"ಇಂತಿ ನಿನ್ನ ಪ್ರೀತಿಯ" ಅನಿಸಿಕೆಗಳು

ಹೋದ ಶನಿವಾರ, ಸಿಕ್ಕಾಪಟ್ಟೆ ಕೆಲಸ ಇದ್ದಾಗ್ಯೂ, "ಇಂತಿ ನಿನ್ನ ಪ್ರೀತಿಯ" ಸಿನಿಮಾ ನೋಡಲು, ಪಿವಿಆರಿಗೆ ನಡೆದೆ. ಈ ಚಿತ್ರದ ಕೆಲವು ಕಡೆ ನಗು ತರಿಸುತ್ತದೆಯಾದರೂ ನನಗೆ ವೈಯಕ್ತಿಕವಾಗಿ ಬೇಸರ ಉಂಟು ಮಾಡಿದ್ದೇ ಹೆಚ್ಚು. ಈ ಚಿತ್ರದಲ್ಲಿ ನನಗೆ ಇಷ್ಟವಾದದ್ದು ಮತ್ತು ಇಷ್ಟವಾಗದೇ ಇದ್ದ ವಿಚಾರಗಳನ್ನು ಪಟ್ಟಿಮಾಡಲು ಪ್ರಯತ್ನಗೈದಿರುವೆ. ಒಳ್ಳೆಯ ಅಂಶಗಳು ೧. ಶ್ರೀನಗರ ಕಿಟ್ಟಿಯವರಿಗೆ ಪಾತ್ರದ ಮೇಲಿರುವ ಹಿಡಿತ. ಚಾಂಗ್ ಆಕ್ಟಿಂಗ್ ಕಿಟ್ಟು ಕಿಂಗ್. ಇನ್ನೂ ಸಖತ್ ಪಾತ್ರಗಳನ್ನ ಮಾಡಿ ಕನ್ನಡ ಸಿನಿಮಾದಲ್ಲಿ ನಿನ್ನದೇ ಛಾಪು ಮೂಡಿಸು ಗುರೂ. ೨. ರಂಗಾಯಣ ರಘುವಿನ ನಟನೆಯ ಬಗ್ಗೆ ಎಷ್ಟು ಬರೆದರೂ ಕಡಿಮೆಯೇ. ಸಣ್ಣ ಹೃದಯದವರು ಇವನು ಸಾಯುವ ದೃಶ್ಯವನ್ನು ನೋಡಬೇಡಿ ;-) ೩. ಚಿತ್ರದ ಮೊದಲರ್ಧ ಪ್ರಪಂಚದ ಇತರ ಭಾಷೆಯಗಳಿಗೂ ಅನುವಾದ ಮಾಡಿಸಿದರೆ ಚೆನ್ನಾಗಿರತ್ತೆ ಅಂತ ಅನಿಸಿತು. ೪. ಜಯಂತ ಕಾಯ್ಕಿಣಿ ಬರೆದಿರುವ, "ಮಧುವನ ಕರೆದರೆ, ತನುಮನ ಸೆಳೆದರೆ, ಶರಣಾಗ ನೀನು, ಆದರೆ!" ಹಾಡು ತುಂಬಾ ಅಂದ್ರೆ ತುಂಬಾ ಚೆನ್ನಾಗಿದೆ. ಶಾಸ್ತ್ರೀಯ ಅಥವಾ ಸುಗಮ ಹೀಗೆ, ಯಾವುದೇ ರೀತಿಯ ಸಂಗೀತವನ್ನು ನೀವು ಇಷ್ಟಪಡುತ್ತೀರಾದರೆ ಕನ್ನಡಆಡಿಯೋ.ಕಾಮಿನ ಕೊಂಡಿಗಳನ್ನು ಚಿಟುಕಿ ಹಾಡನ್ನು ಕೇಳಿ. ಎಚ್ಚರಿಕೆ, ಹಾಡಿನ ವೀಡಿಯೋ U/A. ೧. [http://www.kannadaau...(Filmy).rm|ಸಿನಿಮಾ ಹಾಡು], ವಾಣಿಯವರ ದನಿಯಲ್ಲಿ ೨. [http://www.kannadaau...(Classic).rm|ಶಾಸ್ತ್ರೀಯ ಟಚ್ಚಿನಲ್ಲಿ] ಚಿನ್ಮಯಿ ಅವರ ದನಿಯಲ್ಲಿ. ೩. ನನ್ನ ಅತ್ತಿಗೆಗೆ ಈ ಹಾಡು ಇಷ್ಟವಾಯಿತು. [http://www.kannadaau...|ಒಂದೊಂದೆ ಬಚ್ಚಿಟ್ಟ ಮಾತು] ಕಳೆದ ಹಲವಾರು ವರ್ಷಗಳಿಂದ ಬರುತ್ತಿರುವ ಕನ್ನಡ ಸಿನಿಮಾದ ಒಳ್ಳೆಯ ಹಾಡುಗಳ ಸರಮಾಲೆ ಈ ವರ್ಷವೂ ಮುಂದುವರಿಯುವ ಸಾಧ್ಯತೆ ದಟ್ಟವಾಗುತ್ತಿದೆ. ೫. ಕಿಟ್ಟಿ ಮೊದಲರ್ಧದ ಹೀರೋಯಿನ್, ನಮನಾಳನ್ನು "ನಮ್ಮಿ" ಅಂತ ಕರೀತಾ ಇರ್ತಾನೆ. ಇದನ್ನು ನನ್ನ ಫ್ರೆಂಡ್ ಸರಿಯಾಗಿ ಕೇಳಿಸಿಕೊಳ್ಳದೆ ನೋಡೋ, "ನನ್ನಿ" ಅಂತ ಹೇಳ್ತಾ ಇದ್ದಾನೆ. ಇವನಿಗೆ ಹೇಗೆ "ನನ್ನಿ" ಗೊತ್ತಾಯ್ತು. ಅಂದುಬಿಟ್ಟ :) ಕೆಲವು ಎಡವಿದ ಅಂಶಗಳು ೧. ನನಗೆ ಈ ಚಿತ್ರ ಅಟ್ಲೀಸ್ಟ್ ಹತ್ತು-ಹದಿನೈದು ವರ್ಷದ ಹಿಂದಿನ ಕಾನ್ಸೆಪ್ಟ್ ಅನಿಸಿತು. ೨. ನಾನು ಚಿತ್ರ ನೋಡಿದ ದಿನ, ಮಹಿಳಾ ದಿನಾಚರಣೆ. ಮಹಿಳೆಯರ ನೈತಿಕ ಮೌಲ್ಯ, ಸಾಂಸ್ಕೃತಿಕ ಸಾಧನೆ, ಸಮಾಜಿಕ ಸ್ಥೈರ್ಯಗಳನ್ನು ಈ ಸಿನಿಮಾದ ಮೂಲಕ ಎತ್ತಿಹಿಡಿಯಬಹುದಾಗಿತ್ತು. ಮಹಿಳೆ ತನ್ನ ಪರಿಮಿತಿಯಲ್ಲಿಯೂ ಕೂಡ ಸಾಮಾಜಿಕ ಬದವಾವಣೆ ತರಬಲ್ಲಳು ಎಂಬುದಾಗಿ ಚಿತ್ರಿಸಬಹುದಿತ್ತು. ಆದರೆ ಚಿತ್ರದ ನಿರ್ದೇಶಕರಾಗಲೀ, ಪಾತ್ರದವರೇ ಆಗಲಿ ಯಾರೂ ಕೂಡ ಈ ನಿಟ್ಟಿನಲ್ಲಿ ಯೋಚಿಸಿಲ್ಲ. ಗಂಡ ಏನು ಮಾಡಿದರೂ ಅದನ್ನು ಅಸಹಾಯಕವಾಗಿ ನೋಡಿಕೊಂಡು ಬಿದ್ದಿರೋ ಹೆಂಡತಿಯ ಹಾಗೆ ತುಂಬಾ ವೀಕಾಗಿ ಹೆಣ್ಣನ್ನು ತೋರಿಸಿದ್ದಾರೆ. ೩. ಈ ಚಿತ್ರದಲ್ಲಿ, ಹೆಣ್ಣು ತೀರಾ ಅಂದರೆ ತೀರಾ ಅಸಹಾಯಕಳು ಮತ್ತು ಸಮಯದ ಬೊಂಬೆ. ಕಿಟ್ಟಿಯ ಅತ್ತಿಗೆ, ಅವನ ಗರ್ಲ್-ಫ್ರೆಂಡ್, ಅವನ ಹೆಂಡತಿ, ಹೀಗೆ ಎಲ್ಲರೂ. ೪. ನನಗೆ ಬಹಳವೇ ಬೇಸರವಾಗಿದ್ದು. ಈ ಚಿತ್ರ, "ಒಬ್ಬ ಗಂಡಿನ ಭಾವನೆಗಳನ್ನು ವೈಭವೀಕರಿಸಿ, ಹೆಣ್ಣಿನ ಭಾವನೆಗಳಿಗೆ ಯಾವ ರೀತಿಯ ಬೆಲೆನೀಡದಿದ್ದರೂ ಪರವಾಗಿಲ್ಲ", ಎಂಬ ಮನಸ್ಥಿತಿಯನ್ನು ಅತಿಯಾಗಿ ಬಂಬಿಸುತ್ತದೆ ಎಂದೆನಿಸಿತು.