ಕೊಂಡಿ, ಹ್. ಮೊಂಡಿ, ಎಲ್ಲಿದೆ ಕೊಂಡಿ, ಕೊಂಡಿಯೆಂಬುದು ಕನಕನ ಕಿಂಡಿಯಲ್ಲ. ದೇವರ ಮುಂದಿರುವ ಹುಂಡಿಯಲ್ಲ, ಬಕಾಸುರ ಬೇಡಿದ ಭಕ್ಷ್ಯ ಭೋಜ್ಯಗಳ ಬಂಡಿಯಲ್ಲ ಕಾಂತಾ..ಈ ಕೊಂಡಿಯೆಂಬ ಕಿಂಡಿಯನ್ನು ತೆರೆಯಲು ಕನಕನ ಭಜನೆ ಬೇಕಿಲ್ಲ - ಈ ಸಾಲುಗಳನ್ನು ರಕ್ತಕಣ್ಣೀರು ಚಿತ್ರದಲ್ಲಿ ಉಪೇಂದ್ರ "ಬಾ ಬಾರೋ ರಸಿಕ" ಹಾಡಿನ ಮುಂಚೆ ಹೇಳಿರಬಹುದು. ಆದರೆ ಈ ಕಲಿಯುಗದಲ್ಲಿ...

ಆದರೆ ಒಂದು ಸಾಪ್ಟವೇರ್ ಕಂಪನಿಯಲ್ಲಿ ಅದು ಅಕ್ಷರಃ ತದ್ವಿರುದ್ಧವಾಗಿದೆ. ಇಲ್ಲಿ ಆ ಕೊಂಡಿ ಹಣದ ಕೊಂಡಿಯೇ ಸರಿ.

ರಕ್ತಕಣ್ಣೀರು ಚಿತ್ರದಲ್ಲಿ ಆ ಕೊಂಡಿಯನ್ನು ಉಪೇಂದ್ರ ಹುಡುಕಬೇಕಿದ್ದಿತು. ಆದರೆ ಇಲ್ಲಿ ಉಪೇಂದ್ರ ಅಷ್ಟೆ ಅಲ್ಲ ಯಾವ ಹುಲುಮಾನವನೂ ಸಹ ಕೊಂಡಿಯನ್ನು ಹುಡುಕಬೇಕಿಲ್ಲ. ಈ ಕೊಂಡಿಗಳು ಸಮಸ್ತ ಮಾನವ ಕೋಟಿಗೆ ಮುಕ್ತವಾಗಿದೆ. ಪ್ರಾಣಿಗಳಿಗೆ ತರಬೇತಿ ಕೊಟ್ಟರೆ ಅವೂ ಸಹ ಇದರೊಂದಿಗೆ ಆಟವಾಡುತ್ತವೆ. ಇಲ್ಲಿ ಕೊಂಡಿಯನ್ನು ಹುಡುಕಬೇಕಿಲ್ಲ. ಕೊಂಡಿಗಳು ತಾನಾಗಿಯೇ ಕಳಚಿಬೀಳುತ್ತವೆ. ಅಷ್ಟೇ ಅಲ್ಲ ನೀವೇನಾದರು ತಪ್ಪು ಮಾಡಿ ಜೈಲಿಗೆ ಹೋದರೆ ನಿಮಗೆ ಜಾಮೀನನ್ನೂ ನೀಡುತ್ತವೆ. ಕಾಲ ಕೆಟ್ಟು ಹೋಯ್ತು ಎಂದು ಹಳಿಯಬೇಡಿ. ಎಲ್ಲಾ ಕಲಿಯುಗ.

ಅಂದಹಾಗೆ ಈ ಕೊಂಡಿಗಳನ್ನು ಏನೆಂದು ಅರ್ಥೈಸಿದಿರಿ - ಅದೇ ಎಳೆಗಳು ಅಥವಾ ಆಂಗ್ಲದಲ್ಲಿ Linksಗಳು.(web links, pointers->for technical people).

ನೋಡಿ ಪಾಪ ಯಾವುದೋ ಕೆಟ್ಟ ಕೆಲಸ ಮಾಡಿ, ಜೈಲಿಗೆ ಹೋಗಿ, ಜಾಮೀನಿಗೆ ದುಡ್ಡಿಲ್ಲದೆ ಕಂಗೆಟ್ಟಿದ್ದ ಒಂದು ಸಾಫ್ಟವೇರ್ ಕಂಪೆನಿ, ಒಂದು ಉಪಾಯ ಮಾಡಿದೆ. ಅದು ಇತರ ಎಳೆಗಳಿಂದ, ಕೊಂಡಿಗಳಿಂದ, ಇತರ Website ಗಳಿಂದ, ಜಾಮೀನು ಪಡೆದಿದೆ. ಈ ಈ-ಯುಗದಲ್ಲಿ ಒಂದು Website ಗೆ ಇನ್ನೊಂದು website ವೈರಿಯೂ ಆಗಬಹುದು ಅಥವಾ ಸ್ನೇಹಿತನೂ ಆಗಬಹುದು. ಅಥವಾ ಹೀಗೆ ಜೈಲಿನಿಂದ ಬಿಡಿಸಲು ಜಾಮೀನು ನೀಡಬಹುದು. ಆದ್ದರಿಂದ ಮುಂದೆ ನೀವುಗಳೂ ಸಹ ಏನಾದರೂ ಕೆಟ್ಟ, ಕೊಳಕ, ಪಾಪದ ಕೆಲಸ ಮಾಡಿ ಜೈಲಿಗೆ ಹೋದರೆ ಭಯಬೀಳಬೇಡಿ. ನಿಮಗೆ ಜಾಮೀನು ನೀಡಲು ಅನೇಕ website ಗಳು ಮುಂದುಬರುತ್ತವೆ,

ಅಯ್ಯೋ ತಲೆ ಕೆರೆದು ಕೊಳ್ಳುತ್ತಿದ್ದೀರಾ...ಏನ್ ಬ್ಲಾಗಪ್ಪಾ ಇದು..ತಲೆಬುಡು ಅರ್ಥವಗುತ್ತಿಲ್ಲ ಎಂದು ತಿಳಿದಿರಾ...ತಮಗೆಲ್ಲ ತಿಳಿದಿರುವ ಗೂಗಲ್ mailಅನ್ನು ಎಷ್ಟು ಸುಂದರವಾಗಿ ಕನ್ನಡೀಕರಿಸಿದ್ದಾರೆ ನೋಡಿ ಎಂದು ಹೇಳುವ ಪ್ರಯತ್ನವಷ್ಟೇ.

ಇದು ಆಂಗ್ಲ ಅವತರಣಿಕೆ.

ಇದು ಕನ್ನಡದ ಅವತರಣಿಕೆ.