ಅಲ್ಲ ಕಣ್ರಯ್ಯಾ, ಹೇಳಿ ಕೇಳಿ ಇದು ಸೆಪ್ಟೆಂಬರ್-ನವೆಂಬರ್ ಕಾಲ. ಕನ್ನಡಿಗರು ಆಚರಿಸುವ ಎರಡು ದೊಡ್ಡ ಹಬ್ಬಗಳ ತಿಂಗಳು. ೧. ನಾಡಹಬ್ಬ ದಸರಾ, ೨. ಕನ್ನಡ(=ಕೇವಲ ನುಡಿಯಲ್ಲ ಕಣ್ರಯ್ಯಾ, ನಾಡು, ಅದರಲ್ಲಿ ಬದುಕು ಕಾಣುತ್ತಿರುವ ಜನರು) ರಾಜ್ಯೋತ್ಸವ. ಇದೇ ಸಂದರ್ಭದಲ್ಲಿ ಹಂಪಿ ಉತ್ಸವವೂ ನಡೆಯುತ್ತಿದೆ. ರಾಜಕೀಯವಾಗಿ ಏನೆಲ್ಲಾ ತಿಪ್ಪರಲಾಗ ಆದರೂ, ಸಾಂಸ್ಕೃತಿಕವಾಗಿ ನಾವುಗಳು ಎಂತಹ ಉದಾತ್ತ ಆದರ್ಶಗಳನ್ನು ಇಟ್ಟುಕೊಂಡಿದ್ದೇವೆ, ಅಲ್ಲವೇ, ಖುಷಿಯಾಗುತ್ತದೆ. ನಮ್ಮ ಸಾಂಸ್ಕೃತಿಕ ಉದಾತ್ತತೆಯ ನಡುವೆಯೇ ರಾಜಕೀಯವಾಗಿ ಏನೇನೆಲ್ಲಾ ಕಸರತ್ತು ನಡೆದು ಹೋಯಿತು. ನಾವುಗಳು ಅತ್ತ ಸಾಂಸ್ಕೃತಿಕ ಹಿರಿಮೆ, ಗರಿಮೆಯನ್ನು ಜಗತ್ತಿಗೆ ತೋರಿಸುತ್ತಿದ್ದರೆ, ಇತ್ತ ಕಡೆ ರಾಜಕೀಯವಾಗಿ ಏನೇನಾಯಿತು ಎಂಬುದನ್ನು ವಿವರವಾಗಿ ತಿಳಿಸಬೇಕಿಲ್ಲವಷ್ಟೇ. ಈ ದಿನ ಕನ್ನಡಪ್ರಭ ಓದುವಾಗ ಎರಡು ಸುದ್ಧಿಗಳು ಕಣ್ಣಿಗೆ ರಾಚಿಯೇ ರಾಚಿದವು. ಬಹುಶಃ ಈ ಎರಡು ಸುದ್ಧಿಗಳನ್ನು ನಿಮ್ಮೊಡನೆ ಹಂಚಿಕೊಳ್ಳುವುದಕ್ಕಿಂತ ಹೆಚ್ಚು ಮಾರ್ಮಿಕವಾಗಿ ಎದೆಯ ಭಾವನೆಗಳನ್ನು ಹೇಗೆ ಹರಿಯಬಿಡಬೇಕು ತಿಳಿಯಲಿಲ್ಲ

ನುಡಿಯ ವಿಷಯದಲ್ಲಿ ಜೀತದಾಳುಗಳಾಗುಮದು ಬೇಡ (ಪತ್ರಪ್ರಭ)

ನೂತನ ಸರ್ಕಾರ ಶೀಘ್ರ ಪತನ: ಸಚಿವ ರಾಜಶೇಖರನ್‌