ಬಹುಶಃ ಚರ್ಚೆ ಬೇರೆಡೆ ಹೊರಳಿತಾದ್ದರಿಂದ ತೀವ್ರ ಋಣಾತ್ಮಕವೆನಿಸಿರಬಹುದು. ಪಾಶ್ಚಾತ್ಯರ ಬಗ್ಗೆ ಚರ್ಚಿಸುವಾಗ ಬಹುಶಃ ಯಾರೂ ಅನಿವಾಸಿ ಭಾರತೀಯರನ್ನು ಸೇರಿಸಿ ಚರ್ಚಿಸಿರಲಿಕ್ಕಿಲ್ಲ - ಶ್ಯಾಮ ಬರೆದಿದ್ದರಲ್ಲಿ ಒಟ್ಟೂ ನಗರವಾಸಿಗಳು ಎಂದಿದ್ದರೆ ನಾನು ಬರೆದದ್ದು ಪಾಶ್ಚಾತ್ಯರ ಒಟ್ಟು ಚ್ಯಾರಿಟಿ attitude ಬಗ್ಗೆ.

ಆದರೆ ಅಲ್ಲಿದ್ದು ಸ್ವದೇಶದ ಬಗ್ಗೆ, ಭಾಷೆಯ ಬಗ್ಗೆ ಕಾಳಜಿ ಇಟ್ಟುಕೊಂಡು ನಡೆಯುವ ಭಾರತೀಯ ಹೃದಯಗಳ ಕೆಲಸ ಶ್ಲಾಘನೀಯ, ಅನುಕರಣೀಯ.

"ಗಿಡಮರ ಬೆಳೆಸೋದಕ್ಕೆ ಡಾಲರ್ ಸಹಾಯ ಬೇಕಿಲ್ಲ" ಎನ್ನುವುದು ಎರಡು ಅರ್ಥದಲ್ಲಿ ಕೇಳಿಬರುತ್ತದೆ. ನನಗೆ ಮೊದಲು ಓದಿಕೊಂಡಾಗ ಅದರರ್ಥ ಅನಿಸಿದ್ದು ಈ ರೀತಿಯಲ್ಲಿ - ಭಾರತದಲ್ಲಿ ಇನ್ನೂ ಗಿಡ ನೆಡಲು (ಊರುಗಳ ಕಡೆ) ದುಡ್ಡು ತೆಗೆದುಕೊಳ್ಳುವುದು ಅಷ್ಟಾಗಿ ಇಲ್ಲ. ಈ ಸಂದರ್ಭಕ್ಕೆ ಅನ್ವಯಿಸಿ ಡಾಲರ್ ಹಣವಿಲ್ಲದೇ ಗಿಡ ನೆಡಬಹುದು ಎಂಬುದು.
ಮತ್ತೊಂದು ರೀತಿಯಲ್ಲಿ - ಭಾರತದಲ್ಲಿ ಗಿಡ ನೆಡಲು ಎನ್ ಆರ್ ಐ ಗಳ ಸಹಾಯ ಬೇಕಿಲ್ಲ ಎಂಬಂತಿರುವ ಅರ್ಥ - ಇದು ಸ್ವಲ್ಪ radical approach ಆಗಬಹುದು.

ಸಂಪದ ದೇಣಿಗೆ ಪುಟದಲ್ಲಿ ಡಾಲರ್ ಲೆಕ್ಕ ಇರುವುದರ ಹಿಂದೆ ಒಂದು ಬಹುಮುಖ್ಯ ಉದ್ದೇಶವಿದೆ 'ಸಂಪದ'ವನ್ನು host ಮಾಡಿರುವ ಸರ್ವರ್ ಇರುವುದು ಅಮೇರಿಕೆಯಲ್ಲಿ. 'ಸಂಪದ' ಉಳಿಸಿಕೊಂಡು, ನಡೆಸಿಕೊಂಡು ಹೋಗುವುದರಲ್ಲಿ ಪ್ರಮುಖ ಖರ್ಚು ತಗಲುವುದು ಇದರ ಮತ್ತು ಇದರ ಬ್ಯಾಕಪ್ ನ ಬಿಲ್ ಪಾವತಿ ಮಾಡುವುದರಲ್ಲೇ. ಈ ಬಿಲ್ ಅಮೇರಿಕೆಯ ಡಾಲರುಗಳಲ್ಲಿ ಪೇ ಪಾಲ್ ಮೂಲಕ ಪಾವತಿ ಮಾಡುತ್ತೇವಾದ್ದರಿಂದ ಸುಲಭವಾಗಲೆಂದು ಲೆಕ್ಕ ಇರುವುದೂ ಡಾಲರ್ ಲೆಕ್ಕದಲ್ಲೇ.
--
ನನ್ನ ಬ್ಲಾಗ್:
ಪರಿವೇಶಣ | PariveshaNa