ಹೌದು ಬೆನಕರೆ, ಆರ್ಯರು ಬಂದು ದ್ರಾವಿಡರನ್ನು ತುಳಿದು ಮೂಲೆಗೆ ತಳ್ಳಿದರು ಎಂಬ ಕಟ್ಟುಕತೆಯನ್ನು ಅದು ಯಾವಾಗ ಹೊರಹಾಕುತ್ತೀವೋ ಗೊತ್ತಿಲ್ಲ. ಈ ಇಂದ್ರ-ಚಂದ್ರ ಕಥೆ ಭಾರತದ ಪಾಲಿಗೆ ಎಂದೆಂದಿಗೂ ಮಗ್ಗುಲಿನ ಮುಳ್ಳೇ. ಕೆಲವರು ಇದು ಸುಳ್ಳು ಎಂದು ಗೊತ್ತಿದ್ದೂ ತಮ್ಮ ತಮ್ಮ ಬೇಳೆ ಕಾಳು ಬೇಯಿಸಿಕೊಳ್ಳಲು ಬೇರೆ ಬೇರೆ ರೀತಿ ಇದನ್ನು ಎಲ್ಲೆಂದರಲ್ಲಿ ತುರುಕುತ್ತಲೇ ಇರುತ್ತಾರೆ.

ಕೆಲವರಂತೂ ಯಾವ ಪಾಟಿ ಇರ್ತಾರೆಂದರೆ, "ನಿನಗೆ ಕನ್ನಡ (ಮೂಲವಾಗಿ ದ್ರಾವಿಡ) ಪದಗಳು ಸಿಗದಿದ್ದರೆ, ಬೇಕಿದ್ದರೆ ಇಂಗ್ಲೀಷ್ ಪದಗಳನ್ನು ಧಾರಾಳವಾಗಿ ಬಳಸು ಆದರೆ ಸಂಸ್ಕೃತ ಮಾತ್ರ ಎಳ್ಳಷ್ಟೂ ಬಳಸಲೇಬೇಡ. ಸಂಸ್ಕೃತ ಒಂಥರಾ ಪರ್ಷಿಯಾ-ಇರಾನಿಯರ ಭಾಷೆ, ಆರ್ಯರ ಭಾಷೆ, ದ್ರಾವಿಡರಾದ ನಮ್ಮನ್ನು ತುಳಿದವರ ಭಾಷೆ" ಅಂತ ತಿಕ್ಕಲು ತಿಕ್ಕಲಾಗಿ ಆಡುತ್ತಾ, ಬೇರೆಯವರ ತಿಳಿವಳಿಕೆಯನ್ನೇ ಪ್ರಶ್ನಿಸುವಂತಹ ಮಾತುಗಳನ್ನು ಪುಂಖಾನುಪುಂಖವಾಗಿ ಒದರುತ್ತಿರುತ್ತಾರೆ. ಇಂತಹ ಮೂರ್ಖತನಕ್ಕೆ ಏನು ಹೇಳಬೇಕೋ ತಿಳಿಯದು.

ಈ ಆರ್ಯ-ದ್ರಾವಿಡ ಭೂತ ಎಷ್ಟರ ಮಟ್ಟಿಗಿದೆ ಎಂದರೆ ನೋಡಿ, ಕಳೆದ ವಾರ "What is to be done with Sathe" ಎಂಬ ಒಂದು ಇಂಗ್ಲೀಷ್ ನಾಟಕವನ್ನು ರಂಗಶಂಕರದಲ್ಲಿ ನೋಡಿದೆ. ಇದನ್ನು ನಡೆಸಿಕೊಟ್ಟದ್ದು, ಚೆನ್ನೈನ ಒಂದು ತಂಡ. ನಾಟಕದ ಥೀಮ್ ಚೆನ್ನಾಗಿದ್ದರೂ, ಇಲ್ಲಿಯೂ ಈ ಆರ್ಯ-ದ್ರಾವಿಡ ಸುಳ್ಳು ಇತಿಹಾಸವನ್ನು ತುರುಕಿದ್ದರು. ಗಂಡ ಹೆಂಡತಿ ಜಗಳ ಆಡ್ತಾ ಇರ್ತಾರೆ, ಹೆಂಡತಿ ಗಂಡನನ್ನು ಬದ್ಯಾಗ, ಗಂಡ ಅವಳಿಗೆ ಬಯ್ಯುವುದು ಹೀಗೆ. "Aaaa!!! Now I know, you are an Aryan. Did you not exploit the Adivasis, the Dravidas and got your work done!!!!!!!!". ಸದ್ಯ, ಈ ಆರ್ಯ-ದ್ರಾವಿಡ ಭೂತ ಕನ್ನಡದವರಿಗೆ ಹಿಡಿಯದಿದ್ದರೆ ಸಾಕು.