"ಆರ್ಯರ ದಾಳಿಯೆಂಬ ಕಟ್ಟು ಕತೆ"

ಒಪ್ಪೋಣ, ಇದಕ್ಕೂ ಸಕ್ಕದ-ಕನ್ನಡ ಬೇರೆ ಬೇರೆ ಅನ್ನೋದಕ್ಕೂ ಏನು ನಂಟು? ಸಕ್ಕದವನ್ನು ಕನ್ನಡದಲ್ಲಿ ತುರುಕುತ್ತಾ ಬಂದವರು ಸಕ್ಕದಿಗರು ಅನ್ನೋದಕ್ಕಿಂತಾ ಸಕ್ಕದ ಮೇಲು, ನಮ್ಮ ಕನ್ನಡ ಕೀಳು, ಸಕ್ಕದವಿಲ್ಲದ ಕನ್ನಡ ಜಾಳು ಜಾಳು, ಸಕ್ಕದ ಎಲ್ಲಾ ಇಂಡಿಯಾದ ನುಡಿಗಳಿಗೆ ತಾಯ್ನುಡಿ ಅಂತಾ ನಂಬಿಕೊಂಡು ಕೀಳರಿಮೆಯಿಂದಾ ನರಳುತ್ತಿದ್ದ ಕನ್ನಡಿಗರೇ ಹೊರತು, ಮತ್ತಾರೂ ಅಲ್ಲಾ. ನಾವು ಕನ್ನಡವನ್ನು ಉದ್ದಾರ ಮಾಡಿ ಬಿಡೋಣ ಅಂತಾ, ಸಕ್ಕದವನ್ನು ಬೆರೆಸಲು ಅಲ್ಲಿಗೆ ಮೊದಲು ಮಾಡಿದವರು ಮಂದಿಗೆ ವಾಕರಿಕೆ ಬರೋ ಹಾಗಾಗಿದ್ದರೂ ಇನ್ನೂ ನಿಲ್ಲಿಸಿಲ್ಲಾ.

ಈಗೀಗ ಇಂಗ್ಲೀಸೇ ಎಲ್ಲಾ ಅಂತಾ, ಕನ್ನಡವನ್ನು ಬರೀ ಮಾತಿನಲ್ಲಿ ಉಳಿಸಿಕೊಂಡಿರುವ ಒಂದು ಕನ್ನಡಿಗರ ಗುಂಪು ಹುಟ್ಟಿಕೊಂಡಿದೆಯಲ್ಲಾ, ಹಾಗೆಯೇ ಆಗಿನ ಹೊತ್ತಲ್ಲಿ ಹುಟ್ಟಿಕೊಂಡ ಒಂದು ಇಂತಹ ಗುಂಪು, ಕನ್ನಡದಲ್ಲಿ ಸಕ್ಕದವನ್ನು ಇನ್ನಿಲ್ಲದಂತೆ ತುಂಬಿದ್ದು, ಮತ್ತು ಅವರ ನೆರಳಲ್ಲೇ ಬೆಳೆದು ಬಂದ ಹೆಚ್ಚಿನ ಕನ್ನಡಿಗರು ಸಕ್ಕದ ಬಿಟ್ಟರೇ ಕನ್ನಡಕ್ಕೆ ದಿಕ್ಕಿಲ್ಲಾ ಅಂತಾ ನಂಬಿತು, ಈಗಲೂ ಹೆಚ್ಚಿನ ಕನ್ನಡಿಗರು ಹಾಗೆಯೇ ನಂಬಿದ್ದಾರೆ.

ಇದರಿಂದ ಕನ್ನಡದಲ್ಲಿ ಕನ್ನಡತನ ಇಲ್ಲವಾಗಿದೆ. ಕನ್ನಡ ಕನ್ನಡವಾಗಿರುವಂತೆ ನೋಡಿಕೊಳ್ಳಬೇಕಾದ್ದು ನಮ್ಮ ಹೊಣೆ. ಇದನ್ನು ಮರುಕದಿಂದ(ದಯವಿಟ್ಟು, ಪ್ಲೀಜ್) ತಿಳಿದುಕೊಳ್ಳಿ, ಒಂದಕ್ಕೊಂದು ನಂಟೇ ಇಲ್ಲದ ಮಾತುಗಳನ್ನು ತಳಕು ಹಾಕಿ, ನಿಮಗೆ ನೀವೇ ಗೊಂದಲ ಮಾಡಿಕೊಳ್ಳುವದರೊಂದಿಗೆ ನಮಗೂ ಗೊಂದಲ ಮಾಡಬೇಡಿ.