ಈ ದಿನ ಸಂಕ್ರಾಂತಿ, ಎಳ್ಳು ಬೆಲ್ಲ ತಿಂದು ಎಲ್ಲರೂ ಒಳ್ಳೆಯ ಮಾತಾಡಬೇಕು. ಅದಕ್ಕೇ ಈ ಕ್ರಾಂತಿ-ಬ್ಲಾಗು. "ಪೈಪೋಟಿ ಎಂದರೆ ಹೀಗಿರಬೇಕು". ನನ್ನ ಎಣಿಸಲಾಗದ ಗೆಳೆಯರ ಪಟ್ಟಿಯಲ್ಲಿ, ಇಬ್ಬರಿದ್ದಾರೆ : ಅವನು, ಇವನು. ಅವನ ಅಣ್ಣನ ಮದುವೆ ಮುಂದಿನ ತಿಂಗಳು. ಅಣ್ಣನ ಮದುವೆ ಗೊತ್ತಾದ ದಿನದಿಂದ ಅವನಿಗೆ ತಾನೂ ಮದುವೆ ಆಗಬೇಕು ಎಂಬ ಆಸೆಯಾಗಿಬಿಟ್ಟಿದೆ!!!. ಆದರೆ ಏನು ಮಾಡುವುದು ಅವನಿಗೆ ಗುರುಬಲ ಬಂದಿಲ್ಲವಂತೆ . ಅವನನ್ನು ನೋಡಿ ಇವನು ಮುಸಿಮುಸಿ ನಗುತ್ತಾ ಹೇಳುತ್ತಾನೆ,

ಇವನು : ಲೋ, ಗ್ಯಾರೆಂಟಿ ನಂಗೆ ಕಣೋ ಫಸ್ಟ್ ಮದುವೆ ಆಗೋದು.
ಅವನು : ಹೌದಾ, ನೋಡೇ ಬಿಡಣ, ಏನೇನ್ ಬೆಟ್ಸ್.
ಇವನು : ಓ ಅದಕ್ಕೇನಂತೆ, ನೋಡೇ ಬಿಡೋಣ.

ಈ ಘಟನೆಯಾದಂದಿನಿಂದ ಇಬ್ಬರೂ ನೋಡದ ಮಾಟ್ರಿಮೋನಿಯಲ್ ಇಲ್ಲ, ಹೋಗದ ನಾಟಕ, ಸಿನಿಮಾ, ಸಂಗೀತ ಕಾರ್ಯಕ್ರಮ, ಮಾಮಳಿಗೆಗಳು ಇಲ್ಲ. ಹೋದ ಎಲ್ಲ ಕಡೆ ನಮ್ಮನ್ನೆಲ್ಲ ಕಡೆಗಣಿಸಿ, ಎಲ್ಲೆಲ್ಲೂ ಯಾವ ಹುಡುಗಿ ತನಗೆ ಸರಿ ಹೊಂದಬಹುದು ಎಂಬುದರ ಕಡೆಯೇ ಅವರ ಗಮನ, ಚರ್ಚೆ ಉಫ್!!!!!!

ಈ ದಿನ ಸಂಕ್ರಾಂತಿ ನೋಡಿ ಆದ್ದರಿಂದ, "ಇವರಿಬ್ಬರಿಗೂ ಬೇಗ ಒಳ್ಳೆಯ ಹುಡುಗಿ ಸಿಗಲಿ" ಎಂದು ಶುಭ ಹಾರೈಸಿ ಅವರ ಸಂಸಾರಕ್ಕೆ ನಾಂದಿ ಹಾಡಿ.