ಅಶೋಕ್ ರವರೇ:

ನಿಮ್ಮ ಪ್ರತಿಕ್ರಿಯೆಗೆ ನನ್ನಿಗಳು.

ಇನ್ನೊಬ್ಬರನ್ನು ಒಂದು ಬೊಟ್ಟುಮಾಡಿ ತೋರಿಸುವಾಗ ಕೈಯ ಮೂರು ಬೊಟ್ಟುಗಳು ನನ್ನೆಡೆ ತೋರಿಸುತ್ತವೆ ಎನ್ನುವ ಹಾಗಾಯಿತು.

ಗೊತ್ತಿದ್ದೂ ಮಾಡಿದ ತಪ್ಪು.

ಕಾಗದದ ಮೇಲೆ ಬರೆಯುತ್ತಿದ್ದಿದ್ದರೆ ಹೀಗಾಗುತ್ತಿರಲಿಲ್ಲ; ಕೀಲಿಮಣೆಯ ಇಂಗ್ಲೀಷ್ ಭಾಷೆಯ ರೋಮನ್ ಲಿಪಿಯನ್ನು ಬಳಸಿ ಬರೆದುದರಿಂದ ಹೀಗಾಯಿತು, ಕ್ಷಮಿಸಿ.

ಕನ್ನಡ ಬರವಣಿಗೆಯನ್ನು ಇನ್ನೂ ಕಲಿಯುತ್ತಿದ್ದೇನೆ. ಬೆಂಗಳೂರಿಗರ ಭಾಷೆಯಲ್ಲಿ ಹೇಳುತ್ತಾರೆ: "ಸ್ವಲ್ಪ adjust ಮಾಡಿಕೊಳ್ಳಿ." ಆದರೆ ನಾನು ಹಾಗೆ ಹೇಳಲಾರೆ.

ಮಾಡಿದ ತಪ್ಪನ್ನು ಸಮರ್ಥಿಸಿಕೊಳ್ಳುವ ಇರಾದೆ ಇಲ್ಲವಾದರೂ ಸುಮ್ಮನಿರಲಾರದೆ ಹೇಳುತ್ತಿದ್ದೇನೆ: ನನ್ನ ಮನೆಮಾತು ಕನ್ನಡವಲ್ಲ ಹಾಗೂ ಕನ್ನಡ Paper ನಲ್ಲಿ ಎರಡನೇಯ supplementary ಪರೀಕ್ಷೆ ಬರೆದು ಕನಿಷ್ಟ ಅಂಕಗಳೊಂದಿಗೆ ಪಾಸಾಗಿದ್ದೆ.

ಆದರೂ "ಅಪರಾಧಿ ನಾನಲ್ಲ, ಅಪರಾಧ ಎನಗಿಲ್ಲ" ಎಂದು ಹೇಳುವುದಿಲ್ಲ; ತಪ್ಪಾಗಿದೆ, ಕೊಡುವ ಶಿಕ್ಷೆಯನ್ನು ಸ್ವೀಕರಿಸುತ್ತೇನೆ.