======================================
ಡಾಕ್ಡರ್‍ ಸಾರ್‍....

ನನಗೆ ನಮ್ಮ ಬಯೋಲಜಿ(ಬೈಯ್ಯೋಲಜಿ ) ಮಾಸ್ಟರು ನೆನೆಪಾದರು.

ನಾನು ನಿಮ್ಮ ಮಂಗಳೂರ ಹತ್ರ ಓದಿದ್ದು.

ಅವರು ಎಷ್ಟ ಸರತಿ ಹೇಳಿದ್ರು ಗೊತ್ತಾ ನಮ್ಗೆ. ಹಾಲು ಕುಡೀಬೇಡಿ ದಡಿಯರ, ನೀವೇನು ಎಳೆಗೂಸುಗಳಾ? ಹಿಂಗೆ ಕಾಪೀ, ಟೀ, ಬಾದಮಿಹಾಲು ಅಂತ ಹಾಲು ಕುಡಿದ್ರೆ ಬರಿ ಡುಮ್ಮಗೆ ಆಗ್ತೀರ ಹೊರತು, ಯಾವ ತಾಕತ್ತು ಬರಲ್ಲ ಅಂತ.

ಇದನ್ನು ನಮ್ಮ ಯೋಗಾಚಾರ್ಯರ ಹತ್ರ ಹೇಳಿದ್ದಕ್ಕೆ, ಅವರು "ಎಂತಂದು, ಅವ್ರು ಹೇಳೋದು. ಅವರಿಗೇನು ಗೊತ್ತುಂಟು. ಬರಿ ಪುಸ್ತಕದ ಬದನೇಕಾಯಿ. ನೀನು ಚೆನ್ನಾಗಿ ಹಾಲು ಕುಡಿ ಮಾರಾಯ", ಅಂದಿದ್ರು

ನಿಮ್ಮ ತಿಳಿಮಾತಿಗೆ ನನ್ನಿ!!!

ತಾವು ಗೋವು ಮತ್ತು ನಾವು, ಹಾಗು ಮೊಟ್ಟೆ ಬಗ್ಗೆ ಉತ್ತಮ ಲೇಖನ
ಬರೆದಿದ್ದೀರಿ. ಚಿಂತನೆಗೆ ಯೋಗ್ಯ.ನನ್ನ ಕೆಲವು ಅನಿಸಿಕೆಗಳನ್ನು ಇಲ್ಲಿ ಹೇಳಿದ್ದೇನೆ.
ಎಮ್ಮೆ, ಆಡು,ಕತ್ತೆ, ಒಂಟೆ ಇತ್ಯಾದಿಗಳ ಹಾಲಿನಲ್ಲೂ ಔಷಧಿ ಗುಣವಿದೆ.
ಆದರೆ ಮಕ್ಕಳಿಗೆ ಹೆಚ್ಚಾಗಿ ಹಸುವಿನ ಹಾಲನ್ನೇ ಕೊಡುವುದರಿಂದ ಹಸುವನ್ನು ಗೋಮಾತೆ ಅಂದಿರಬೇಕು.ಭಾರತಮಾತೆ ಅಂದ ಹಾಗೆ ಗೋಮಾತೆ ಅಂದಿದ್ದಾರೆ.
ನೀವು ಹಸುವಿನ ಕಶ್ಮಲದ ಬಗ್ಗೆ ತಮಾಷೆ ಮಾಡುತ್ತಾ ಭಾರತೀಯ ದನಗಳ ಕಶ್ಮಲಗಳಿಗೆ
ಈ ತರಹದ ವಿಶೇಷವಾದ ಗುಣವಿದೆಯಂತೆ ಅಂದಿದ್ದೀರಿ. ವಿದೇಶಿ ತಳಿಗಳು ಇತ್ತೀಚೆಗೆ ಬಂದವುಗಳು.
ಅವುಗಳ ಬಗ್ಗೆ ಗ್ರಂಥಗಳಲ್ಲಿ ಉಲ್ಲೇಖವಿಲ್ಲ. ಇನ್ನೂ ಅಧ್ಯಯನ ನಡೆಯಬೇಕಷ್ಟೆ.
ಮೊಟ್ಟೆ ಸಾವಿರಾರು ವರ್ಷಗಳಿಂದ ತಿನ್ನುತ್ತಿರುವಂತೇ
ಹಾಲನ್ನೂ ಸಾವಿರಾರು ವರ್ಷಗಳಿಂದ ಕುಡಿಯುತ್ತಿಲ್ಲವೇ?
ಮೊಟ್ಟೆ ವಿರುದ್ಧ ಕೊಲೆಸ್ಟ್ರಾಲ್ ಲಾಬಿ ಅಂದ ಹಾಗೆ,
ಹಾಲಿನವಿರುದ್ಧವೂ ಯಾವುದೋ ಲಾಬಿ ಇರಬೇಕೆಂದು ನಿಮಗೆ ಅನಿಸುವುದಿಲ್ಲವೇ?
ಡಯಬಿಟಿಸ್ ಇತ್ಯಾದಿ ವ್ಯಾಧಿ ಹೆಚ್ಚಾಗಲು ನಮ್ಮ ಇತ್ತೀಚಿನ ಆಹಾರ ಕ್ರಮ,
ವ್ಯಾಯಾಮರಹಿತ ಜೀವನ ಶೈಲಿ ಕಾರಣವಲ್ಲವೇ?
ಡಾಕ್ಟ್ರೇ, ಪೂರ್ತಿ ಪರಿಸರವನ್ನು ಹಾಳು ಮಾಡುತ್ತಿರುವ ದೇಶವೇ ಅಮೆರಿಕಾ (ಮತ್ತು
ಅದರಂತೆ ಮುಂದುವರಿದ ದೇಶಗಳು). ಕೈಗಾರಿಕೆಗಳು ವಾಹನಗಳು, ರಾಸಾಯನಿಕಗಳು, ಅಸ್ತ್ರಗಳು, ಕೀಟನಾಶಕಗಳು,ವಿದ್ಯುತ್ ಸ್ಥಾವರಗಳು ಇವೆಲ್ಲವುಗಳಿಂದ ಭೂಮಿಯ ತಾಪ ಏರುತ್ತಿದ್ದು,
ಇದಕ್ಕೆ ಆಮೆರಿಕಾ ನಂ ೧ ಕಾರಣ. ತಮ್ಮನ್ನು ತಿದ್ದಿಕೊಳ್ಳುವುದು ಬಿಟ್ಟು
" ಸಾಕುಪ್ರಾಣಿಗಳು, ಭತ್ತದ ಗದ್ದೆಗಳು ಪರಿಸರ ನಾಶಕ್ಕೆ ಕಾರಣ" ಎಂದು ಹಿಂದುಳಿದ
ಭಾರತ,ಬ್ರೆಝಿಲ್ ದೇಶಗಳತ್ತ ಬೊಟ್ಟು ಮಾಡುತ್ತಿದ್ದಾರೆ! ಯಾಕೆಂದರೆ ಇಲ್ಲಿ ಅವರನ್ನು
ವಿರೋಧಿಸುವವರಿಲ್ಲ. ಅವರು ಉಗುಳಿದನ್ನೇ ತೀರ್ಥ ಪ್ರಸಾದವೆಂದು ಸ್ವೀಕರಿಸಿ
ನಮ್ಮಲ್ಲಿನ ವಿದ್ಯಾವಂತರು ನಮ್ಮವರನ್ನೇ ಹಳಿಯುವರು.
ಅಲ್ಲ ಡಾಕ್ಟ್ರ್‍ಎ, ಒಂದಿಷ್ಟು ಹುಲ್ಲು ಮೇದು,ಇಡೀ ಪರಿಸರವನ್ನೇ ಹಾಳು ಮಾಡುವಷ್ಟು
ಮಿಥೇನ್ ಅನಿಲವನ್ನು ನಮ್ಮ ಹಸುಗಳು ಬಿಡುತ್ತಿದೆ ಎಂದರೆ ನೀವು ನಂಬುತ್ತೀರಲ್ಲಾ!?
ಇನ್ನು ಕಾಡು ನಾಶದ ಬಗ್ಗೆ_ ನಮ್ಮ ರೈತನಷ್ಟು ಪರಿಸರಪ್ರೇಮಿ ಯಾರಿಲ್ಲ.
ಗೋವನ್ನು ಹೇಗೆ ಪೂಜ್ಯ ಭಾವನೆಯಿಂದ ನೋಡುವನೋ ಅದೇ ರೀತಿ ಮರಗಿಡಗಳನ್ನೂ
ಭಕ್ತಿಭಾವದಿಂದ ನೋಡುವನು.ತೀರಾ ಅಗತ್ಯವಿಲ್ಲದಿದ್ದರೆ ಮರಗಿಡಗಳನ್ನು ಕಡಿಯುವುದಿಲ್ಲ.
ಪರಿಸರ ನಾಶ ಮಾಡುತ್ತಿರುವವರು ರಾಜಕಾರಣಿಗಳು ಮತ್ತವರ ಪರಿವಾರ. ಎಲ್ಲೆಂದರಲ್ಲಿ ಗಣಿ, ಕೈಗಾರಿಕೆ...ಗಳೆಂದು ಕಾಡುಗಗಳನ್ನು ಕಡಿದರು,ಕಡಿಯುತ್ತಿದ್ದಾರೆ,
ಕಾಡುಗಳ ಸರ್ವನಾಶವಾಗುವವರೆಗೆ ಕಡಿಯುವರು.
ಡಾಕ್ಟ್ರೇ, ನೀವು ಯಾವುದನ್ನು ಗೋವಿನ ಕಲ್ಮಶವೆಂದು ಕೀಳಾಗಿ ಹೇಳಿದಿರೋ ಅದನ್ನೇ
ತೀರ್ಥವೆಂದು ಕುಡಿಯುವ ಜನ,ಅದನ್ನೇ ಔಷಧದಲ್ಲಿ ಕೊಡುವ ವೈದ್ಯರು ಮೂಢರೋ?
ಶೋಥ ರೋಗದಲ್ಲಿ ಗೋ ಮೂತ್ರವನ್ನು ಕುಡಿಸುವರು. ಅನೇಕ ರಸೌಷಧಿಗಳಿಗೆ
ಗೋಮೂತ್ರದ ಭಾವನೆ ಕೊಡುವರು.ಇದನ್ನೇ ಸಾವಿರಾರು ವರ್ಷಗಳಿಂದ ಕೊಡುತ್ತಿದ್ದಾರೆ,
ಖಾಯಿಲೆಗಳನ್ನು ಗುಣ ಸಹ ಮಾಡುತ್ತಿದ್ದಾರೆ.
ಆದರೆ ಈಗಿನ ಔಷಧಿ ಬಗ್ಗೆ ಹೀಗೆ ಹೇಳಲು ಸಾಧ್ಯವೋ? ಇವತ್ತು ಅಮೃತವೆಂದ
ಔಷಧಿಯನ್ನು ನಾಳೆ ಬ್ಯಾನ್ ಮಾಡುತ್ತಾರಲ್ವಾ?
"..ಈ ಬಗ್ಗೆ ವೈಜ್ನಾನಿಕ ಸಂಶೋಧನೆಗಳಾಗಿವೆಯೋ, ಆಗಿದ್ದರೆ ಅವು
ಯಾವುದೇ ಪ್ರತಿಷ್ಟಿತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿದೆಯೋ? "ಎಂದಿರುವಿರಿ.
ವಿದೇಶಿಯರು ತಮಗೆ ಬೇಕಾದಂತೆ ಸಂಶೋಧನ ವರದಿಗಳನ್ನು ತಯಾರಿಸಲು
ಮಿಲಿಯಾಂತರ ಡಾಲರ್ ಗಳನ್ನು ವ್ಯಯಿಸುವರು. ನಮ್ಮಲ್ಲಿ ಸಂಶೋಧನೆಗೆ
ಎಷ್ಟು ಹಣ ಕೊಡುತ್ತಾರೆ ಸ್ವಾಮಿ? ದೇಶೀ ಗೋತಳಿ ಬಗ್ಗೆ ಸಮ್ಮೇಳನಕ್ಕೇ
ಸರಕಾರ ೨ ಕೋಟಿ ಕೊಟ್ಟದಕ್ಕೆ ಎಷ್ಟು ಪಿರಿಪಿರಿ ಮಾಡಿದರು.
ಇನ್ನು "ಪ್ರತಿಷ್ಟಿತ ಪತ್ರಿಕೆ" ಎಂದರೆ ಅಮೆರಿಕಾದ ಜರ್ನಲ್ ಗಳೋ?
ನಮ್ಮ ದೇಶೀ ಗ್ರ್‍ಅಂಥಗಳಲ್ಲಿ ಬರೆದದ್ದೆಲ್ಲಾ ಬುರುಡೆ ಅಲ್ಲ್ವೇ?
ಕಡೆಯದಾಗಿ, ತಾವು ಇನ್ನೂ ಚಿಕ್ಕವರು,ಬಹಳ ಬುದ್ಧಿವಂತರಿದ್ದೀರಿ,
ಚೆನ್ನಾಗಿ ವಾದಿಸುವಿರಿ. ತಾವು ಭಾರತೀಯ ಪದ್ಧತಿ ಅಧ್ಯಯನ ಮಾಡಿ,
ಅವುಗಳಲ್ಲಿರುವ ಉತ್ತಮ ಅಂಶಗಳನ್ನು ಎತ್ತಿ ಹಿಡಿದು, ವಿದೇಶಿ ಟೊಳ್ಳು
ಸಂಶೋಧನೆಗಳನ್ನು ಖಂಡಿಸುವಂತವರಾಗಿ ಎಂದು ಬಯಸುತ್ತೇನೆ.

ಬರೀ ಮಾಂಸಾಹಾರ ಒಳ್ಳೇದು, ಅಥವ ಬರೀ ಸಸ್ಯಾಹಾರ ಒಳ್ಳೇದು ಅಂತ ಯೂನಿವರ್ಸಲ್ ಆಗಿ ಹೇಳಕ್ಕಾಗಲ್ಲ.
ಅದು ಅವರವರ ಕಾಯ ಪ್ರಕೃತಿಯ ಮೇಲೆ ಹೋಗುತ್ತೆ.

ಅವರವರಿಗೆ ಏನೇನು ಬೇಕೊ ಅದನ್ ತಿನ್ಲಿ ಬಿಡ್ರಿ...ಸುಮ್ನೆ ಯಾಕೆ ತಲೆ ಕೆಡಿಸ್ಕೊಬೇಕು.

ನಾನೂ ಹಂಗ ಅನ್ಕೊಂಡಿದ್ದೆ ಗುರು, ಆದರೆ ಇತ್ತೀಚೆಗ್ಯಾಗೋ ಇದರ ಬಗ್ಗೆ ಐಬು. ಅಲ್ಲ ಮಂಗನಿಂದ ಮಾನವ ಅಂತಾರೆ, ಹಣುಮಂತಣ್ಣ(ಮಂಗ) ನೋಡಿದ್ರೆ ಅಪ್ಪಟ ಸಸ್ಯಾಹಾರಿ. ಮಾನವನಿಗೆ intellectually ಬಾಳಾ ಹತ್ರ ಇರೋ ಚಿಂಪಾಂಜಿನೂ ಆಟೆ, ಮಾಂಸಾ-ಗೀಸಾ, ಬಾಡ್-ಗೀಡ್ ತಿನ್ನಲ್ಲಾ.

ಮನಸ್ಯಾ ಎಲ್ಲೋ ನಡ್ ಮದ್ಯೇನೇ ಇದನ್ನು ಸುರು ಹಚ್ಕೊಂಡ್ನಾ ಅಂತಾ....
ಹಸಿ ಮಾಂಸನ್ ಒಯ್ದು ಎರ್ಡ್ ವರ್ಸದ್ ಕೂಸಿನ್ ಮುಂದಿಟ್ರೆ ತಿನ್ನುತ್ತಾ?, ಅದೇ ಹುಲಿ ಸಿಮ್ಮದ ಮರಿಗಳಿಗೆ ಅದು ರುಚಿನೋ ರುಚಿ.
ಇತ್ತೀಚಿನ ಸಂಸೋದನೆಗಳ ಪ್ರಕಾರ, ಸಸ್ಯಾಹಾರ ಆರಿಸಿಕೊಳ್ಳೋರು, ಹೆಚ್ಹು ಶ್ಯಾಣಾ ಇರ್ತಾರಂತೆ. ಅಥವಾ ಚಿಕ್ಕಂದಿನಲ್ಲಿ ಶ್ಯಾಣ್ಯಾ ಇರೋ ಹೈಕ್ಳು, ದೊಡ್ಡವರಾದ ಮೇಲೆ ಸಸ್ಯಾಹಾರಿ ಆಗಿರೋಕೆ ಬಯಸ್ತಾರಂತೆ.
ಏನೋ ಬಿಡಿ, ಊಟದಲ್ಲೇನ್ ಬೇರೆ ಮಾಡೋದು, ಸಸ್ಯಗಳಿಗೂ ಜೀವ ಇರಲ್ವಾ, ಜೀವವನ್ನು ತಿಂದೇ ಇನ್ನೊಂದು ಜೀವ ಬದುಕಬೇಕು, ಅದು ಬೂಮ್-ತಾಯಿ ಕಟ್ಟಳೆ