ಹತ್ಯಾರ ! (ಧಾರವಾಡ ಕನ್ನಡ - ಭಾಗ ಆರು)

November 20, 2007 - 11:30am — shreekant.mishrikoti

ಮೊದಲು ಮಹೇಶ್ ಅವರು ಕೇಳಿದ ಪ್ರಶ್ನೆಗೆ ಉತ್ತರ :
ಅವರು ಕೇಳಿದ್ದು .
೧. ನಾನು ನಿನಗೆ ಕಾಗದ ಬರೆಯುತ್ತಾ ಇದೆ.
೨. ನಾನು ಮಗುವಿಗೆ ಸ್ನಾನ ಮಾಡಿಸ್ತಾ ಇದ್ದೀನಿ
೩. ಅವರು ಅವನಿಗೆ ಹೊಡೆಯುತ್ತಾ ಇದ್ರು..
ಇದನ್ನೆಲ್ಲ ಧಾರವಾಡದಲ್ಲಿ ಹೇಗೆ ಹೇಳುತ್ತೀರಿ ? ಅಂತ

ಉತ್ತರ :
೧. ನಾನು ನಿನಗ ಪತ್ರ (/ಪತ್ರಾ) ಬರೀಲಿಕ್ಕೆ ಹತ್ತೇನಿ ( /ಬರೀಲಿಕ್-ಹತ್ತೇನಿ) .
೨. ನಾನು ಕೂಸಿಗೆ ಸ್ನಾನಾ ಮಾಡಿಸ್ಲಿಕ್ಕೆ ಹತ್ತೇನಿ (/ಮಾಡಿಸ್ಲಿಕ್-ಹತ್ತೇನಿ) .
೩. ಅವರು ಅವಗ ಹೊಡೀಲಿಕ್ಕೆ ಹತ್ತಿದ್ರು (/ಹೊಡೀಲಿಕ್-ಹತ್ತಿದ್ರು) .

ಮಾಡುತ್ತಾ ಇರು , ಮಾಡುತ್ತಿರು - ಇವುಗಳಿಗೆ ಅಷ್ಟೇ ಅಲ್ಲದೇ ,
ಮಾಡತೊಡಗು , ಮಾಡಲು ಶುರುಮಾಡು ಇವುಗಳಿಗೆ ಬದಲಾಗಿ ( ಗಮನಿಸಿ )
ಮಾಡಲಿಕ್ಕೆ ಹತ್ತು , ಮಾಡಲಿಕ್-ಹತ್ತು ಎಂದು ಬಳಸುತ್ತಾರೆ.
(ಮಾಡತೊಡಗು = ಮಾಡಹತ್ತು ಎಂಬುದನ್ನೂ ನೆನಪಿನಲ್ಲಿಡಿ)

ನಾನು ಮಾಡಲಿಕ್ಕೆ ಹತ್ತೀನಿ ( ಮಾಡಲಿಕ್ ಹತ್ತೀನಿ)
ನೀನು ....... ಹತ್ತೀದಿ .
ಅವ ... ಹತ್ಯಾನ
ಅಕಿ ... ಹತ್ಯಾಳ
ಅವರು ... ಹತ್ಯಾರ ...

ನಾನು .... ಹತ್ತಿದೆ ( ಮಾಡತೊಡಗಿದೆ ಅನ್ನುವದಕ್ಕೆ )
ಅವ ... ಹತ್ತಿದ ( ಮಾಡತೊಡಗಿದ)
ಅಕಿ ... ಹತ್ತಿದ್ಲು / ಹತ್ತಿದ್ಳು ... ( ಮಾಡತೊಡಗಿದಳು )

ನಾನು ... ಹತ್ತಿದ್ದೆ ... ( ಮಾಡ್ತಾ ಇದ್ದೆ , ಶುರು ಮಾಡಿದ್ದೆ)
ಅವ ... ಹತ್ತಿದ್ದ ( ಎರಡೂ ಅರ್ಥದಲ್ಲಿ )
ಅಕಿ... ಹತ್ತಿದ್ಲು / ಹತ್ತಿದ್ಳು ( ಎರಡೂ ಅರ್ಥದಲ್ಲಿ ) ಮೂರು ಸಾಲು ಮೇ‍ಲಿನದನ್ನೂ ಗಮನಿಸಿ .

ಇನ್ನೂ ಬೇರೆ ಬೇರೆ ರೂಪಗಳೂ ಇವೆ ..
ಹೊಡಿಯಾಕ (ಹೊಡ್ಯಾಕ ) / ಮಾಡಾಕ / ಬರಿಯಾಕ , ಇವೆ ನಿಜ .
ಆದರೆ ನಾನು ಆ ಕನ್ನಡವನ್ನು ಆಡುವದಿಲ್ಲ ಆದ್ದರಿಂದ ಆ ರೂಪಗಳನ್ನು ತಿಳಿಸಿಲ್ಲ ; ಯಾಕೆಂದರೆ ನಾನು ಬರೆಯುವದು ತಪ್ಪಾಗಬಹುದು .
ಬಲ್ಲವರು ಇಲ್ಲಿ ಟಿಪ್ಪಣಿ ಮಾಡಿ .

ಪ್ರತಿಕ್ರಿಯೆಗಳು

November 20, 2007 - 12:11pm — mahesha

ಒಳ್ಳೆಯ ಓದು

ಹತ್ಯಾರ ! (ಧಾರವಾಡ ಕನ್ನಡ - ಭಾಗ ಆರು)

ಪ್ರತಿಕ್ರಿಯೆಗಳು

ಕಾಮೆಂಟ್ ನೋಟ ಆಯ್ಕೆಗಳು

ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ

ಲೇಖಕರು

ವಾಟರ್ ಪೋರ್ಟಲ್: ದಿನದ ಚಿತ್ರ

ವಿಹರಿಸಿ

ಇತ್ತೀಚಿನ ಬ್ಲಾಗ್ ಬರಹಗಳು

ಇತ್ತೀಚಿನ ಪ್ರತಿಕ್ರಿಯೆಗಳು