ಸ್ವಾಮೀ ಮಹೇಶರೆ,

ದಪ್ಪ ಅಕ್ಷರಗಳಲ್ಲಿ ಬರೆದುಬಿಟ್ಟರೆ ದಿಟ ಸಟೆಯಾಗಿಬಿಡುವುದಿಲ್ಲ. ಮೊದಲು ನಾನು ಹೇಳಿದ ಪುಸ್ತಕಗಳನ್ನು ತಿರುವಿ ಹಾಕಿ; ದ್ರಾವಿಡ ಭಾಷೆಗೂ ಆರ್ಯರ ದಾಳಿ ಎಂಬ ಕತೆಗೂ ನಂಟಿದೆಯೋ ಇಲ್ಲವೋ ನಿಮಗೇ ತಿಳಿಯುತ್ತದೆ. ಆಮೇಲೆ ಮಾತಾಡೋಣ. ಬೇಕಾದರೆ ಈ ವಿಷಯ ಪ್ರಾರಂಭವಾಗುವ ಪುಟ ಸಂಖ್ಯೆಯನ್ನೂ ಹೇಳುತ್ತೇನೆ - ಮೊದಲ ಪುಸ್ತಕದ ೧೯-೨೧ ಪುಟ; ಎರಡನೆಯದರಲ್ಲಿ ೧೪-೧೫ ಪುಟ.

ಮಾಕ್ಸ್ ಮುಲ್ಲರ್ ನನ್ನೇಕೆ ಬಯ್ಯುವಿರಿ? ಅವನು ಕಂಟ ಮಾತ್ರ; ಹಿಡಿದವರಾರೋ! ಅವನ ಈ ವಾದವನ್ನು ಭಾರತೀಯ ಪಂಡಿತರು ಆಗಲೇ ಖಂಡಿಸಿದ್ದರೂ, ಅವೆಲ್ಲ ಈಚೆಗೆ ಬರಲೇ ಇಲ್ಲ! ಸಂದೇಹವಿದ್ದರೆ, ಸ್ವಾಮಿ ದಯಾನಂದ ಸರಸ್ವತಿ, ಮಹರ್ಷಿ ಅರಬಿಂದೋ, ಸ್ವಾಮಿ ವಿವೇಕಾನಂದರು ಈ ಬಗ್ಗೆ ಬರೆದಿರುವುದನ್ನು ಓದಿ.

ಸ್ವಾಮೀ ಜಿ.ಸಿ ಯವರೆ,
ದಬ್ಬಾಳಿಕೆ ನಡೆಸಿ, ನಮ್ಮನ್ನು ಒಡೆಯಲು ತಂತ್ರಹೂಡಿದ ಪಾಶ್ಚಾತ್ಯರು ಕ್ರೈಸ್ತ ಮಿಶನರಿಗಳ ಕೈಲಿ ಬರೆಸಿದ ಗ್ರಂಥವಾದರೆ ಮಾತ್ರ "ಸತ್ಯ"; ಭಾರತೀಯರು ಹೇಳಿದರೆ "ಹಿಂದುತ್ವವೋ"? ಈ ರಾಜಕೀಯ ಬುದ್ಧಿಯಿರುವುದರಿಂದಲೇ ಸ್ವಾಮೀ ನಮಗಿನ್ನೂ ಏಳಿಗೆಯಾಗಿಲ್ಲ!

ಸುನಿಲರೇ,
ಧನ್ಯವಾದ; ನನ್ನ ಉದ್ದೇಶ "ಒಡೆಯುವುದಲ್ಲ; ಒಗ್ಗೂಡಿಸುವುದು" ಎಂದು ನಿಮಗೆ ತಿಳಿಯಿತೆಂದುಕೊಳ್ಳುತ್ತೇನೆ. ಪರಕೀಯವಾದ ಭಾಷೆ ಬಳಸಿದರೂ ಚಿಂತೆಯಿಲ್ಲ; ಸಕ್ಕದ ಮಾತ್ರ ಕೂಡದೆಂದರೆ ನಗುವುದೋ ಅಳುವುದೋ ತಿಳಿಯದಾಗಿದೆ!

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.