ಶಿವ ಅವರೆ, ನೀವು ಇದನ್ನು ತೋರಿದ ಮೇಲೆ, ನಾನು "ಲಜ್ಜಾವದಿಯೇ" ಹಾಡನ್ನು ಕೇಳಿ ನೋಡಿದೆ. "ಮಂದಾಕಿನಿಯೇ" ಎಂಬುದು ಮಲಯಾಳೀ ಹಾಡಿನ ರೀಮೇಕು. ಹಾಡಿದವರೂ ಕೂಡ ಜೆಸ್ಸಿ ಗಿಫ್ಟೇ. ನನಗೆ ಕಾಣಿಸಿದ(ಕೇಳಿಸಿದ) ವ್ಯತ್ಯಾಸವೇನೆಂದರೆ, ಮಲಯಾಳಿ ಹಾಡಿನಲ್ಲಿ ಹುಡುಗಿಯ ಧ್ವನಿ ಕೇಳಿಸಲಿಲ್ಲ. ಆದರೆ ಮಂದಾಕಿನಿಯೇ ಹಾಡಿನಲ್ಲಿ ವಸುಂಧರಾ ದಾಸ್ ಅವರ ಧ್ವನಿಯೂ ಇದೆ.

ಕುಚೇಷ್ಟೆಗೆ...ಮಂದಾಕಿನಿಯೇ ಹಾಡಿನ ಧಾಟಿಯಲ್ಲಿ ಜೆಸ್ಸಿ(ಜೆ) ಮತ್ತು ವಸುಂಧರಾ ದಾಸ್(ವ) ಹೀಗೆ ಹಾಡಿದರೆ ಹೇಗಿರುತ್ತೆ.

ಜೆ : ಮಂದಾಕಿನಿಯೇ ನೀ ರೀಮೇಕ್ ಕಿಡಿಯೇ,
ಜೆ : ಮಂದಾಕಿನಿಯೇ ನಮ್ಮ ಸುಡಬೇಡ ತಡಿಯೇ.
ವ : ಸುದೀಪ್ನದೂ, ನಾರಾಯಣ್ದೂ ರೀಮೇಕ್ನದೇ ಗುಂಗು,
ಜೆ : ಇದೇ ಪುಂಗು ಬೇರೆಯವ್ರ್ ಗೂ ಏಕೆ ಬಡಿತು ಬಂದು.
ವ : ಕದ್ದು ಕದ್ದು ಹಾಕ್ತಾರೆ,
ಜೆ : ಹೇ...ಪಾಪ ಇನ್ನೇನ್ ಮಾಡ್ತಾರೆ.
ವ : ಚೆನ್ನಾಗಿದ್ರೆ ಯಾವ ಟ್ಯೂನ್ನು ಸುಮ್ನೆ ಬಿಡರು ಎಂದು.
ಜೆ : ಮಂದಾಕಿನಿಯೇ ನೀ ರೀಮೇಕ್ ಕಿಡಿಯೇ.......................

ಇನ್ನು ತುಸು ದಿನಗಳ ನಂತರ, ಆಟೋ ಟ್ಯಾಕ್ಸಿಗಳ ಮೇಲೆ ಹಾಡುಗಾಟದ ಹಾಡುಗಳು ನಲಿದಾಡುವುದರಲ್ಲಿ ಐಬೇ ಇಲ್ಲ.

"ಸ್ಟೈಲೋ ಸ್ಟೈಲೋ" ಹಾಡು ಮಲೆಯಾಳದ "ಬೊಮ್ಮ ಬೊಮ್ಮ" ಹಾಡಿನ ರೀಮೇಕ್, ಹೌದು. ಆದರೆ ನನ್ನ ಸಮಸ್ಯೆ ಏನೆಂದರೆ ಎಂಡಮ್ಮೋ, ಪಾರ, ಚೇಚಿ ಮುಂತಾದವುಗಳ ಅರ್ಥ ಗೊತ್ತಾಗುವುದಿಲ್ಲ. ಮೂಲ ಹಾಡಿನಲ್ಲಿ ಅವುಗಳಿಗೆ ನಿರ್ದಿಷ್ಟ ಅರ್ಥ ಇದ್ದಿರಬಹುದು.
__________________________
ಮುಟ್ಟುತಲೆ ಗುರಿ ತಾನ್ ದೂರವಾಗುತಿರಲಿ!
ಕೆಪಿ ಬೊಳುಂಬು