ದಾಖಲು..

                       ಅಲ್ಬಮ್ ತಿರುವಿದಾಗಲೆಲ್ಲ ಚಿತ್ತದಲ್ಲಿ ಹೊಳೆಯುತ್ತವೆ
                                      ಮರೆಯದ  ಅವೆ ಮುಖಗಳು..
                                       ಕಾಲನ ಗತಿಯಲೂ ಕುಂದದ ತಮ್ಮ ವಜನು
                                       ಉಳಿಸಿಹೋದ  ಚೆಹರೆಗಳು...
                                      ಅದಾರದೋ ಮದುವೆಯಲ್ಲಿ ಹೊಳೆಯುತ್ತಿರುವ
                                      ಅವ್ವಳ ಮೂಗುಬಟ್ಟು..
                                      ಅಕ್ಕಳ ಕೇದಗೆ ಜಡೆ ಹಿದಿದುಕೊಂಡ ಕನ್ನಡಿ..
                                       ಹೀಗೆ ಪುಟ ತೆರೆದಂತೆ ಸಾರಿನಿಲ್ಲುತ್ತದೆ  ಗತ.
                                       ಆ ಡೌಲು, ನಗು  ಸುಖ  ಎಲ್ಲ  ದಾಖಲಿಲ್ಲಿ
                                       ಈ ಫೋಟೋಗಳ  ತುಂಬ  ಅವರದೇ ಪಾರುಪತ್ಯ.
                                       ಅಲ್ಬಮ್ಮಿನ ಈ ಮಿನುಗುವ ಚೆಹರೆಗಳಿಗೆ  ಇನ್ನೊಂದು ರೂಪ ಇದೆ
                                       ಚಿತೆಯ  ಮೇಲಿನ  ಪ್ರಶಾಂತ                        ದೇಹ..
                                       ಕೊರೆಯುವ  ಚಳಿನಡುವೆ ಛಿಟಿ ಛಿಟಿ ಉರಿದು ಹೋದ  ದೇಹ
                                       ಈ  ಚಿತ್ರ  ಯಾವ  ಅಲ್ಬಮ್ಮಿನಲೂ       ಇಲ್ಲ
                                       ಎದೆ ತುಂಬ ಮಾತ್ರ ಆ ಚಿತೆ, ಬೆಂಕಿ ಆ ಬೆಂಕಿಯ ನಡುವಿನ
                                       ಪ್ರಶಾಂತ  ಮುಖ  ಅಚ್ಚೊತ್ತಿದೆ....!