ಗೆಳೆಯರೇ, ಕೆಲವೊಂದು ಸನ್ನಿವೇಶಗಳನ್ನು ಕಲ್ಪಿಸಿಕೊಳ್ಳಿ.

೧. ನಾನು ಬೆಂಗಳೂರಲ್ಲಿ ರೂಮು ಮಾಡಿಕೊಂಡು ಇದ್ದೀನಿ. ತಂದೆತಾಯಿ ದೂರದ ಬಾಗಲಕೋಟೆಯಲ್ಲಿದ್ದಾರೆ. ಅಪ್ಪಅಮ್ಮ ಬೆಂಗಳೂರಿಗೆ ಬಂದಾಗ ನನ್ನ ಮನೆ ಹುಡುಕಲು ಸುಲಭವಾಗುವಂತೆ ಕನ್ನಡದಲ್ಲಿಯೇ ಮ್ಯಾಪ್ ಇದ್ದಿದ್ರೆ ಚೆನ್ನಾಗಿರ್ತಿತ್ತು. ಅಲ್ವಾ!!!<ಮೇಣ್>
೨. ನನ್ನ ಮನೆ ಇರುವದು ಬಸವನಗುಡಿಯಲ್ಲಿ, ನಾನು ಆಫೀಸಿಗೆ ಹೋಗ್ತೀನಿ. ನಮ್ಮ ಅಮ್ಮ ಮತ್ತಿಕೆರೆಗೋ ಎಲ್ಲಿಗೋ ಒಂದು ಫಂಕ್ಶನ್ನಿಗೆ ಹೋಗಬೇಕು. ತಾಯಿಗೆ ಹೇಗೆ ವಿಳಾಸ ಕೊಡೋದು. ಅವರಿಗೆ ಇಂಗ್ಲೀಶ್ ಬರಲ್ಲ. <ಮೇಣ್>
೩. ನಾನೇ ಎಲ್ಲಿಗಾದರೂ ಹೋಗಬೇಕು. ನನಗೆ ಇಂಗ್ಲೀಶ್ ಗೊತ್ತು. ಆದರೆ ಕನ್ನಡದಲ್ಲಿಯೇ ವಿಳಾಸಗಳು, ಮ್ಯಾಪುಗಳು ಇದ್ದಿದ್ರೆ ಚೆನ್ನಾಗಿರ್ತಿತ್ತು ಅಂತ ಅನ್ನಿಸ್ತಾ ಇರತ್ತೆ.

ಈ ರೀತಿಯ ಸನ್ನಿವೇಶಗಳು ನಮ್ಮ ಕಣ್ಣಿಗೆ ಅನೇಕ ಬಾರಿ ಬಂದಿರುತ್ತದೆಯಷ್ಟೇ. ಅದಕ್ಕೆ ಉತ್ತರ. ಇನ್ನು ಮುಂದೆ ನಾವು ಕನ್ನಡದಲ್ಲಿಯೇ ಮಾಪುಗಳನ್ನು ನೋಡಬಹುದು. ಹಂಚಿಕೊಳ್ಳಬಹುದು. ಯಾಹೂನವರು ಈ ಸೇವೆ ಮುಂದೆ ತಂದಿದ್ದಾರೆ. ಯಾಹೂನಲ್ಲಿ ಸಿಗುವ ಬಸವನಗುಡಿಯ ಮ್ಯಾಪನ್ನು ಕನ್ನಡದಲ್ಲಿ ಹೇಗಿದೆ ಅಂತ ನೋಡಕ್ಕೆ ಇಲ್ಲಿ ಚಿಟುಕಿ

ಇನ್ನುಮುಂದೆ ನಮಗೆ ಮ್ಯಾಪೇನಾದರೂ ಬೇಕಿದ್ದರೆ, ಈ ರೀತಿ ಕನ್ನಡದಲ್ಲಿರುವ ಮ್ಯಾಪುಗಳನ್ನೇ ಬಳಸೋಣ.