ಒಳ್ಳೆಯ ಓದು
ನಾನು ಓದಿದ ಒಳ್ಳೆಯ ವಿಷಯ ನಿಮಗೆ ತಿಳಿಸುವೆ .
ರೂಲ್ ನಂ. ೩೨ - ಒಂದು ಸಣ್ಣ ಕಥೆ ಓದಿ.
ಆ ದೇಶದಲ್ಲಿ ಎಲ್ಲವನ್ನೂ ಸರಕಾರವೇ ನಿರ್ಧರಿಸುತ್ತದೆ . ಶಿಕ್ಷಣ , ಉದ್ಯೋಗ , ಮದುವೆ, ವಸತಿ ಇತ್ಯಾದಿ ಎಲ್ಲವನ್ನೂ . ಎಲ್ಲದಕ್ಕೂ ಸರಕಾರದ ಅನುಮತಿ ಬೇಕು.
ದಂಪತಿಯೊಂದು ಮಗನ ಶಾಲೆಯ ಸಂಬಂಧ ಒಂದು ಅರ್ಜಿ ಕೊಟ್ಟಿದೆ. ಆ ಸಂಬಂಧ ಸರಕಾರದ ಇಲಾಖೆ ಅವರನ್ನು ಕರೆದಿದೆ. ಮಗುವಿನ ಸಮೇತ ಅವರು ಕಛೇರಿಗೆ ನಿಗದಿತ ಸಮಯಕ್ಕೆ ಬರುತ್ತಾರೆ. ಅಲ್ಲಿ ಒಬ್ಬ ಸಹಾಯಕಳು ಮಗುವನ್ನು ಆಚೆ ಕರೆದುಕೊಂಡು ಹೋಗುತ್ತಾಳೆ. ಅಲ್ಲಿಯ ಅಧಿಕಾರಿ ಅವರಿಗೆ ಮದುವೆಯ ಅನುಮತಿಪತ್ರ ತೋರಿಸಲು ಹೇಳುತ್ತಾನ. ಅದನ್ನು ಪರಿಶೀಲಿಸಿ ಅವನು ಇವರನ್ನು ಕೇಳುತ್ತಾನೆ . ಈ ಲೈಸೆನ್ಸ್ ಎಲ್ಲಿ ಹೇಗೆ ಪಡೆದಿರಿ . ಇವರು ಹೇಳುತ್ತಾರೆ ' ಏಜೆಂಟ್ ಮೂಲಕ ಪಡೆದದ್ದು ' ಅಂತ . ' ನೀವು ಕಲಿತವರು, ಹೀಗೆ ಮಾಡಬಹುದೇ? ಇದು ನಕಲಿ , ನಿಮ್ಮ ಮದುವೆ ಸಿಂಧುವಲ್ಲ' ಎಂದು ಅಧಿಕಾರಿ ಹೇಳುತ್ತಾನೆ . 'ಈಗ ಏನು ಮಾಡುವದು?' ಎಂಬ ಪ್ರಶ್ನೆಗೆ , 'ಈಗ ಒಂದು ಅರ್ಜಿ ಕೊಟ್ಟಿರಿ. ನೀವಿಬ್ಬರೂ ಶಿಕ್ಷಣ ಕ್ಷೇತ್ರದಲ್ಲಿ ಇರುವದರಿಂದ ನಾವು ಸಹಾನುಭೂತಿಯಿಂದ ಪರಿಗಣಿಸುತ್ತೇವೆ. ನಿಮಗೆ ಸ್ಪೇಷಲ್ ಕೇಸು ಎಂದು ಅನುಮತಿ ಕೊಡುತ್ತೇವೆ' ಈಗ ಹೋಗಿ ೧೫ ದಿನ ಬಿಟ್ಟು ಬನ್ನಿ' ಎನ್ನುತಾನೆ.
'ಹಾಗೇ ಆಗಲಿ' ಎಂದು ಹೊರಡಲು ಅನುವಾದ ದಂಪತಿಗಳು ' ನಮ್ಮ ಮಗು ಎಲ್ಲಿ? ಕಳಿಸ್ತೀರಾ?' ಎಂದು ಕೇಳಿದರೆ ಆ ಅಧಿಕಾರಿ ಹೇಳುತ್ತಾನೆ.
...
...
...
'ನಿಮಗೆ ರೂಲ್ ನಂ. ೩೨ ಗೊತ್ತಿಲ್ಲವೇ ?
....
....
ನಾವು ಆ ಮಗುವನ್ನು ಕೊಂದು ಬಿಟ್ಟೆವು!'
ಹಿಂದೆಂದೋ ಮಯೂರದಲ್ಲಿ ಓದಿದ ಕತೆ . ಭಾಷೆ ಕುರಿತ ಗಂಭೀರ ಚರ್ಚೆಯಿಂದ ನಿಮಗೆ ಬೇಸರ ಆಗಿರಬಹುದೆಂದು ಈ ಕತೆ ಹೇಳಿದ್ದೇನೆ.

- shreekant.mishrikoti ರವರ ಬ್ಲಾಗ್
- Login or register to post comments
- 601 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ



- ನಿರ್ವಾಹಕರ ಗಮನಕ್ಕೆ ತನ್ನಿ


RSS:
ಪ್ರತಿಕ್ರಿಯೆಗಳು
ರೂಲ್ ನಂ ೩೨ - ಇದು ಕಥೆಯೇ ??
ಸಾರ್, ಇದು ಕಥೆಯೇ ? ನಿಜಕ್ಕೂ ಈ ಓದನ್ನು ಜೀರ್ಣಿಸಿಕೊಳ್ಳುವುದು ತುಂಬಾ ಕಷ್ಟವಾಯಿತು. ರೂಲ್ ನಂ ೩೨ ಹೀಗಿರಬಹುದು ಎಂಬುದನ್ನು ಊಹೆಯಲ್ಲೂ ಎಣಿಸಲಿಲ್ಲ. ಯಪ್ಪಾ!!!ಕಥೆ ಬರೆದವರಿಗೆ ನಿಜಕ್ಕೂ ಗುಂಡಿಗೆಯಿದೆ.
ಅಂದ ಹಾಗೆ, ಒಂದು ಸಣ್ಣ ಮಾತು. ಭಾಷೆಯ ಕುರಿತಾದ "ಗಂಭೀರ ಚರ್ಚೆಗಳಿಂದ" ಬೇಸರಕ್ಕಿಂತ ಮನಸ್ಸಿನಲ್ಲಿಯೇ ಮಂಡಿಗೆ ತಿಂದವರೇ ಹೆಚ್ಚಿರುತ್ತಾರೆ
ನೀವು ಚಿಂತಿಸಬೇಡಿ.
ಗಣಪತಿ ಎನ್ನ ಪಾಲಿಸೋ...ಗಂಭೀರಾ
ಅಂದಹಾಗೆ ಈ ಕಾಮೆಂಟಿನ ಮೂಲಕ ನನ್ನ ಪಾಯಿಂಟು ಸಂಗ್ರಹ ೧೫೦೦ ಮುಟ್ಟಿತು.
Re: 1500 ಅಂಕ:ಅಭಿನಂದನೆ
ಸುನಿಲ್,
ನಾನಿನ್ನೂ ಐನೂರರ ಗಡಿ ದಾಟಲೇ ಒದ್ದಾಡುತ್ತಿರುವಾಗ ನೀವಾಗಲೇ ಒಂದೂವರೆ ಸಹಸ್ರಾಧಿಪತಿಯಾದ್ದಕ್ಕೆ ಅಭಿನಂದನೆಗಳು!ನೀವು ನಿಜಕ್ಕೂ "ಅಂಕ"ಣಕಾರ.
Re: 1500 ಅಂಕ:ಅಭಿನಂದನೆ
ಏನಿದು ೧೫೦೦?ಅಂಕ?

======
Re: 1500 ಅಂಕ
ಬರಹ ಸೇರಿಸಿದಾಗ(ಲೇಖನಕ್ಕೆ ಹತ್ತು,ಪ್ರತಿಕ್ರಿಯೆಗೆ ಒಂದು ಅಂಕ ಇತ್ಯಾದಿ) ಸಿಕ್ಕುವ ಅಂಕಗಳು ಸುನಿಲ್ರಿಗೆ ಒಂದೂವರೆ ಸಹಸ್ರ ದಾಟಿದೆಯಂತೆ. ಮಹೇಶ್ 3 ವಾರಗಳಲ್ಲಿ 180 ಆಂಕ ಕಲೆ ಹಾಕಿ ರೆಕಾರ್ಡ್ ಮಾಡುವುದರಲ್ಲಿದ್ದಾರೆ. ಗವಾಸ್ಕರ್ ಅಂತಹ ಆಟಗಾರರು ಆಡುವಾಗ ಸ್ಕೋರ್ ನೋಡುವುದೇ ಇಲ್ಲವಂತೆ. ಹಾಗೆಯೇ ಕೆಲವರು ಬರೆದಾಗ ಬರುವ ಅಂಕ ನೋಡೋಲ್ಲ!
ಉ: 1500 ಅಂಕ
ಇಲ್ಲಿದೆ ನೋಡಿ, ಅಂಕಪಟ್ಟಿ. ತುಂಬಾ ಗಂಭೀರವಾಗಿ ತೆಗೆದುಕೊಳ್ಳುವಂತದ್ದೇನಲ್ಲ.
--
Check my Blog
Kannada wikipedia
"ಹೊಸ ಚಿಗುರು, ಹಳೆ ಬೇರು"
ಉ: 1500 ಅಂಕ
Re: ಉ: 1500 ಅಂಕ-ಮರು ಎಣಿಕೆ
ಮರುಎಣಿಕೆಗೆ ಅರ್ಜಿ ಸಲ್ಲಿಸಬಹುದೇನೋ..?
೧೫೦೦ ಎಣಿ
ದುರಾದೇಷ್ಟವಶಾತ್ ನೀವು ಅಂಕವಂಚಿತರಾದಿರಿ.
ಅದಿರಲಿ... ಈ ಎಣಿ(ನಂಬರು) ತಗೊಂಡು ಏನ್ ಮಾಡೀರಿ?

======
ಉ: ರೂಲ್ ನಂ. ೩೨ - ಒಂದು ಸಣ್ಣ ಕಥೆ ಓದಿ.
ಅಬ್ಬಾ ಎಂತಹ ಭಯಂಕರ ರೂಲ್
ಸಧ್ಯ ಅಂತಹ ರೂಲ್ ನಮ್ಮಲ್ಲಿ ಎಂದಿಗೂ ಬಾರದಿರಲಿ
ಮನಸ್ಸು ಇನ್ನೂ ಆ ಮಗುವನ್ನು ಕೊಂದಿರಬಹುದೆಂಬ ಭಾವನೆಇಂದ ಮುಕ್ತವಾಗಿಲ್ಲ.
ಏನೂ ದುಗುಡ
ನನ್ನ ತೆರೆದ ಮನಕೊಮ್ಮೆ ಭೇಟಿ ಕೊಡಿ
http://thereda-mana.blogspot.com/
ರೂಪ