ಹಂಸಾನಂದಿ,

ಕನ್ನಡದ ಪಂಚತಂತ್ರಕ್ಕೂ ಕರ್ಣಾಟಕ ಪಂಚತಂತ್ರ ಎಂದೇ ಹೆಸರು ಎಂದು ನೆನಪು

ನಿಮ್ಮ ನೆನಪು ಸರಿಯಾಗಿದೆ. ಇಷ್ಟೇ ಅಲ್ಲದೆ, ಸಂಸ್ಕೃತದ "ಕಾದಂಬರಿಯಿಂದ" ಪ್ರೇರಿತನಾಗಿ ನಾಗವರ್ಮನು ಬರೆದದ್ದು, "ಕರ್ಣಾಟಕ ಕಾದಂಬರಿ".

ಇನ್ನು ನಾನು ಇತ್ತೀಚೆಗೆ ಓದಿದ ಭರತೇಶ ವೈಭವದ ಪೂರ್ವನಾಟಕ ಸಂಧಿ ಎನ್ನುವಲ್ಲಿ ಈ ಕೆಳಗಿನ ಪದ್ಯ ಬರುತ್ತದೆ.

ನಾಟಕಶಾಲೆಯಂತಿಂತಿರ್ದುದೆಂದು ಕ|ರ್ಣಾಟಿಸಿ ಪೇಳಲಾನರಿಯೆ ||
ಕೋಟಿರತ್ನಗಳಿಂದ ಸುರರ ವಿಮಾನಕೆ | ಸಾಟಿಯೆಂದಾಡಿ ಬಿಡುವೆನು ||

ಹಿಂದೆ, ಉತ್ತರ ನಾಟಕ ಸಂಧಿ ಎಂಬಲ್ಲಿ "ಕನ್ನಡಿಸಿ" ಎಂಬ ಪ್ರಯೋಗ ಭರತೇಶ ವೈಭವದಲ್ಲಿ ಇರುವುದನ್ನು ಭರತೇಶ ವೈಭವದಲ್ಲಿ ಬೊಂಬೆಯಾಟ - ಕಲ್ಪು ೫ರಲ್ಲಿ ಹೇಳಿದ್ದೆ.

ನನ್ನ ಅನಿಸಿಕೆಯ ಪ್ರಕಾರ, ಕರ್ನಾಟ ಎಂಬ ಕನ್ನಡ ಪದದ, ಸಂಸ್ಕೃತ ರೂಪವೇ ಕರ್ಣಾಟ (ಕರ್ಣೆ ಅಟತಿ ಇತಿ ಕರ್ಣಾಟ ಎಂಬ ವಿಗ್ರಹ ವಾಕ್ಯ ದೊರಕುತ್ತಾದರೂ ಅದು ಎಂದಿನಿಂದ ಪ್ರಚಲಿತದಲ್ಲಿದೆ ಎಂಬುದಾಗಲೀ, ಅದರ ವಿಶ್ವಾಸಾರ್ಹತೆಯಾಗಲೀ ನನಗೆ ತಿಳಿದಿಲ್ಲ). ಹಿಂದೆ, ನಮ್ಮ ರಾಜ್ಯದಲ್ಲಿ "ನೊಣ ಜಗಳ" ಎಂಬ ತುಂಬಾ ದೊಡ್ಡ ಚರ್ಚೆಯಾಗಿ ದೊಡ್ಡ ದೊಡ್ಡವರೆಲ್ಲ ಪರಸ್ಪರ ರಾಡಿಯಾಡಿದ್ದರಂತೆ