ಕಫನಿವಾರಕ ಕಾಫಯೇ ನಮಃ

ಟೀ ಬಗ್ಗೆ ಕೆಲವು ಸಂಗತಿಗಳು

೧) ಟೀ ಎಲ್ಲರಿಗೂ ಒಳ್ಳೇದಲ್ಲವಂತೆ. ಪಿತ್ತ ಅಂತೆ. ನನಗೆ ಕಾಮಲೆ ಬಂದು ಹೋದ ಮೇಲೆ, ಟೀ ಕುಡಿಯಕ್ಕೆ ಹೆದರಿಕೆ.( ಯಾರು ಹೆದರಿಸಿರಬೇಕು )
೨) ಮುದುವೆ ಮುಂತಾದ ಒಸಗೆಗಳಲ್ಲಿ ಟೀ ಕೊಟ್ಟರೆ, ನಮ್ಮ ಕಡೆ ಮಂದಿ ಆಡಿಕೊಳ್ಳುತ್ತಾರೆ. ಏನೇ ಆದರೂ ಕಾಪಿ ಸಮಾರಾದನೆ ನಡೆಯಲೇ ಬೇಕು. ಹಲವು ಹಳ್ಳಿಯೋರಂತೂ ವತ್ತಾರೆ ಬಿಸಿಬಿಸಿ ಬೆಲ್ಲದ ಕಾಪಿ ಗಂಟಲಿಗಿಳಿಸೇ ಮುಂದಿನ ಕೆಲಸ ನೋಡೋದು.
೩) ಇವೊತ್ತು cafe day ಮುಂತಾದವುಗಳಿಂದ ಕಾಪಿಗೆ ಬಂದ ಹಿರಿಮೆ ಟೀಗೆ ಬಂದಿಲ್ಲ ಅಂತ ಅನಿಸು. ಅದಕ್ಕೆ ಟೀ ಬೋಡಿರ್ನೋರು ಏನೇನು ad ಕೊಡಕ್ಕೆ ಒಡರಿದ್ದಾರೆ.

ಆದರೂ ಟೀ ಸವಿಯೋರು ಬಹಳ ಮಂದಿ ಇದ್ದಾರೆ. ಅದರಲ್ಲೂ ಸಿಗರೇಟು ಸೇದೋರಂತೂ, ಟಿ+ಸಿಗರೇಟು ಹಿಡಿದು ಒಂದು ದಂ ಅದರಿಂದ, ಒಂದು ಗುಟುಕು ಇದರಿಂದ ಕುಡೀತಾರೆ.
===============================================

ಹಾಲನ್ನು ಬಿಸಿ ಮಾಡಿ, ಅದಕ್ಕೆ ಟೀ ಪುಡಿ ಸೇರಿಸಿ, ಕುದಿಸಿ, ಸಕ್ಕರೆ ಸೇರಿಸಿ, ಕಡಕ್ ಟೀ ಕುಡಿಯಲೆಂದೇ ಬೆಳಗ್ಗೆ ಬೇಗ ಏಳಬೇಕೆನ್ನಿಸುತ್ತದೆ. ನೀರಿಗೆ ಪುಡಿ ಸೇರಿಸಿ, ಕುದಿಸಿ, ಡಿಕಾಕ್ಷನ್ ಮಾಡಿ ಅದಕ್ಕೆ ಹಾಲು-ಸಕ್ಕರೆ ಸೇರಿಸುವ ಇನ್ನೊಂದು ಬಗೆಯ ಟೀ ತಯಾರಿಯೂ ಇದೆ. ಅದೇನಿದ್ದರೂ ರುಚಿ ಅಷ್ಟಕ್ಕಷ್ಟೆ. ಟೀ ತಯಾರಿಸಿ ಕೂಡಲೆ ಕುಡಿಯಬೇಕು. ತಣಿದದ್ದು ಬಿಸಿ ಮಾಡಿ ಕುಡಿಯುವಂತಿಲ್ಲವಲ್ಲ?