ಇತ್ತಿತ್ತಲಾಗಿ ತುಂಬಾ ಹೆಚ್ಚಾಗಿ ಕೇಳಿಬರುತ್ತಿರುವ ಹೆಸರು "ಮೇಧ". ನನಗೆ ಈ ಹೆಸರನ್ನು ಕೇಳಿದರೆ, ಯಾಕಪ್ಪಾ ಈ ತರಹ ಎಲ್ಲ ಹೆಸರು ಇಡ್ತಾರೆ ಅಂತ ಅನ್ನಿಸತ್ತೆ.

ಮೇಧ ಎಂದರೆ ತುಂಬಾ ಅರ್ಥಗಳಿವೆ. ಕೆಲವನ್ನ ಇಲ್ಲಿ ಹೇಳ್ತೀನಿ.

೧. ಬಲಿ - ಒಮ್ಮೆ ಏನಾಯಿತೆಂದರೆ ಗೊತ್ತಾ, ಒಬ್ಬರು "ಮೇಧ" ಅಂತ ಹೆಸರು ಇಟ್ಟುಕೊಂಡಿದ್ದರು. ನಾನು ಅವರಿಗೆ ಅದು, "ಮೇಧ"ವೋ "ಮೇದ"ವೋ ಅಂತ ಕೇಳಿದಾಗ ಅವರು ಹೆಮ್ಮೆಯಿಂದ "ಮೇಧ" ಎಂದರು. ಮೇಧ ಅಂದರೇನು ಅಂತ ಕೇಳಿದ್ದಕ್ಕೆ, "ನೀವು ಅಶ್ವಮೇಧಯಾಗ ಕೇಳಿಲ್ವಾ. ಇಡೀ ಪ್ರಪಂಚವನ್ನ ಗೆದ್ದು ಚಕ್ರವರ್ತಿಯಾಗಕ್ಕೆ ಬಳಸಲ್ವಾ ಬಿಳಿ ಕುದುರೆಯನ್ನ ಬಳಸಲ್ವಾ ಅದು" ಅಂತ ಹೇಳಿದರು. ನಾನು ಆಗ, "ಅಯ್ಯೋ ರೀ, ಅಶ್ವಮೇಧಯಾಗ ಅಂದರೆ, ಕುದುರೆಯನ್ನು ಬಲಿಕೊಡುವ ಯಜ್ಞ", ಅಂತ ಹೇಳಿದ್ದಕ್ಕೆ ಸಿಕ್ಕಾಪಟ್ಟೆ ಕೋಪ ಮಾಡಿಕೊಂಡು ಹೊರಟುಹೋದರು ಅವರು "ಅಶ್ವಮೇಧ" ಅಂದರೆ ಹುಲುಮಾನವರು ಮಾತೇ ಆಡಬಾರದಂತಹುದ್ದು ಅಂತ ತಿಳಿದುಕೊಂಡು ಬಿಟ್ಟಿದ್ದರು. ಹಾಗೆಯೇ "ನರಮೇಧ" ಎಂದರೆ "ಮನುಷ್ಯರ ಕಗ್ಗೊಲೆ" ಎಂಬ ಅರ್ಥದಲ್ಲಿ ಕನ್ನಡ ಪೇಪರಿನವರು ಬಳಸುತ್ತಾರೆ. ಉದಾ : "ಬಾರಾಮುಲ್ಲಾ ಜಿಲ್ಲೆಯಲ್ಲಿ ಮತ್ತಷ್ಟು ನರಮೇಧ ನಡೆದಿದೆ"
೨. ಬುದ್ಧಿಮತ್ತೆ - ಸರಸ್ವತಿಗೆ ಮೇಧ ಎಂದು ಬಳಸುವುದುಂಟು. ಆದರೆ ಇದು ಅಷ್ಟಾಗಿ ಪ್ರಚಾರದಲ್ಲಿಲ್ಲ. ಮೇಧಾವಿ, ಮೇಧಸ್ಸು ಎಂಬ ಬಳಕೆಗಳನ್ನು ನೆನಪಿಸಿಕೊಳ್ಳಿ.

ಇಷ್ಟೆಲ್ಲ ಆಯ್ತಲ್ಲ, "ಮೇಧ" ಅಂತ ಹೆಸರಿಟ್ಟುಕೊಂಡವರು, ಅನೇಕ ವೇಳೆ, "ಮೇದ" ಅಂತಲೇ ಹೇಳುತ್ತಾರೆ. ಮೇದ ಎಂಬ ಪದಕ್ಕೂ ನಾನಾ ಅರ್ಥಗಳಿವೆ. ಮೇದಿನಿ ಅಂದರೆ ಭೂಮಿ.

ಸರಿ ಇಲ್ಲಿಯ ತನಕ ಸಂಸ್ಕೃತವಾಯ್ತು. ಇನ್ನು ಕನ್ನಡದತ್ತ ಕಣ್ಣು ಹರಿಸೋಣ. ಈ "ಮೇಧ" ಅಂತ ಹೆಸರಿಟ್ಟುಕೊಂಡಿರುವವರನ್ನ ನಲ್ಮೆಯಿಂದ ಜನರು, "ಮೇದು, ಮೇದು" ಅಂತ ಕರಿಯುವುದನ್ನ ಕಾಣುತ್ತೇವೆ. ಕನ್ನಡದಲ್ಲಿ "ಮೇದು" ಎನ್ನುವುದಕ್ಕೆ ಕೂಡ ತುಂಬಾ ರೂಢ್ಯರ್ಥಗಳಿವೆ. ಅದರಲ್ಲಿ ಒಂದನ್ನು ಇಲ್ಲಿ ಹೇಳುತ್ತೇನೆ.

"ಮೇಯು" ಪದ ಭೂತಕಾಲದಲ್ಲಿ ಮೇಯ್ದು -> ಮೇದು ಆಗುತ್ತದೆ. "ದನ ಮೇಯಿಸಿ ಬಾ" ಎಂಬುದನ್ನು "ದನ ಮೇದು ಬಾ" ಅಂತಲೂ ಹೇಳಬಹುದು