾರತದ ಜನವೇ ದಸ್ಯುಗಳು ಎಂದು ಅನೇಕರ ಅಂಬೋಣ. ಈ ದಸ್ಯುಗಲ ಸಂಸ್ಕೃತಿಯನ್ನ ಅಲ್ಲಿ ಕೆಟ್ಟದಾಗಿ ಚಿತ್ರಿಸಿದ್ದಾರೆ. ತಮ್ಮನ್ನು ತಾವ್ ಆರ್ಯರು ಎಂದು ಗುರುತಿಸಿಕೊಳ್ಳಲು ಇಚ್ಛಿಸುವ ಮಂದಿ ( ಹೆಚ್ಚಾಗಿ ಉತ್ತರದವರು) ದಕ್ಶಿಣದವರನ್ನು ರಾಕ್ಷಸರು , ವಾನರರು ( ವಾ ..ನರ = ನರ ರೇ?! = ಇವರೇನು ಮನುಶ್ಯರೇ?! ) ಎಂದು ಕರೆದಿರಬಹುದು.

> "quit india movement", Indian national congress, ಮುಂತಾದ ಒರೆಗಳೇ ನಾವು ಸೊತಂತ್ರ ಪಡೆದ ದೇಸದ ಹೆಸರು ಇಂಡಿಯ ಅಂತಿದೆ.
ಅದೂ ಅಲ್ದೇ, ನೆಹರು ಮಾಡಿ ಆಗಸ್ಟ ೧೫ ನಡುಇರುಳ ಇಂಗ್ಲೀಸ ಮಾತುಗಾರಿಕೆಯಲ್ಲಿ ’India' ಅಂತವೇ ಹೇಳಿದ್ದು. ನಮ್ಮ ದೇಸದಲ್ಲಿ ’ಬಾರತ’ ಎಂದು ಹೇಳು ಪಾರ್ಟಿ ಇದ್ರೆ ಅದು ’ಬಾರತೀಯ ಜನತಾ ಪಾರ್ಟಿ’ ಒಂದೇ ಇರಬೇಕು.

ಇವೆಲ್ಲ ಇತ್ತೀಚಿನ ಬೆಳವಣಿಗೆಗಳು! ಅಂದರೆ ಪಾಶ್ಚತ್ಯರ ಪ್ರಭಾವ ನಮ್ಮ ಮೇಲೆ ಆದ ನಂತರದ ಬೆಳವಣಿಗೆಗಳು.!!! ಹಾಗಾಗಿ ಇಂಡಿಯ ಪದ ಬಳಕೆ ಸ್ವಾಭಾವಿಕ!

> ನಾವು ಸೇರಿದ್ದು ಇಂಡಿಯದೇಸಕ್ಕೆ, ಆಮೇಲೆ north indian domination ಇಂದ ಅದಕ್ಕೆ ಭಾರತ ಎಂಬ ಹೆಸರು ಸೇರಿಸಲಾಯ್ತು. ಮೂಲವಾಗಿ ಬಾರತ ಎಂಬ ಹೆಸರು ಸೊತಂತ್ರ ಹೋರಾಟಗಾರರ ಮನಸ್ಸಲ್ಲಿ ಇರಲಿಲ್ಲ ಎಂದು ಆರಾಮಾಗಿ ಹೇಳಬೋದು.

ನನ್ನ ಅನಿಸಿಕೆ ಇದ್ವರ್ಗೂ ಇದಕ್ಕೆ ವಿರುದ್ದವಾಗಿತ್ತು. ಇದರ ಬಗ್ಗೆ ನನಗೆ ಕೆಲವು ಅನುಮಾನಗಳಿವೆ. ನನಗೆ ಹೆಚ್ಚಿನ ಓದು ಅವಶ್ಯಕತೆಯಿದೆ ಅನ್ನುಸುತ್ತದೆ. ನಿಮಗೆ ಯಾವುದಾದ್ರೂ ಈ ಸಂಬಂಧಪಟ್ಟಂತಹ ಕೊಂಡಿಗಳಿದ್ದರೆ ದಯವಿಟ್ಟು ಬರೆಯಿರೆ.

ಇಲ್ಲಿ ನಮ್ಮ ದೇಶದ ಹೆಸರು ಭಾರತವೆಂದೇ ಆಗಬೇಕು ಎಂದೇನೂ ಪಟ್ಟು ಇಲ್ಲ. ಪದಗಳ ಅರ್ಥವನ್ನೂ , ಮೂಲವನ್ನೂ ಹುಡುಕುವ ಕುತೂಹಲ. ಈ ರೀತಿಯ ವಾದಗಳಿಂದ ನಮ್ಮ ಇತಿಹಾಸದ ನೈಜ ಚಿತ್ರಣ ಸಿಕ್ಕರೇ ಅದೇ ನಮಗಾಗುವ ಲಾಭ!