ನಾನು ಹಾಗೂ ನನ್ನ ಕೆಲವು ಗೆಳೆಯರು ಸೇರಿ ಸಣ್ಣ ಪ್ರಮಾಣದಲ್ಲಿ ನಡೆಸುತ್ತಿರುವ ಮಾಸ ಪತ್ರಿಕೆಯ ಹೆಸರು ‘ಸಡಗರ’.

ಪತ್ರಿಕೆಯ ಬ್ಲಾಗ್ ನಲ್ಲಿ ನಮ್ಮ ಪರಿಚಯವಿದೆ.

ಫೆಬ್ರವರಿ ತಿಂಗಳ ಸಂಚಿಕೆಯಲ್ಲಿ ಪ್ರೀತಿ, ಪ್ರೇಮದ ಬಗೆಗಿನ ಅಪರೂಪದ ಒಳನೋಟಗಳ ಲೇಖನಗಳಿವೆ.

‘ಪ್ರೀತಿ ಮಾಯೆ ಹುಶಾರು’ ಅಂದವರಿದ್ದಾರೆ, ‘ಪ್ರೀತಿ ಬದುಕಿನ ನೆಲೆ’ ಅಂದವರಿದ್ದಾರೆ. ನಿಜಕ್ಕೂ ಈ ಪ್ರೀತಿ ಅಂದರೆ ಏನು? ಪ್ರೀತಿಯ ಅನುಭವ ಹೇಗಿರುತ್ತದೆ? ಪ್ರೀತಿ ಅಂತ ಮೂಗು ಮುರಿಯುವ ಹಿರಿಯರಿದ್ದಾರೆ. ಕಾಲ ಹಾಳಾಗಿ ಹೋಯ್ತು ಅಂತ ಗೊಣಗುವವರಿದ್ದಾರೆ. ಆದರೆ ಪ್ರೀತಿಗೆ ಕಾಲದ ಹಂಗಿಲ್ಲ. ನಮ್ಮ ತಾತ ಮುತ್ತಾತನ ಕಾಲದಲ್ಲೂ ಪ್ರೀತಿಯಿತ್ತು, ಪ್ರೀತಿಯಿಲ್ಲದೆ ಮನುಷ್ಯನ ಬದುಕಿಗೆ ಅರ್ಥವೇ ಇಲ್ಲವೇನೊ...

ಪ್ರೀತಿ ಅಂದರೆ ಕೇವಲ ವಯಸ್ಸಿಗೆ ಬಂದ ಹುಡುಗ ಹುಡುಗಿಯರ ನಡುವಿನ ಸಂಬಧ ಎಂದು ಭಾವಿಸಿದರೆ ನಾವು ಪ್ರೀತಿಯನ್ನು ವ್ಯಾಖ್ಯಾನಿಸುವಲ್ಲಿ ಸೋಲುತ್ತೇವೆ. ಮಮತೆ, ವಾಸ್ತಲ್ಯ, ಹೆಮ್ಮೆ, ಅಭಿಮಾನ, ದೇಶ ಭಕ್ತಿ, ದೈವ ಭಕ್ತಿ, ಪುಸ್ತಕ ಪ್ರೇಮ, ಸಹೃದಯತೆ ಅಂತೆಲ್ಲಾ ಯಾವ ಭಾವಗಳನ್ನು ಕರೆಯುತ್ತೇವೋ ಅವೆಲ್ಲಾ ಪ್ರೀತಿಯ ನದಿಯ ಹರಿವಿನ ಬೇರೆ ಬೇರೆ ಕವಲುಗಳು ಮಾತ್ರ. ಈ ಪ್ರೀತಿಯೆಂಬ ನದಿಯ ದಡದಲ್ಲಿ ಕುಳಿತು, ನದಿಯ ಆಳಕ್ಕೆ ಮುಳುಗಿ, ನದಿಯ ಮೇಲೆ ಹಾಯಿದೋಣಿಯಲ್ಲಿ ತೇಲಿದವರ ವ್ಯಾಖ್ಯಾನಗಳು ಈ ಸಂಚಿಕೆಯಲ್ಲಿ ಬರಹದ ರೂಪವನ್ನು ಪಡೆದುಕೊಂಡಿವೆ.

ಎಲ್ಲಾ ಹೇಳಿದ ನಂತರವೂ ಅಗೋಚರವಾಗಿ ಉಳಿವುದು ಪ್ರೀತಿ! ಒಲವೇ ವಿಸ್ಮಯ!

ಪತ್ರಿಕೆಯ ಪಿ.ಡಿ.ಎಫ್ ಪ್ರತಿಗಾಗಿ ಇಲ್ಲಿ ನೋಡಿ.