ವೈಭವ್ ಅವರೇ:

ತಮ್ಮ ಪ್ರತಿಕ್ರಿಯೆ, ಹಾಗೂ ಉಪಯುಕ್ತ ಮಾಹಿತಿಗಾಗಿ ನನ್ನಿಗಳು.

<>

ಮಹೇಶ್ ರವರೇ:

ತಮ್ಮ ಕಟುವಾದ, ಸಾಕಷ್ಟು ಉದ್ದವಾದ ಪ್ರತಿಕ್ರಿಯೆಗೆ, ಅಷ್ಟೆಲ್ಲ ಬರೆಯುವ ಕಷ್ಟ ತೆಗೆದುಕೊಂಡದ್ದಕ್ಕಾಗಿ ಬಹಳ, ಬಹಳ ನನ್ನಿಗಳು.

ಟೊಳ್ಳುಗಟ್ಟಿಎನ್ನುವಲ್ಲೂ ಟೊಳ್ಳೇ ಮೊದಲು.

ಟೊಳ್ಳು ಇರುವದರಿಂದ ಮಾತ್ರ ಗಟ್ಟಿಗೆ ತನ್ನ ಮಹತ್ತು ಸಿಗುತ್ತದೆ ಹಾಗೂ ತಮ್ಮಂತಹವರಿಗೆ ಟೊಳ್ಳನ್ನು expose ಮಾಡಿ ನಗುವ, ನಗಿಸುವ ಅವಕಾಶ ಸಿಗುತ್ತದೆ. ಅಷ್ಟರಮಟ್ಟಿಗಾದರೂ ನನ್ನ ಸೇವೆಯಾಗಿದೆ ಎಂಬುದೇ ಸಮಾಧಾನ.

ನನ್ನ ನಂಬಿಕೆಗಳು, ಅಭಿಪ್ರಾಯಗಳು ಪೂರಾ ಗಟ್ಟಿ, ನಾನು ಹೇಳಿದುದೇ ಸರಿ, ಎನ್ನುವ ಭ್ರಮೆ ನನಗಿಲ್ಲ -- ಈ ಸಂಪದದಲ್ಲಿ ನಾನು ಭಾಗವಹಿಸುತ್ತಿರುವ ಕಾರಣವೇ ವಿಚಾರವಿನಿಮಯ ಹಾಗೂ ಸಾಧ್ಯವಾದಲ್ಲಿ ನನ್ನ ಗ್ರಹಿಕೆಗಳಲ್ಲಿ ತಿದ್ದುಪಡಿ.

ಇಂತಹ ಟೊಳ್ಳಿಗೇ ತಾವು ಇಷ್ಟೊಂದು ಬರೆದಿರುವುದನ್ನು ನೋಡಿದರೆ, ನಾನು ಗಟ್ಟಿಯಾಗಿ ಆದರೆ ತಮ್ಮ ಅಭಿಪ್ರಾಯಗಳಿಗೆ ಬದ್ಧವಿರುದ್ಧವಾಗಿ ಬರೆದಿದ್ದರೆ, ಎಷ್ಟೊಂದು ಬರೆಯುತ್ತಿದ್ದಿರೋ ಏನೋ ! ಕನ್ನಡ ಬರವಣಿಗೆಯಲ್ಲಿ, ನಂಬಿಕೆಗಳನ್ನು ಪ್ರಕಟಿಸುವುದರಲ್ಲಿ, ಹಾಗೂ ಯಾವುದೇ ವಿಷಯದ ಮೇಲೆ ಪಾಂಡಿತ್ಯವನ್ನು ಸಂಪಾದಿಸುವಲ್ಲಿ/analyze ಮಾಡುವಲ್ಲಿ ನಾನು ಇನ್ನೂ ಅಂಬೆಗಾಲಿಡುತ್ತಿರುವವನು ಕೇವಲ ಕೆಲವೇ ವಾರಗಳಷ್ಟು ಚಿಕ್ಕವನು.

ತಾವು ಬರೆದ್ದಿದ್ದರಲ್ಲಿ ನನಗೆ ತಿಳಿಯದ ಬಹಳಷ್ತು ವಿಷಯಗಳಿವೆ, ಅವುಗಳನ್ನು ನಿಧಾನವಾಗಿ ತಮ್ಮಲ್ಲಿ clarify ಮಾಡಲು ಅಪ್ಪಣೆ ಕೋರುತ್ತೇನೆ.

ತಮ್ಮ, ನಮ್ಮೆಲ್ಲರ ಹೆಮ್ಮೆಯ ಆಂಡಯ್ಯನ ಹೆಸರು ತಮ್ಮ ಪ್ರತಿಕ್ರಿಯೆಯಲ್ಲಿ ಮೂರುಬಾರಿ ಅಂಡಯ್ಯ ಎಂದು ಬಂದಿರುವುದು ಕೇವಲ ಮುದ್ರಾರಾಕ್ಷಸನ ಹಾವಳಿ ಎಂದು ತಿಳಿಯುತ್ತೇನೆ - ನಾನು Accha ವನ್ನು ಅಚ್ಹ ಎಂದು ಟಂಕಿಸಿದಂತೆ.

ಅಥವಾ ಇದು ನಿಜವಾಗಿಯೂ ಅಂಡಯ್ಯ ಎಂಬುದೇ ಸರಿಯೋ?

ನನ್ನ ಒಂದು ಗಟ್ಟಿಯಾದ ನಂಬಿಕೆ ಎಂದರೆ ನಮ್ಮನ್ನು, ನಮ್ಮ ಕ್ರಿಯೆಗಳನ್ನು ಖಂಡಿಸಿ ತೆಗಳುವವರೇ ನಮ್ಮ ನಿಜವಾದ ಹಿತೈಷಿ ಮಿತ್ರರು.

-- ಆರಾಮ್