ಸುಮನ ಅವರೆ,
ನೋಡಿ, ಈ ಮದ್ವೆ ವಿಷಯದಲ್ಲಿ ನಾನು ಬಹಳ ರಿಸರ್ಚ್ ಮಾಡ್ವಿಟ್ಟಿದ್ದೀನಿ ಯಾಕೆ ಕೆಲವು ಮದುವೆಗಳು ಉಳಿಯತ್ತೆ, ಕೆಲವು ಮುರಿದು ಬೀಳುತ್ತೆ? ಇದು ತಿಳಿದುಕೊಳ್ಳೋದಿಕ್ಕೆ ಮದುವೆಯ ಮೂಲಕ್ಕೆ ಹೋಗಬೇಕು, ಅಂದರೆ, ಮದುವೆ ಜೀವನಪರ್ಯಂತ ಉಳಿಯಲು ಎಂತಹ ವ್ಯಕ್ತಿಯನ್ನು ನೀವು ಮದುವೆಯಾಗಬೇಕು? ಈ ಪ್ರಶ್ನೆಗೆ ಉತ್ತರ ಹುಡುಕಬೇಕು.

೧. ನೋಡಿದ ತಕ್ಷಣ ನಿಮಗೆ, ಹುಡುಗ ಪರ್ವಾಗಿಲ್ಲ, ಚೆನ್ನಾಗಿದ್ದಾನೆ ಅನ್ನಿಸಬೇಕು, ಅಂದರೆ ಒಂದು ತರಹ instant attraction ಇರಬೇಕು. ಎದ್ದು ಕಾಣುವಂತಹ ಯಾವುದೇ negative characteristics ಇರಬಾರದು, ಅಂದರೆ, ನಿಮ್ಮ ಕಣ್ಣಿನಲ್ಲಿ negative ಯಾವುದೋ ಅದು.

೨. ಹುಡುಗ ಒಳ್ಳೆಯ ಉದ್ಯೋಗದಲ್ಲಿದ್ದು ಬದುಕಿನಲ್ಲಿ ಉತ್ಸಾಹ ಹೊಂದಿರಬೇಕು, ಅಂದರೆ, financially stable ಆಗಿರಬೇಕು.

೩. ನಿಮ್ಮ ಅಭಿರುಚಿಗಳು ಅವನ ಅಭಿರುಚಿಗಳ ಜೊತೆ ಹೊಂದಿಕೆಯಾಗಬೇಕು, ಅಂದರೆ ೫೦% ಆದರೂ ಒಂದೇ ಇರಬೇಕು. ಇಲ್ಲದಿದ್ದರೆ ಮುಂದೆ ಬಹಳ ಜಗಳ ಬರುತ್ತೆ. ಈ ಅಭಿರುಚಿಗಳು, ಚಿಕ್ಕ ವಿಷಯ(ಉದಾ:ಸಂಗೀತ, ಪುಸ್ತಕ ಪ್ರೇಮ)ಗಳಿಂದ ಹಿಡಿದು ದೊಡ್ಡ ವಿಷಯ(ಉದಾ:ಸಂಸಾರ, ಮಕ್ಕಳು, ಕೆಟ್ಟ ಚಟ)ಗಳ ತನಕ ನೋಡಬೇಕು. ಮುಖ್ಯ ನಿಮ್ಮ ಅಭಿರುಚಿಗಳ ಬಗ್ಗೆ ನಿಮಗೆ ಆಳವಾಗಿ ಗೊತ್ತಿರಬೇಕು, ಯಾವು ಅಭಿರುಚಿಯನ್ನು ನೀವು ಅವನಿಗಾಗಿ ಬಿಡಲು ಅಥವ ಬದಲಾಯಿಸಲು ತಯಾರಿದ್ದೀರ?

೪. ತಂದೆ, ತಾಯಿ, ಮನೆಯವರ ಜೊತೆ ಆತನ ಸಂಬಂಧ ಹೇಗಿದೆಯೆನ್ನುವುದೂ ನೋಡಬೇಕು. ತಾಯಿ, ಅಕ್ಕ, ತಂಗಿಯರನ್ನು ಆದರಿಸುವವನು ಹೆಂಡತಿಯನ್ನೂ ಮುಂದೆ ಗೌರವದಿಂದ ಕಾಣುತ್ತಾನೆ ಎನ್ನುವ ನಂಬಿಕೆ ಇದೆ. ಇದು ಸುಮಾರು ನಿಜ.

ಸಧ್ಯಕ್ಕೆ ಇಷ್ಟು ಉಪದೇಶ ಸಾಕು ಅನ್ನಿಸುತ್ತೆ ಇನ್ನೂ ಬೇಕಾದ್ರೆ ಕೇಳಿ, ಕೊಡಲು ನಾನು everready!

ಪ್ರಿಯರೇ,

ನಮಸ್ಕಾರ. ಮೊದಲನೆಯದಾಗಿ ಸಂಪದ ಕುಟುಂಬಕ್ಕೆ ನಿಮಗೆ ಸ್ವಾಗತ. ನಿಮ್ಮ ಬ್ಲಾಗ್ ನಂಗೆ ಜನಾನೇ ಇಲ್ದೆ 25 ವಾರ ಓಡಿದ ಪಿಕ್ಚರ್ ಥರಾ ಕಾಣ್ಸುತ್ತೆ. ಈಗಲಾದ್ರೂ ಒಂದು ಒಳ್ಳೆ ವಿಚಾರದ ಬಗ್ಗೆ ಬರೆದಿದ್ದೀರಿ. ವೆರಿ ಗುಡ್.

ಇಲ್ಲಿ ನೀವು ಸೇರಿಸಿರೋ ಪಾಯಿಂಟುಗಳ ಜತೆ ಇನ್ನಷ್ಟು ಸೇರಿಸಬಹುದು. ಆದರೆ, ಅದು ಸುಮ್ಮನೆ ಇರೋ ಗೊಂದಲವನ್ನ ಮತ್ತಷ್ಟು ಹೆಚ್ಚಿಸುತ್ತೆ ಅಷ್ಟೆ. ನಂಗೂ ಮದ್ವೆ ವಯಸ್ಸಾಗಿದೆ. ನನ್ನನ್ನೂ ಎಲ್ರೂ ಇದೇ ಪ್ರಶ್ನೆ ಕೇಳ್ತಾ ಇರ್ತಾರೆ. ನನ್ನ ಪುಣ್ಯಕ್ಕೆ ನಂಗೆ ಮದ್ವೆಯಾಗಬೇಕಿರೋ ತಂಗಿ ಇದ್ದಾಳೆ. ಎಲ್ಲದಕ್ಕಿಂತ ಹೆಚ್ಚಾಗಿ ಹುಡುಗ. ಇಲ್ಲಾ ಅಂದಿದ್ರೆ...ನನ್ನ ಕತೆ! ಮದ್ವೆ ವಯಸ್ಸಿಗೆ ಬಂದಿರೋ ಎಲ್ಲಾ ಸೂಕ್ಷ್ಮ ಮನಸ್ಸುಗಳಿಗೂ ಇರೋ ಹಾಗೆ ಏನೋ ಒಂಥರಾ ಭಯ, ಗೊಂದಲ, ಡೈಲೆಮ್ಮ.

ಇರಲಿ, ನಾನು ಎಷ್ಟೋ ಜನ ಹುಡುಗಿಯರನ್ನ ನೋಡಿದ್ದೀನಿ. ಹೆಚ್ಚಿನವರು ಹತ್ತರಲ್ಲಿ ಒಬ್ಬರು ಅನ್ನೋ ಹಾಗೆ ತುಂಬಾ ಸುಲಭ ಅನ್ಸೋ ದಾರಿಗಳನ್ನ ಹುಡುಕ್ಕೋತ್ತಾರೆ. ಇನ್ನು ಕೆಲವರು ತುಂಬಾ ಸೆನ್ಸಿಬಲ್ ಅನ್ನಿಸ್ತಾರೆ.ಒಳ್ಳೇ ಆಯ್ಕೆ ಮಾಡೋರು ತುಂಬಾ ಅಪರೂಪ.

ಆದರೆ, ಎಲ್ಲಾ ಚಟಗಳನ್ನ ಮೈಗೆ ಅಂಟಿಸಿಕೊಂಡಿರೋ, ಬದುಕಿನಲ್ಲಿ ಗಂಭೀರವಾಗಿರದ, flirt ಹುಡುಗರ ಆಕರ್ಷಣೆಗೆ ಒಳಗಾಗಿ ಎಡವಟ್ಟು ಮಾಡ್ಕೋತಾರೆ. ಅದನ್ನ ನಾನು ಪ್ರತ್ಯಕ್ಷ ಕಂಡಿದ್ದೇನೆ. ಅದೆ ಯಾವುದೋ ಚಟಗಳಿರದ, ಹೆಣ್ಣಿನ ಅಪ್ಪನ ಬ್ಯಾಂಕ್ ಬ್ಯಾಲೆನ್ಸ್ ನೋಡದೆ, ಅವಳ ಕೆಲಸ, ಸಂಬಳ ನೋಡದೆ, ಸರಳವಾದ ಮದ್ವೆ ಬಯಸೋ, ವರದಕ್ಷಿಣೆ, ದುಂದು ಮುಂತಾದವುಗಳಿಂದ ದೂರವಿರೋ, ಜಾತಿ ಧರ್ಮಗಳಿಗೆ ಬೆಲೆ ಕೊಡದ, ಬದುಕಿನಲ್ಲಿ ಗಂಭೀರವಾಗಿರುವ, ಮಾನವೀಯ ಸಂಬಂಧಗಳಿಗೆ ಬೆಲೆ ಕೊಡುವ ಒಂದು ಮಿಡಿವ ನಿಷ್ಕಲ್ಮಶ ಹೃದಯಕ್ಕಾಗಿ ಹಾತೊರೆವ ಹುಡುಗರ ಹತ್ರ ಯಾವ ಹುಡ್ಗೀನೂ ಸುಳಿಯೋದಿಲ್ಲ. ಎಲ್ಲಾ(ಹುಡುಗರೂ, ಹುಡುಗಿಯರೂ) ಯಾಕೆ comfort zone ಬಯಸ್ತಾರೆ ಅಂಥ ಅರ್ಥಾನೆ ಆಗೊಲ್ಲ. ಯಾಕೆ ಹೆಚ್ಚಿನ ಜನ ನಡೆಯದ ಹಾದಿಯಲ್ಲಿ(The Road Not Taken) ನಡೆಯಲು ಯಾರೂ ಬಯಸೋಲ್ಲ! ಇಂಥ ಗೊಂದಲಗಳಿಂದಾಗಿಯೇ ನಂಗೂ ಮದ್ವೆ ಅಂದ್ರೆ ಭಯವಾಗುತ್ತೆ. ಅಷ್ಟು ಯೋಚ್ಸಿದ್ರೆ ಮದ್ವೇನೆ ಆಗೋಕಾಗೊಲ್ಲ ಅಂತಾನೆ ಏನೋ ಯಾರೂ ಹಾಗೆ ಯೋಚಿಸೋಕೆ ಹೋಗೊಲ್ಲ. ಅದಕ್ಕೇ ಏನೋ ಫಿಲಾಸಫರ್ ಗಳ್ಯಾರೂ ಮದ್ವೆ ಆಗೊಲ್ಲ.

ಒಂದೇ ಮಾತಲ್ಲಿ ಹೇಳೋದಾದ್ರೆ, ನಮ್ಮ ವಚನಕಾರರು ಹೇಳಿದ ಹಾಗೆ, "ಸತಿ ಪತಿಗಳೊಂದಾದ ಭಕ್ತಿ ಹಿತವಾಗಿಪ್ಪುದು ಶಿವಂಗೆ" ಅಂತ ಮಾತ್ರ ಹೇಳ್ಬೋದು.

ಇರಲಿ, ನಿಮಗಾದ್ರೂ ನಿಮ್ಮಿಂದ ಭಾವನಾತ್ಮಕವಾದದ್ದು ಬಿಟ್ಟು, materialistic ಆಗಿ ಇರೋ ಅಂಥದ್ದನ್ನು ಏನೂ ಬಯಸದ, ಸೆನ್ಸಿಬಲ್ ಬಾಳಸಂಗಾತಿ ಸಿಗಲಿ ಅಂತ ಹಾರೈಸ್ತೇನೆ. ಹಾಗೇನಾದ್ರೂ ನನ್ನ ಹಾರೈಕೆ ನಿಜವಾದ್ರೆ ತಪ್ಪದೆ ಮದ್ವೆಗೆ ಕರೀತೀರಲ್ವ?

ನಿಮಗೆ ಎಲ್ಲವೂ ಒಳ್ಳೆಯದಾಗಲಿ. ಹೆಚ್ಚೆಚ್ಚು ಬರೆಯಿರಿ. ಪ್ರತಿಕ್ರಿಯೆ ತುಂಬಾ ದೊಡ್ಡದಿದೆ ದಯವಿಟ್ಟು ಕ್ಷಮಿಸಿ.

ಸಿರಿಗನ್ನಡಂ ಗೆಲ್ಗೆ

ನಿಮಗೆ ಎಲ್ಲವೂ ಒಳ್ಳೆಯದಾಗಲಿ.

ವಿಶ್ವಾಸದಿಂದ,
ಶಶಿ
ಜಾಲತಾಣ: http://vishwamanava.mywebdunia.com/

ಅರ್ಧ ಘಂಟೆ ಮಾತನಾಡಿದ್ರೆ ಅವರ ಬಗ್ಗೆ ಅಲ್ಲ ಯಾರ ಬಗ್ಗೆನು ತಿಳಿದುಕೊಳ್ಳೋಕೆ ಆಗೋಲ್ಲ. ಅವರ ಬಗ್ಗೆ ಅರಿಯಲು ಕನಿಷ್ಟ ೬ ತಿಂಗಳಾದ್ರು ಬೇಕು.

ಇದು ಜೀವನದ ಪ್ರಶ್ನೆ. ನಿಮ್ಮ ಅಭಿಪ್ರಾಯಕ್ಕೆ, ಆಸೆ, ಆಕಾಂಕ್ಷೆಗಳಿಗೆ ಸ್ವಲ್ಪನಾದ್ರು ಸ್ಪಂದಿಸುವಂತಿರಬೇಕು. ಅವುಗಳ ಬಗ್ಗೆ ವಿರೋಧ ಇದ್ರೆ ಅವರೊಡನೆ ಜೀವಿಸುವುದು ಕಷ್ಟವಾಗುತ್ತೆ. ಇಬ್ಬರಿಗು ಹೊಂದಿಕೊಂಡು ಇರುವ ಗುಣ ಇದ್ದರೆ ಮುಂದಿನ ಜೀವನ ಚೆನ್ನಾಗಿರುತ್ತೆ.