>> "ಮೀಸಲಾತಿ ಅನ್ನೋ ಪದದ ಅರ್ಥವೇ ಕೆಳವರ್ಗದ ಜನರನ್ನು ಮೇಲಕ್ಕೆ ತರುವುದಂತೆ! ಮಹಿಳೆ ಕೆಳವರ್ಗಕ್ಕೆ ಸೇರಿದವಳಾ?"

ಯೋಗ್ಯತೆ/ಅರ್ಹತೆ ಇದ್ದೂ ಅವಕಾಶಗಳ ಕೊರತೆಯಿಂದ ಹಿಂದುಳಿದವರಿಗೆ ಅವಕಾಶ ಕಲ್ಪಿಸೋಕೆ ಮೀಸಲಾತಿ ವ್ಯವಸ್ಥೆ ಇದೆ ಅಂತ ನನ್ನ

ಅನಿಸಿಕೆ.

-- -- --
ಹೆಸರಾಯಿತು ಕರ್ನಾಟಕ, ಉಸಿರಾಗಲಿ ಕನ್ನಡ

ಮೀಸಲಾತಿ ಬೇಕೆ ಬೇಕು ನೀವು ಹೇಳಿದ ಬಸ್‌ನಿಂದ ಹಿಡಿದು ಚುನಾವಣೆಯ ಟಿಕೆಟ್ ಸಿಗುವ್ವರೆಗೆ
ನೈಸರ್ಗಿಕವಾಗಿಯೆ ಹೆಣ್ಣು ದೈಹಿಕವಾಗಿ ದುರ್ಬಲಳು (ಕೆಲವರನ್ನು ಹೊರತು ಪಡಿಸಿ) . ಅದರ ಜೊತೆಗೆ ತಿಂಗಳ ತೊಂದರೆ, ಅದೂ ಇದು ಎಂದು ಕೆಲವು ತೊಂದರೆಗಳನ್ನು ಸೃಷ್ಟಿಯಿಂದಲೇ ಬಳುವಳಿಯಾಗಿ ಪಡೆದವಳು.
ಬಸ್ನಲ್ಲಿ ಎಂತಹ ನೂಕು ನುಗ್ಗಲಿದ್ದರೂ ಎಲ್ಲರನ್ನೂ ತಳ್ಳಿ ಕೂರುವಂತಹ ಒರಟು ಸ್ವಭಾವ ಗಂಡಸರಿಗಿದೆ. ಹೆಣ್ಣು ಹಾಗಲ್ಲ. ಹೆಣ್ಣು ಹುಟ್ಟಿನಿಂದಲೆ ನಾಜೂಕು. ಅಲ್ಲಿ Ladies seat ಬೇಕೆ ಬೇಕು.
ಇನೂ ಎಲೆಕ್ಷನ್ ನಲ್ಲಿ ಯಾವ ದಾರಿಯನ್ನಾದರೂ ಹಿಡಿದು ಟಿಕೆಟ್ ಗಿಟ್ಟಿಸಿಕೊಳ್ಳುವ ಗಂಡಸರ ನಡುವಲ್ಲಿ ಸಾಧನೆ ತೋರಬೇಕಾದರೆ ಹೆಣ್ಣನ್ನು ಗುರತಿಸಬೇಕು. ಅದಕ್ಕೆ reservation ಎನ್ನುವುದು ಇದ್ದರೆ ಮಾತ್ರ ಅದು ಸಾಧ್ಯ.
ಇದನ್ನು ಅನುಕಂಪ ಎನ್ನಲು ಸಾಧ್ಯವಿಲ್ಲ . ನಿಸರ್ಗ ಮಾಡಿದ ತಾರತಮ್ಯವನ್ನು ಸರಿಪಡಿಸಿಕೊಳ್ಳುವ ಹಕ್ಕಷ್ಟೆ

ಇದನ್ನು ಕಾಲೇಜ್ ನಲ್ಲೊ , ಕೆಲಸದಲ್ಲೋ ಮೀಸಲಾತಿಯೇನು ಬೇಕಾಗಿಲ್ಲ. ಅದನ್ನು ಹೆಣ್ಣು ತನ್ನ ಸ್ವಂತ ಪ್ರತಿಭೆಯಿಂದಲೇ ಗಳಿಸಿಕೊಳ್ಳಬಲ್ಲಳು.

ನನ್ನ ತೆರೆದ ಮನಕೊಮ್ಮೆ ಭೇಟಿ ಕೊಡಿ
http://thereda-mana.blogspot.com/

ರೂಪ

ಮಹಿಳಾ ಮೀಸಲಾತಿ ಜಾರಿಗೆ ಬಂದ ಮೇಲೆ ಸಮಾಜದಲ್ಲಿ ಬಹಳಷ್ಟು ಮಾರ್ಪಾಡು ಆಗಿರುವುದು ನಿಜ. ಈಗ ಮಹಿಳೆಯರು ಎಲ್ಲ ಕ್ಷೇತ್ರಗಳಲ್ಲೂ ಪ್ರಗತಿ ಸಾಧಿಸುತ್ತಿದ್ದಾರೆ. ಮೀಸಲಾತಿ ಬೇಕೆ-ಬೇಡವೆ ಎನ್ನುವ ಚರ್ಚೆಗಿಂತ ಸರ್ಕಾರ, ಈ ಮೀಸಲಾತಿಯನ್ನು ಎಷ್ಟು ಹೆಂಗಸರು ಉಪಯೋಗಿಸಿದ್ದಾರೆ, ಇದರಿಂದ ನಿಜಕ್ಕೂ ಉಪಯೋಗವಿದೆಯೇ ಎಂದು ಸರ್ವೆ ಮಾಡಿ ಅಂಕಿ-ಅಂಶಗಳನ್ನು ಬೆಳಕಿಗೆ ತರಬೇಕು.

ಹಾಗೇನೇ, ಜಾತಿ ಆಧಾರಿತ ಮೀಸಲಾತಿಯೂ ಬೇಕೆ ಎಂಬ ಪ್ರಶ್ನೆಗೂ ಉತ್ತರ ಬೇಕು. ಏಕೆಂದರೆ, ಸುಮಾರು ವರ್ಷಗಳ ಹಿಂದೆ, ನಮ್ಮ ಸರ್ಕಾರಿ ಕಾಲೇಜಿನ ಗ್ರಂಥಾಲಯದಲ್ಲಿ, ಎಸ್.ಎಸ್ಟಿ. ವಿದ್ಯಾರ್ಥಿಗಳಿಗೆಂದು ಎರಡು ತಿಜೋರಿಗಳ ತುಂಬಾ ಪಠ್ಯೆಪುಸ್ತಕಗಳನ್ನು ನೀಟಾಗಿ ಜೋಡಿಸಿಟ್ಟಿರುತ್ತಿದ್ದರು. ಅದನ್ನು ಬೇರೆಯವರು ಉಪಯೋಗಿಸುವಂತಿಲ್ಲ, ಆದರೆ ಮೀಸಲಾತಿ ವಿದ್ಯಾರ್ಥಿಗಳು ಅವುಗಳತ್ತ ಕಣ್ಣೆತ್ತಿಯೂ ನೋಡುತ್ತಿರಲಿಲ್ಲ! ಏಕೆಂದರೆ, ಕೇವಲ ಪಾಸಾದರೆ ಸಾಕು, ಅವರಿಗಾಗಲೇ ಸರ್ಕಾರಿ ಆಫೀಸಿನಲ್ಲಿ ಒಂದು ಉದ್ಯೋಗ ಖಾಯಂ ಆಗಿ ಕಾಯುತ್ತಿರುತ್ತಿತ್ತು ಹಾಂ, ಇಲ್ಲೆಲ್ಲೂ ಮಹಿಳಾ ಮೀಸಲಾತಿ ಇರುತ್ತಿರಲಿಲ್ಲ.

ರೂಪಾರವರು ಹೇಳಿದಂತೆ ಬಸ್ಸಿನಲ್ಲಿ ಸೀಟು ಮಹಿಳೆಯರಿಗಾಗಿ ಮೀಸಲು ಇಡಲೇಬೇಕು. ಅವರು ಹೇಳಿದ ಕಾರಣಗಳನ್ನು ನಾನೂ ಒಪ್ಪುತ್ತೇನೆ.

ಕೊನೆಯಲ್ಲಿ, ಜಾತಿ-ಲಿಂಗ ಆಧಾರಿತ ಮೀಸಲಾತಿಗಳಿಗಿಂತ, ಆರ್ಥಿಕ ಹಿನ್ನೆಲೆ ಆಧಾರಿತ ಮೀಸಲಾತಿ ಸರಿಯೆನ್ನಿಸುತ್ತೆ.

ವಿನಾಯಕರೇ,
ಸುಮ್ಮನೆ ಯಾವುದೋ ಲಹರಿಯಲ್ಲಿ ಈ ವಾದವನ್ನು ನೀವು ಅರೆಬೆಂದ ವೈಚಾರಿಕತೆಯಲ್ಲಿ ಮಂಡಿಸಿದ ಹಾಗಿದೆ.
ಮೀಸಲಾತಿ ಅಂದರೆ ಏನು ಎಂಬುದನ್ನು ಮೊದಲು ಸ್ಪಷ್ಟವಾಗಿಸಿಕೊಳ್ಳಿ. ‘ಸಮಾನ ಅವಕಾಶಗಳು’ ಎಂಬ ಆದರ್ಶವನ್ನು ಸಾಧಿಸುವುದಕ್ಕಾಗಿ ಈ ಮೀಸಲಾತಿ ಎಂಬುದು ಒಂದು ದಾರಿ. ಮೀಸಲಾತಿ ಅನುಕಂಪವಲ್ಲ, ಅವಕಾಶ ವಂಚಿತರ ಸಾಂವಿಧಾನಿಕ ಹಕ್ಕು. ಅದು ಯಾರೋ ಕೂತು ತಮ್ಮ ಮೆಹರುಬಾನಿಯಿಂದ ಮಂಜೂರು ಮಾಡುವ ಸವಲತ್ತು ಅಲ್ಲ.
ಇನ್ನು ಈ ಕಲಿಯುಗದಲ್ಲಿ ಮೀಸಲಾತಿ ಬೇಕೆ ಎಂದಿರುವುದು ನಿಮ್ಮ ಇಡೀ ಲೇಖನದ ಹಿಂದಿನ ಮನಸ್ಥಿತಿಯನ್ನು ತೋರುತ್ತದೆ. ನಿಮಗೆ ‘ಕಲಿಯುಗ’ವಾಗಿ ಬ್ರಿಗೇಡ್ ರೋಡ್, ಎಂ.ಜಿ ರೋಡ್, ಪಬ್‌ಗಳಲ್ಲಿನ ಲಲನೆಯರು ಇರುವ ಕಾಲವಾಗಿ ಕಾಣುತ್ತಿದ್ದರೆ ಅದು ನಿಮ್ಮ ದೃಷ್ಟಿಯಲ್ಲಿರುವ ದೋಷ. ಕೊಂಚ ಆ ಗ್ಲಾಮರ್‌ನಿಂದ ಹೊರಬನ್ನಿ, ಹೆಣ್ಣನ್ನು ಸೆಕೆಂಡ್ ಸೆಕ್ಸ್ ಎಂತಲೇ ಕಾಣುವ ಮನಸ್ಥಿತಿ ಎಲ್ಲಾ ಸಮಾಜಗಳಲ್ಲೂ ಇದೆ. ಇದಕ್ಕೆ ಮುಂದುವರಿದ ಪಾಶ್ಚಿಮಾತ್ಯ ಸಮಾಜವೇ ನಿದರ್ಶನ. ಹೇಳಿ, ರಾಜಕೀಯದಲ್ಲಿ ಎಷ್ಟು ಮಂದಿ ಮಹಿಳೆಯರಿಗೆ ಸ್ಥಾನ ಸಿಕ್ಕುತ್ತದೆ ಮೀಸಲಾತಿ ಇರದಿದ್ದರೆ? ಇನ್ನು ಶಕ್ತಿಯಿದ್ದವರು ಬಡಿದಾಡಿ ಪಡೆಯಬೇಕು ಎನ್ನುವುದು ಪ್ರಾಣಿ ಜಗತ್ತಿನ ನಿಯಮವಾಗುತ್ತದೆ... ಅಲ್ಲವೇ?
_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com
http://kalaravapatrike.wordpress.com
http://ekshanadasatya.wordpress.com

ಸುಪ್ರೀತ್
ಶ್ರಿಯುತರೇ ಮೀಸಲಾತಿ ಅವಕಾಶವಂಚಿತರ ಸಾಂವಿಧಾನಿಕ ಹಕ್ಕು ಅಂತಾದರೆ ಅದನ್ನು ಮಹಿಳೆ, ದಲಿತರಿಗೆ ಮೀಸಲಾಗಿಡುವುದೇಕೆ? ಸಮಾಜದ ಎಲ್ಲಾ ವರ್ಗದ ಅವಕಾಶವಂಚಿತರಿಗೂ ನೀಡಲಿ. ಮೀಸಲಾತಿ ಎಮ್ಬುದು ಖಂಡಿತಾ ಸಮಾನ ಅವಕಾಶ ಸಾಧಿಸುವ ಹಾದಿಯಲ್ಲ. ಹಾಗೆಲ್ಲಾದರೂ ಉಲ್ಲೇಖವಿದ್ದರೆ ಅದನ್ನು ದಯವಿಟ್ಟು ತೋರಿಸಿ. ಸಮಾನ ಅವಕಾಶ ಸಾಧಿಸುವ ಹಾದಿಗೆ ಸಮಾಜವಾದ ಅಂತಾ ಅನ್ನುತ್ತಾರೆ ಎಂಬುದು ನನ್ನ ತಿಳುವಳಿಕೆ. ಇಲ್ಲಿ ಕೇವಲ ಕಲಿಯುಗವನ್ನು ಪರಿಗಣಿಸಿಲ್ಲ. ಅತ್ತೆಮನೆಯೆಂಬ ಶಿಲಾಯುಗದಲ್ಲಿರುವ ಹೆಣ್ಣಿನ ಸ್ಥಿತಿಯನ್ನು ಪ್ರಸ್ತಾಪಿಸಿದ್ದೇನೆ. ಲೇಖನವನ್ನು ಇನ್ನೊಮ್ಮೆ ಓದಿ ಬರಹಗಾರ ಹೆಳಲು ಹೊರಟ್ಟಿದ್ದೇನು ಅಂತಾ ಇನ್ನೊಮ್ಮೆ ಅವಲೋಕಿಸಿ.
ಮಹಿಳೆಗೆ ರಾಜಕೀಯ ಬೇಡ ಅನ್ನುವುದು ನನ್ನ ವಾದವಲ್ಲ. ಅದನ್ನು ತೀರಾ ಅಸಹ್ಯವಾಗಿ ಆಕೆ ಪಡೆಯುವುದು ಬೇಡ. ಭಾರತ ಇನ್ನು ಬ್ರಿಟನ್ ಆಗಿಲ್ಲ. ಆಗುವುದು ಬೇಡ.