ಎರಡೂ ಅಸ್ಟೇ, ಕನ್ನಡಿಗರಿಗೆ ಆಡೋಕೆ ತೊಡಕು ತೊಡಕು. ಅಯ್ಯೋ ಸಾರ್, ಹಿಂದೊಮ್ಮೆ ಕುಕ್ಕಟ ಸಾಕಾಣಿಕಾ ಕೇಂದ್ರ, ಮುಂತಾದವುಗಳ ಬಗ್ಗೆ ನೀವೇ ನೊಂದಿದ್ದಿರಲ್ಲವಾ? ಆಡು ಮಾತಲ್ಲೇ ಬೇಕಾದಸ್ಟಿರುವ ಕನ್ನಡ ಪದಗಳನ್ನು ಬಿಟ್ಟು, ಬರವಣಿಗೆಯಲ್ಲಿ ನಾವು ಸಂಸ್ಕ್ರುತ ಪದಗಳನ್ನು ಸುಮ್ಮಸುಮ್ಮನೆ ಬಳಸುತ್ತಾ ಇದೀವಲ್ಲಾ, ಇದು ದಿಟವಾಗಿ ಬೇಸರದ ಸಂಗತಿ.

ನನ್ನ ಮಟ್ಟಿಗೆ ಹೇಳೋದಾದರೆ ಸಕ್ಕದದ ಬಗ್ಗೆ ನನಗ್ಯಾವ ಬೇಸರಾನೂ ಇಲ್ಲಾ. ನನಗೆ ಬೇಸರವಿರುವದು ಇಂಗ್ಲೀಸಿಂದ ಏನನ್ನಾದರು ಕನ್ನಡಕ್ಕೆ ಇಳಿಸುವಾಗ, ಮಂದಿಗೆ ತೊಡಕಿಲ್ಲದೆ ಆಡಲು ಆಗುತ್ತಾ ಅಂತ ನೋಡದೆ, ಹಂಗಗೆ ಸಂಸ್ಕ್ರುತದಿಂದ ಕಡ ತರೋದರ ಬಗ್ಗೆ. ಇದಕ್ಕೆ ಮಾದರಿ ಬೇಕಾದಸ್ಟು ಸಿಗುತ್ತವೆ, ಕುಕ್ಕುಟ ಪಾಲನಾ ಕೇಂದ್ರ , ಮುಖ್ಯ ಅಬಿಯಂತರರು, ದೂರವಾಣಿ, ಇಂತವು.

ಇಂತ ಕನ್ನಡವಲ್ಲದ ಕನ್ನಡ ತಂದು, ತುಗೊಳ್ರಪಾ ಕನ್ನಡ ಪದ ಅಂತ ಕೊಟ್ರೆ ಮಂದಿ ತಗೊಳ್ಳೊಲ್ಲಾ, ಕನ್ನಡದ್ದೇ ಪದ ಕನ್ನಡದಲ್ಲಿ ಚೆನ್ನಾಗಿ ಕೂಡಿಕೊಳ್ಳುತ್ತೆ, ಅದನ್ನು ಮಂದಿ ತಗೋತಾರೆ, ಅದಕ್ಕೆ ಅಪ್ಪಟ ಕನ್ನಡ ಪದವನ್ನೇ ಗುರುತು ಮಾಡಬೇಕು ಇಲ್ಲಾ ಕನ್ನಡ ಗ್ರಾಮರ್ ಬಳಸಿಕೊಂಡು ಪದವನ್ನು ಹುಟ್ಟಿಸಬೇಕು. ಅಂತ ಪದಗಳನ್ನು ಮಂದಿ ಬಳಕೆ ಮಾಡೇ ಮಾಡುತ್ತಾರೆ.

ನನ್ನಿ.