ನೀವು ಹಣಕ್ಕಾಗಿ ಕೆಲಸಮಾಡುವುದಿಲ್ಲ ಎಂಬ ಗುರಿಯನ್ನು ಖಂಡಿತಾ ಮುಟ್ಟಬಹುದು.

— ವಾಲ್ಟ್ ಡಿಸ್ನಿ

ಕೃಷಿ ಸಂಪದ: ಫೆಬ್ರವರಿ ಸಂಚಿಕೆ

Krushi Sampada 5th Edition

ಸಂಪದದಲ್ಲಿ...

ಸಂಪದ › ಬ್ಲಾಗುಗಳು › uniquesupri's blog ›

ನನ್ನ ಕವಿತೆ

Submitted by uniquesupri on March 6, 2009 - 2:44pm

ತಿಣುಕಿ ಕವಿಯಾದೇನು
ಕವಿತೆ ಮಗುವಾಗಬಲ್ಲದೆ

ಶಬ್ಧಗಳು ಶಬ್ಧ ಮಾಡಿದರೆ
ಕವಿತೆ ಸಸಿಯಾಗಬಲ್ಲದೆ

ಕ್ಷಣ ಭಂಗುರ ದಿವ್ಯತೆಗೆ
ಕವಿತೆ ಹೂವಾಗಬಲ್ಲದೇ

ಹಂಬಲಿಸಿ ಪತಿಯಾದೇನು
ಕವಿತೆ ಸತಿಯಾಗಬಲ್ಲದೇ

No votes yet
in

ಪ್ರತಿಕ್ರಿಯೆಗಳು

ಕಾಮೆಂಟ್ ನೋಟ ಆಯ್ಕೆಗಳು

Select your preferred way to display the comments and click "Save settings" to activate your changes.

ಉ: ನನ್ನ ಕವಿತೆ

asuhegde's picture
Submitted by asuhegde on March 9, 2009 - 3:36am.

ನಿನ್ನ ಕವಿತೆಗೆ ನೀ ಭಾವನೆಗಳ
ಜೊತೆಗೆ ನಿನ್ನ ಹೃದಯದ
ಪ್ರೀತಿಯನೂ ಧಾರೆ ಎರೆದು ನೋಡು
ತನ್ನ ಕಂದನ ಮೆಚ್ಚುವ
ಮಮತೆಯ ಆಗರವಾಗು
ನಿನ್ನ ಕವಿತೆ ಮಗುವಾದೀತು

ಪದಗಳು ಬರಿಯ ಶಬ್ದ ಮಾಡಿದರೆ
ಕವಿತೆ ಉಸಿರುಗಟ್ಟಿ ಅಸುನೀಗಬಹುದು
ಸಾಹಿತ್ಯ ಕೃಷಿಗೆ ಪಕ್ವತೆಯ ಗೊಬ್ಬರವೀಯೆ
ಕವಿತೆಯೆಂಬ ಸಸಿ ಬೆಳೆದು ಹೆಮ್ಮರವಾದೀತು

ಭಂಗುರದ ದಿವ್ಯತೆಗಲ್ಲ ಕವಿಯೇ
ಭಾವೆನಗಳ ಕಂಪಿನೊಂದಿಗೆ
ನಿನ್ನೀ ಕವಿತೆ ಹೂವಾಗಬಲ್ಲುದು

ಹಂಬಲಿಸಿ ಪತಿಯಾದರೇನು ಫಲ
ಪೋಷಿಸಿ ಪ್ರೀತಿಸಿ ಬಾಳಿಸುವವನಾಗು
ಕವಿತೆ, ಅಕ್ಕರೆಯ ಸತಿಯೂ ಆದೀತು

ಉ: ನನ್ನ ಕವಿತೆ

uniquesupri's picture
Submitted by uniquesupri on March 10, 2009 - 10:55pm.

ನಿಂತ ನಿಲುವಲ್ಲೇ
ಕವನ ಸೃಜಿಸುವಷ್ಟು
ಫಲವತ್ತಾದ ಭೂಮಿ
ನಾನಲ್ಲ

ಬೀಳಬೇಕು ಎಲ್ಲಿಂದಲೋ
ಹಾರಿದ ಬೀಜ
ಯಾರೋ ಎರೆಯಬೇಕು
ತಣ್ಣಗೆ ನೀರ

ಪೋಷಣೆ ಒದಗಿಸಲು
ನೆಲದೆ ಅಗೋಚರ ಸೈನ್ಯ
ಶಕ್ತಿ ಸಂಚಯಿಸಬೇಕು
ಆದಿತ್ಯನ ಬೆಳ್ಳಿ ಕಿರಣ

ಅರೆಯುವ ಹಲ್ಲುಗಳಿಂದ
ಉಳಿಸಲೊಂದು ಬೇಲಿ
ಬೆನ್ನು ಬಾಗದಿರಲೆಂದೊಂದು
ನಿರ್ಜೀವ ಆಸರೆಗೋಲು

ಜೊತೆಗೆ ಹೋಗಿ
ಹೋಗಿ ಬರುವವರ
ಕಂಡು ನಲಿಯುವವರ
ಇಷ್ಟೇ ಇಷ್ಟು ಪ್ರೀತಿಯ ನೇವರಿಕೆ

ನಿಮ್ಮ ಕವಿತೆಗಳು!

Shreekar's picture
Submitted by Shreekar on March 10, 2009 - 11:41pm.

ವಾಹ್,ವಾಹ್ !
ಹೆಗ್ಡೆ, ಸುಪ್ರೀತರು ಕವಿತಾಪ್ರೀತಿ, ಸ್ಪೂರ್ತಿಗಳನ್ನು ಪರಸ್ಪರ ಹಂಚಿಕೊಳ್ಳುವಂತೆ ಕಾಣಿಸುತ್ತಿದೆ.

ಉ: ನಿಮ್ಮ ಕವಿತೆಗಳು!

uniquesupri's picture
Submitted by uniquesupri on March 16, 2009 - 6:07pm.

:)