ಹೌದು

ಱ ಮತ್ತು ೞ ಗಳ ಮಾತು ಬರುವುದು, ಹಳೆಗನ್ನಡದ ಒರೆಗಳ ಕುರಿತು ಆಡುವಾಗ. ನೆಱೆ ಮತ್ತು ನೆರೆ ನಡುವೆ ವ್ಯತ್ಯಾಸ ಮುಂತಾದವನ್ನು ತೋರುವಾಗ. ಹಳೆಗನ್ನಡವನ್ನು ಬಿಡಿಸಲು ಇದು ಬೇಕೇ ಬೇಕು.

ಇಂಗ್ಲೀಷನ್ನು ಪೂರ್ತೀಯಾಗಿ ಕನ್ನಡದಲ್ಲಿ ಬರೆಯಲು za, o, A, f, q,w/v ಮುಂದಾವನ್ನು ಸೇರಿಸಬೇಕು
ದೇವನಾಗರಿಯನ್ನು ಪೂರ್ತಿ ಓದಲು, ಲೃ, ಲೄ, ೠ, ಜಿಹ್ವಾಮೂಲೀಯ ಮುಂತಾದವನ್ನು ಸೇರಿಸಬೇಕು.
ತಮಿಳು ಓದಲು ಱ, ೞ ಮರಳಿ ಸೇರಿಸಬೇಕು. ( ಒಂದೆರಡು 'ನ'ಗಳು ಬರಬೇಕು )
ಹಿಂದಿ ಓದಲು ಡ( ಕೆಳಗೆ ಚುಕ್ಕಿ), ಠ( ಕೆಳಗೆ ಚುಕ್ಕಿ), ಮುಂತಾದವು ಸೇರಿಸಬೇಕು
ಪಾರಸೀ ಓದಲು ಇನ್ನೆರಡು 'ಹ' ಸೇರಿಸಬೇಕು.
.....
...
...
======================================

ಮಿಶ್ರಿಕೋಟಿಯವರೆ, ನಿಮ್ಮ ಎರಡನೆ ಮತ್ತು ಮೂರನೆ ಪಾಯಿಂಟುಗಳಿಗೆ ನಾನೂ ದನಿ ಸೇರಿಸುವೆ.

ಮೊದಲನೆಯದು ಮಾತ್ರ ಒಪ್ಪಲಾಗದು. ಹ, ರ, ಳ, ನೂ ಇರಲಿ. ಹಳೆಗನ್ನಡದ ಅಕ್ಷರಗಳೂ ಇರಲಿ. ಯಾರೊಬ್ಬರಿಗೂ 'ಬಳಕೆಯಲ್ಲಿಲ್ಲದಿದ್ದರೂ ಇದನ್ನೇ ಬಳಸಿ', ಇದನ್ನು "ತೆಗೆದುಹಾಕಿದ್ದೇವೆ" ಬಳಸಬೇಡಿ ಎನ್ನುವುದು ಸರಿಕಾಣದು.

ಎರಡೂ ಕಡೆಯ extremity ಸಲ್ಲದು. ಸಂಸ್ಕೃತ ಪದಗಳೂ ಬೇಕು, ಹಳೆಗನ್ನಡ ಪದಗಳೂ ಬೇಕು, ಎಲ್ಲ ಅಕ್ಷರಗಳೂ ನಮ್ಮ ಪೆಟ್ಟಿಗೆಯಲ್ಲಿ ಲಭ್ಯವಿರಬೇಕು. ಬಳಕೆಗೆ ಮಾತ್ರ ಹಿಡಿತವಿರಕೂಡದು ಅಥವ ನಿಯಮಗಳನ್ನು ಹೇರಬಾರದು. ಭಾಷೆ ಹೊಳೆಯಂತೆ - ಅಡ್ಡಗಟ್ಟಿದರೆ ಅಥವ ಬೇರೆಡೆ ಒತ್ತಡದಿಂದ ಹರಿಯುವಂತೆ ಮಾಡಿದರೆ ಪರಿಸರಕ್ಕೆ ತಂದೊಡ್ಡಿದ ಅಪಾಯದಂತೆ. ಭಾಷೆಯೆಂಬ ಹೊಳೆಯನ್ನೇ ವಿನಾಶದ ಅಂಚಿಗೆ ತಳ್ಳಿದಂತಾಗುವುದು.

ನಾನಿದಕ್ಕೆಲ್ಲ ಒಪ್ಪುವುದಿಲ್ಲ. ಱ ಮತ್ತು ೞ ಬೞಸುವ ಕಾರಣಗಳು ಈ ಕೆೞಗಿನಂತಿವೆ.
೧) ತೆನ್ನುಡಿಗಳಿಗೆ ವಿಶೇಷಧ್ವನಿಗಳಿವು
೨) ನಮ್ಮ ನಿತ್ಯದ ಶಬ್ದಗಳಲ್ಲಿ ಈ ’ಬಱಿ’ ಹಾಗೂ ’ಕಱಿ’(ಕಪ್ಪು ಎಂಬರ್ಥದಲ್ಲಿ) ಬೞಸುವಾಗ ನಾವು ಬಹಳಷ್ಟು ಜನ ಕಂಪಿತ ’ಱ’ (In English, you follow the rule if someone says to prounounce 'r' with a trill. Why not in Kannada?)' . ಈ ಒಂದು ವಿಚಾರ ನಿಮಗೆ ಕನ್ನಡದ ವಿಶೇಷತೆಯನ್ನು ಮುಂದಿನ ಪೀಳಿಗೆಗೆ ಹೇೞಬೇಕಾದ ನಿಜವಾದ ಕಾಳಜಿಯಿಲ್ಲವೆಂದು ತೋಱಿಸುತ್ತದೆ.
೩) ಕಲಿಯುವಲ್ಲಿ ಎಲ್ಲವನ್ನು ಕಲಿಯಬೇಕು. ಕಲಿಸಬೇಕು. ಈ ’ಶ, ಷ, ಸ, ರ, ಱ, ಲ, ಳ, ೞ ಜ, z, ಫ, f ’ ಗಳ ನಡುವೆ ವ್ಯತ್ಯಾಸ ತಿಳಿದಿರಬೇಕು. ಎಲ್ಲವನ್ನು ಸಮಗ್ರವಾಗಿ ಕಲಿಸಬೇಕು. ಕಲಿಯಬೇಕು. ಗಣಿತಶಾಸ್ತ್ರ ಕಷ್ಟ. ಅದನ್ನು ಬಿಟ್ಟುಬಿಡೋಣವೆಂದು ನೀವು ಹೇಗೆ ಹೇೞುವುದಿಲ್ಲವೋ ಹಾಗೆ ಒಂದು ಭಾಷೆಯನ್ನು ಸಮಗ್ರವಾಗಿ ಹೞೆಯದರ ಜೊತೆಗೆ ಹೊಸತನ್ನು ಸೇರಿಸಿ ಕಲಿಯುವಂತೆ. ಶೇಕ್ಸ್‍ ಪಿಯರ್‍ ಇಂಗ್ಲಿಷ್ ಹೞೆಯದೆಂದು ನೀವು ಹೇಗೆ ಅದನ್ನು ಓದದೆ ಬಿಡುವುದಿಲ್ಲವೋ ಹಾಗೆ. ಅಥವಾ ಇನ್ನಾರಾದರೂ ಓದಿ ಹೇೞುವ ಹಾಗೆ.
೪) ನನಗೂ ಹೞಗನ್ನಡದಲ್ಲಿರುವ ವಿಶೇಷಗಳನ್ನು ತಿಳಿಸುವ ಆಸೆಯಿಂದಲೂ ಈ ಱ ಮತ್ತು ೞಗಳನ್ನು ಬೞಸುತ್ತೇನೆ. ಹಾಗಾಗಿಯಾದರೂ ಜನ ತಿಳಿದುಕೊಳ್ಳಲಿ ಎಂಬ ಆಶೆ ನನ್ನದು.

ಎರಡಱ ನಿಜವಾದ ರೂಪ ೧) ಮಱೆ ೨) ಮೆಱುಗು