ಆದರ್ಶವನ್ನು ತೀರಾ ಕೆಳಗಿರಿಸುವುದು ಅಪರಾಧ. ಆದರ್ಶವನ್ನೇ ಕೆಳಗಿಳಿಸಿ ಜಯಗಳಿಸುವುದಕ್ಕಿಂತ ಉಚ್ಚ ಆದರ್ಶವನ್ನಿರಿಸಿಕೊಂಡು ಅಸಫಲಗೊಳ್ಳುವುದೇ ಮನುಷ್ಯನಿಗೆ ಶೋಭದಾಯಕ
ಕೃಷಿ ಸಂಪದ: ಫೆಬ್ರವರಿ ಸಂಚಿಕೆ
ಸಂಪದದಲ್ಲಿ...
ಪದಗಳು ......ಮರೆಯಾಗುವ ಮುನ್ನ!
ಪದಗಳು ......ಮರೆಯಾಗುವ ಮುನ್ನ!
ಈ ಸೀರೀಸ್ ನಲ್ಲಿ ನಾನು ಈಗ ಹೆಚ್ಚಾಗಿ ಬಳಕೆಯಿಲ್ಲದ ಪದಗಳನ್ನು ದಾಖಲಿಸುವ ಪ್ರಯತ್ನ ಮಾಡುತಿದ್ದೇನೆ.
ಆತ್ಯಾರ... ( ಆದಿತ್ಯ ವಾರ = ಭಾನುವಾರ)
ಬೇಸ್ತ್ವಾರ ( ಬ್ರಿಹಸ್ಪತಿ ವಾರ = ಗುರುವಾರ)
ಮಠಕ್ಕೆ ಹೋಗು = ಸ್ಕೂಲ್ ( ಶಾಲೆ) ಗೆ ಹೋಗು.
ಮೂಡ ( ಮೂಡಣ ದಿಕ್ಕು = ಪೂರ್ವ ದಿಕ್ಕು)
ಪಡುವ ( ಪಡುವಣ ದಿಕ್ಕು = ಪಶ್ಚಿಮ ದಿಕ್ಕು)
ತೆಂಕ ( ತೆಂಕಣ =ದಕ್ಷಿಣ)
ಬಡಗಣ ( ಉತ್ತರ ದಿಕ್ಕು)
ನಾವು ಚ್ಸಿಕ್ಕವರಾಗಿದ್ದಾಗ ಬಳುಸುತ್ತಿದ್ದ ಮೂರು ರೀತಿಯ ಅಕ್ಕಿಗಳು.
1. ನೆಲ್ಲಕ್ಕಿ ( ನಾವು ಈಗ ಬಳಸುತ್ತಿರುವ ಬಿಳಿ ಅಕ್ಕಿ)
2.ಸಾವಕ್ಕಿ ( ( ಅತಿ ಸಣ್ಣ ಕಣಗಳ ರೀತಿಯಲ್ಲಿರುತ್ತದೆ ಅನ್ನಿಸುತ್ತದೆ. )
3.ನವಣೆ ಅಕ್ಕಿ ( ರಾಗಿ ಕಾಳಿನ ರೀತಿ ಚಿಕ್ಕದಾಗಿ ದುಂಡಾಗಿ ಇರುವ ಒಂದು ರೀತಿಯ ಅಕ್ಕಿ)
ಈ ಕ್ಷಣಕ್ಕೆ ನನಗೆ ನೆನಪಿಗೆ ಬಂದವು ಇಷ್ಟೇ... ನೆನಪಿಗೆ ಬಂದಂತೆ ದಾಖಲಿಸಲು ಯತ್ನಿಸುವೆ.
- savithru's blog
- Login or register to post comments
- 982 ಹಿಟ್ಸ್
ಈ ಪುಟವನ್ನು ಇ-ಮೇಯ್ಲ್ ಮಾಡಿ
Printer-friendly version
RSS:
ಪ್ರತಿಕ್ರಿಯೆಗಳು
ಉ: ಪದಗಳು ......ಮರೆಯಾಗುವ ಮುನ್ನ!
ಅಯ್ತವಾರ, ಬೇಸ್ತವಾರ, ನೆಲ್ಲಕ್ಕಿ, ನವಣೆ ಅಕ್ಕಿ ನಮ್ಮನೆಯಲ್ಲಿ ಇನ್ನೂ ಬಳಸುತ್ತಿದ್ದಾರೆ..
ಉ: ಪದಗಳು ......ಮರೆಯಾಗುವ ಮುನ್ನ!
ಕುಸುಬಲಕ್ಕಿ ಅಂದ್ರೇನು?
ಉ: ಪದಗಳು ......ಮರೆಯಾಗುವ ಮುನ್ನ!
ಕುಸುಬಲಕ್ಕಿ (ಇದನ್ನು ಕರಾವಳಿಯವರು ಹೆಚ್ಚಾಗಿ ಉಪಯೋಗಿಸುತ್ತಾರೆ - ಅದನ್ನು ಅವರು ಕುಚ್ಚಲಕ್ಕಿ ಎಂದೂ ಕರೆಯುತ್ತಾರೆ) ಎಂದರೆ, ಬತ್ತವನ್ನು ಬಿಸಿನೀರಿಗೆ ಹಾಕಿ ನೆನೆಸಿ ತೆಗೆದು, ಅನಂತರ ಮಾಡಿರುವ ಅಕ್ಕಿ.
-ಹಂಸಾನಂದಿ
ಉ: ಪದಗಳು ......ಮರೆಯಾಗುವ ಮುನ್ನ!
ನನಗೆ ಅವಲಕ್ಕಿ ಗೊತ್ತು.. ಕುಸುಬಲಕ್ಕಿ ಹೆಸರು ಕೇಳಿದ್ದೀನಿ. ನಮ್ಮ ಮನೆಯಲ್ಲಿ ಬಳಸಬಹುದು...
ಆದರೆ ನನ್ನ ಪ್ರಕಾರ ಕುಸುಬುಲಕ್ಕಿಯನ್ನ ಅನ್ನ ಮಾಡಲು ಬಳಸಲ್ಲ. ಆದರೆ ನಾನು ಮೇಲೆ ಬರೆದ ಮೂರು ರೀತಿಯ ಅಕ್ಕಿ ಯನ್ನು " ನೇರವಾಗಿ" ಅನ್ನ ಮಾಡಲು ( ಅಂದ್ರೆ ಸಾರಿನ ಜೊತೆ ಕಲಸಿಕೊನ್ಡು ತಿನ್ನುವ ) ಬಳಸುತ್ತಾರೆ.
ಅವಲಕ್ಕಿಯನ್ನು ತಿಂಡಿ ಮಾಡಲು ಬಳಸುತ್ತಾರೆ. ಕುಸುಬಲಕ್ಕಿಯನ್ನು ಬಹುಶಹ ಅನ್ನಕ್ಕಾಗಿ ಬಳಸಲ್ಲ. ಆದರೆ ಅವಲಕ್ಕಿ ಮತ್ತು ಕುಸುಬಲಕ್ಕಿ ಇನ್ನೂ ಬಳಕೆಯಲ್ಲಿವೆ
ಉ: ಪದಗಳು ......ಮರೆಯಾಗುವ ಮುನ್ನ!
ಮೂಡ ( ಮೂಡಣ ದಿಕ್ಕು = ಪೂರ್ವ ದಿಕ್ಕು)
ಪಡುವ ( ಪಡುವಣ ದಿಕ್ಕು = ಪಶ್ಚಿಮ ದಿಕ್ಕು)
ತೆಂಕ ( ತೆಂಕಣ =ದಕ್ಷಿಣ)
ಬಡಗಣ ( ಉತ್ತರ ದಿಕ್ಕು)
ಇನ್ನೂ ಒಂದಿಷ್ಟು:
ಆಗ್ನೇಯ (South-East)
nairutya (South-West) (kannaDadalli "nai" baruttilla adikke english)
ವಾಯುವ್ಯ (North-West)
ಈಶಾನ್ಯ (North-East)
ತಪ್ಪಿದಲ್ಲಿ ಕ್ಷಮಿಸಿ ಮತ್ತು ಸರಿದೂಗಿಸಿ.
ಉ: ಪದಗಳು ......ಮರೆಯಾಗುವ ಮುನ್ನ!
ನಾನು ಇಲ್ಲಿ ಬಳಕೆಯಿಂದ ಮರೆಯಾಗುತ್ತಿರುವ ಅಚ್ಚಗನ್ನಡದ ಪದಗಳನ್ನು ಬರೆಯಲು ಯತ್ನಿಸಿದ್ದೇನೆ. ನೀವು ಹೇಳಿದ ನಾಲ್ಕು ದಿಕ್ಕುಗಳಿಗೆ ಬಹುಶ ಕನ್ನಡದ್ದೆ ಆದ ಸ್ವಂತ ಒರೆಗಳಿಲ್ಲ ಅನ್ನಿಸುತ್ತದೆ.
ಆದರೂ ಈ ದಿಕ್ಕುಗಳ ಮೂಲ ಒಂದು ಸಂಸ್ಕೃತಿಯಾದ್ದರಿಂದ ಮತ್ತು ಆ ಸಂಸ್ಕೃತಿಯಲ್ಲಿ ನಾವಾಗಲೇ ಬೆರೆತು ಹೋಗಿರುವುದರಿನ್ದ ಅವು ಕನ್ನಡದ್ದವೇ ಎಂದು ಒಪ್ಪಿಕೊಳ್ಳಬಹುದೆ?
ಈಶಾನನ ಅಧಿಪತ್ಯವಿರುವ ದಿಕ್ಕು. ಅಗ್ನಿ ಯ ಅಧಿಪತ್ಯವಿರುವ ದಿಕ್ಕು ವಾಯುವಿನ ಅಧಿಪತ್ಯವಿರುವ ದಿಕ್ಕು. ನಿರುತ ನ ಅಧಿಪತ್ಯವಿರುವ ದಿಕ್ಕು ..........ಹೀಗೆ...
ಆದರ್ ಇಲ್ಲಿ ಈಶಾನ ಮತ್ತು ನಿರುತರ ಬಗ್ಗೆ ಜನಸಾಮಾನ್ಯರಲ್ಲಿ ಹೆಚ್ಚು ಗೊತ್ಟಿಲ್ಲ್ಲ.
ಇವರೇನು ವೇದಗಳಲ್ಲಿ ಬರುವ ದೇವತೆಗಳೇ? ನಮ್ಮ ಪ್ರಕೃತಿಯಲ್ಲಿನ ಶಕ್ತಿಗಳೇ?( ಅಗ್ನಿ ವಾಯುವಾನಿಯ ರೀತಿ )
ನಿರುತ ಮಳೆ ದೇವನೇ?! = ವರುಣ!?
ದಯವಿಟ್ಟು ತಿಳಿದವರು ಬರೆಯವಿರಾ...
ಉ: ಪದಗಳು ......ಮರೆಯಾಗುವ ಮುನ್ನ!
ಕನ್ನಡದಲ್ಲಿ ಆಡುಗನ್ನಡದಲ್ಲಿ ಈ ಈಶಾನ್ಯ, ವಾಯುವ್ಯ, ನೈರುತ್ಯ, ಆಗ್ನೇಯದ ಬಳಕೆ ಇಲ್ಲ..... ಇವು ಕನ್ನಡದ ಉಲಿಗಳೂ ಅಲ್ಲ. ಮತ್ತು ಇವು ಒಂದು ನಂಬಿಕೆಯ ನೆಲೆಯಲ್ಲಿ ಇರುವ ಹೆಸರುಗಳಾದುದರಿಂದ ಬಳಕೆಯಲ್ಲಿ ತುಸು ಎಚ್ಚರ ಬೇಕು.
ಈ ಈಶಾನ್ಯದಲ್ಲಿ ಈಶನೇ ಯಾಕೆ ಇರಬೇಕು? ಇದಕ್ಕೆ ವಿಜ್ನಾನದ ಉತ್ತರವಿದೆಯೇ?
ಉ: ಪದಗಳು ......ಮರೆಯಾಗುವ ಮುನ್ನ!
ಆದರೆ ನನ್ನ ಪ್ರಕಾರ ಕುಸುಬುಲಕ್ಕಿಯನ್ನ ಅನ್ನ ಮಾಡಲು ಬಳಸಲ್ಲ. ಆದರೆ ನಾನು ಮೇಲೆ ಬರೆದ ಮೂರು ರೀತಿಯ ಅಕ್ಕಿ ಯನ್ನು " ನೇರವಾಗಿ" ಅನ್ನ ಮಾಡಲು ( ಅಂದ್ರೆ ಸಾರಿನ ಜೊತೆ ಕಲಸಿಕೊನ್ಡು ತಿನ್ನುವ ) ಬಳಸುತ್ತಾರೆ.
---ಕರಾವಳಿಯ ಕಡೆ ಕುಸುಬಲಕ್ಕಿಯ ಅನ್ನ ಮಾಡುತ್ತಾರೆ.ಗನ್ಜಿ ಸಹ ಮಾಡುತ್ತಾರೆ.ಅಕ್ಕಿಯ ಬಣ್ಣ ಕೆಮ್ಪು.ಆನ್ಗ್ಲ ಭಾಶೆಯಲ್ಲಿ boiled rice(?)ಅನ್ನುತ್ತಾರೆ
ಉ: ಪದಗಳು ......ಮರೆಯಾಗುವ ಮುನ್ನ!
unpolished rice ಇರಬಹುದು. boiled rice ದಪ್ಪಗಿರುತ್ತೆ. ಕೇರಳದವರು ಹೆಚ್ಚಾಗಿ ಬಳಸುತ್ತಾರೆ.
--
ನನ್ನ ಬ್ಲಾಗ್:
ಪರಿವೇಶಣ | PariveshaNa
ಉ: ಪದಗಳು ......ಮರೆಯಾಗುವ ಮುನ್ನ!
ಹರಿಯವರೇ,
ನಿಮ್ಮ ಅಭಿಪ್ರಾಯ ಸರಿಯಾಗಿದೆ.ಆದರೆ ಕುಸುಬಲಕ್ಕಿ ಅನ್ನವನ್ನು ಕೇರಳ ಮಾತ್ರವಲ್ಲ ನಮ್ಮ ಕುಂದಾಪುರ,ಉಡುಪಿ,ಮಂಗಳೂರು ಕಡೆ ಸಹ ಬಳಸುತ್ತಾರೆ.ಅದು ದೇಹವನ್ನು ತಂಪಾಗಿಡುತ್ತದೆ.ಕರಾವಳಿಯ ಹವೆಗೆ ಅದೇ ಉತ್ತಮ.ಇಲ್ಲಿ ಯಾವುದೇ ಹೋಟೆಲ್ಗೆ ಹೋದರೂ boiled rice ಬೇಕಾ /white rice ಬೇಕಾ ಅಂತ ಕೇಳ್ತಾರೆ.ಗೊತ್ತಿಲ್ಲದಿರುವವರಿಗೆ ಗೊಂದಲವಾಗಬಹುದು!
ಉ: ಪದಗಳು ......ಮರೆಯಾಗುವ ಮುನ್ನ!
ನೆಲ್ಲು ಎಂದರೆ ಹೊಟ್ಟುಗೂಡಿದ ಅಕ್ಕಿ. ಆದರೆ ನವಣೆ ಬೇಱೆ ಜಾತಿಯ (species) ಧಾನ್ಯ. ಅದೊಂದು ತೆಱನಾದ ಅಕ್ಕಿ ಅಲ್ಲ. ನೆಲ್ಲಲ್ಲಿ ತುಂಬಾ ಕಲ್ಲು ಎಂಬೊಂದು ಮಾತಿದೆ. ಆಂಧ್ರಪ್ರದೇಶದ ಬತ್ತದ ಕಣಜವಾದ ನೆಲ್ಲೂರಿಗೆ ಈ ನೆಲ್ಲಿನಿಂದಲೇ ಆ ಹೆಸರು.
ಉ: ಪದಗಳು ......ಮರೆಯಾಗುವ ಮುನ್ನ!
ನೆಲ್ಲಕ್ಕಿ ಅನ್ನುವ ಪ್ರಯೋಗ ನಾನು ಕೇಳಿಲ್ಲ, ಆದರೆ
ತಮಿಳಿನಲ್ಲಿ, ಮತ್ತೆ ನನ್ನ ಮನೆಮಾತೂ ಸೇರಿದಂತೆ ಕೆಲವು ತಮಿಳಿನ ಉಪಭಾಷೆಗಳಲ್ಲಿ ನೆಲ್ಲು ಅಂದರೆ (ಇಲ್ಲಿ ಕೊನೆಯ ಉಕಾರ ಪೂರ್ಣವಾಗಿ ಉಚ್ಚಾರವಾಗದು) ಬತ್ತ.
-ಹಂಸಾನಂದಿ
ಪುರಂದರ ದಾಸರ ರಚನೆಗಳಿಗಾಗಿ ಇಲ್ಲಿ ಚಿಟಕಿಸಿ :- http://purandara.wor...
ಉ: ಪದಗಳು ......ಮರೆಯಾಗುವ ಮುನ್ನ!
ನೆಲ್ಲು ಅಂದರೆ ನಮ್ಮ ಮನೆಯಲ್ಲು ಬತ್ತ ಎಂದೇ ತಿಳಿವು...
ಆದರೆ ಇದು ಬತ್ತದ ಕಾಳನ್ನು ನೆಲ್ಲು ಅಂದರೆ ’ಬತ್ತ’ ಇದು ತಳಿಯ ಹೆಸರು
ಬತ್ತದ ತೆನೆ, ಬತ್ತದ ಗದ್ದೆ ಇದೆ ಹೊರತು ನೆಲ್ಲಿನ ತೆನೆ, ನೆಲ್ಲಿನ ಗದ್ದೆ ಇಲ್ಲ...
ಆದರೆ ನೆಲ್ಲು ಅಂದರೆ ಬತ್ತದ ಕಾಳು ಎಂದು ತಿಳಿವು!
=====================================
ಮಾಯ್ಸ!
ಉ: ಪದಗಳು ......ಮರೆಯಾಗುವ ಮುನ್ನ!
ಸಾವಕ್ಕಿ ಇದು ಸಾಬಕ್ಕಿ ಕೆಲವು ಕಡೆ ಹೇೞುವ ಸೀಮೇಕಿ ಅಥವಾ ಸೀಮೆ ಅಕ್ಕಿ. ಇದು ಅಕ್ಕಿಯಿಂದ ಭಿನ್ನವಾದ ಧಾನ್ಯವಿರಬೇಕು. ಯಾರೂ ಈ ಸಾಬಕ್ಕಿ ಎಲ್ಲಿಂದ ಬರುತ್ತದೆ ಅಥವಾ ಹೇಗೆ ತಯಾರು ಮಾಡುತ್ತಾರೆಂದು ತಿಳಿಸಿಲ್ಲ. ನಿಮಗೆ ಗೊತ್ತಿದ್ದರೆ ತಿಳಿಸಿ.
ಉ: ಪದಗಳು ......ಮರೆಯಾಗುವ ಮುನ್ನ!
ಸಬ್ಬಕ್ಕಿ ಇನ್ನೊಂದು ಉಲಿಕೆ
=====================================
ಮಾಯ್ಸ!
ಉ: ಪದಗಳು ......ಮರೆಯಾಗುವ ಮುನ್ನ!
ಸಾಬಕ್ಕಿ ಅಥವಾ ಸೀಮೆ ಅಕ್ಕಿ ಮರಗೆಣಸಿನ ಹಿಟ್ಟಿನಿಂದ ಮಾಡಿದ್ದು.
ಅದು ಧಾನ್ಯವಲ್ಲ