@ಸಂಗನ, @ವೈಭವ,
ಇಲ್ಲಿ ನೋಡಿ, ಜ್ಞಾನದ ತುಡಿತವನ್ನು ತುಂಬಿಸುವ ನುಡಿ. ಇಲ್ಲಿ ನಾನು ಒತ್ತಿ ಒತ್ತಿ ಹೇಳಿರುವುದು, ಜ್ಞಾನವಲ್ಲದ ಪದಗಳು ಬೇಡ ಅಂತ.

"ಯಾರಾದರೂ "ನೋಡಯ್ಯಾ ಇದು, ವಿದ್ಯೆ->ವಿನಯ->ಪಾತ್ರತೆ(Professionalism, Character ಅಂತ ಅರ್ಥೈಸಬಹುದು)->ಹಣ->ಧರ್ಮ->ಸುಖ(ಇದು ಒಂದು ಸಂಸ್ಕೃತದ ಸುಭಾಷಿತ) ಸಿಗುವಂತೆ ಮಾಡುವ ಒಂದು ಜ್ಞಾನ", ಎಂದು ಹೇಳಿದರು ಎಂತಿಟ್ಟುಕೊಳ್ಳಿ. ಆ ಜ್ಞಾನದ ಸತ್ಯಾಸತ್ಯತೆಯನ್ನು ಅಳೆದು ತೂಗಿ, ನಮಗೆ ಸರಿಯೆನಿಸಿದರೆ ಅದನ್ನು ರೂಢಿಸಿಕೊಳ್ಳಲು ನಾವೆಲ್ಲರೂ ಯಾವಾಗಲೂ ತಯಾರು. ಏಕೆಂದರೆ ಕನ್ನಡಿಗರು ಎಂದೂ ಕೂಡ ಕುರುಡಾಗಿ ಕನ್ನಡದ ಬಗ್ಗೆ ಅಭಿಮಾನ ಬೆಳೆಸಿಕೊಂಡವರಲ್ಲ. ಆದರೆ ಜ್ಞಾನವೇ ಇಲ್ಲದೆ, ಸಂಸ್ಕೃತವೇ ಎಲ್ಲ, ನಿನ್ನ ನುಡಿ ಜಾಳು ಜಾಳು ಎಂದರೆ ಅದಕ್ಕೆ ಅರ್ಥವೇ ಇಲ್ಲ. ಯಾದೃಚ್ಛಿಕ, ಇತ್ಯಾತ್ಮಕ, ನೇತ್ಯಾತ್ಮಕ, ಸಿದ್ಧಸ್ಮೃತಿಕೋಶ, ಸ್ಮರಣ ಕೋಷ್ಟಕ, ವಕ್ರಾವರಣ ಇಂತಹ ಪದಬಳಕೆಯಲ್ಲಿ ಯಾವ ಬದನೆಕಾಯಿ ಜ್ಞಾನವೂ ಇಲ್ಲ. ಜನರಿಗೆ ಅರ್ಥವಾಗದ, ಕೇವಲ ಕೆಲವರ ಸಂಸ್ಕೃತದ ಮೇಲಿನ ಕುರುಡಭಿಮಾನದಿಂದ ಇವುಗಳನ್ನು ಬಳಸುವದು ದೂರದೃಷ್ಟಿಯ ಕೊರೆತೆಯೂ ಹೌದು.

ಆದರೆ ಜ್ಞಾನವಿರುವ ಕಡೆ, ಕನ್ನಡದಲ್ಲಿ ಆಯಾ ಜ್ಞಾನದ ಕಾನ್ಸೆಪ್ಚುಯಲೈಸೇಶನ್ ಆಗುವ ತನಕ, ನಾವೇಕೆ ಬೇರೆ ನುಡಿಯ ಪದಗಳನ್ನು ಬಳಸಬಾರದು. ನೀವುಗಳೇ ಕಂಡಂತೆ random ಎನ್ನುವ ಭಾವಕ್ಕೆ "ಉ" ಎಂಬುದನ್ನು ಬಳಸಿಕೊಳ್ಳಬಹುದು ಎಂಬುದಾಗಿ ತಿಳಿದ ಮೇಲೆ ಅದೆಷ್ಟು ಕಡೆ ನಾನೂ ಸೇರಿದಂತೆ ಇದನ್ನು ಎಷ್ಟೋ ಜನರು ಬಳಸಿಲ್ಲ. ಆದರೆ "ಶಾಸ್ತ್ರೀಯ ಸಂಗೀತ" ಎಂಬುದನ್ನು ಇನ್ನು ಮಂದೆ ಬಳಸಲೇಬೇಡ, ಬೇಕಿದ್ದರೆ "ಕ್ಲಾಸಿಕಲ್ ಮ್ಯೂಸಿಕ್" ಅಂತ ಹೇಳು ಎಂದರೆ ಅದು ತಿಕ್ಕಲುತನ ಆದಂತಾಗುವುದಿಲ್ಲವೇ ?

@ಎಲ್ಲರಿಗೂ,
ಬೆನಕ ಅವರು ತೆರೆದಿರುವ ಈ ಎಳೆಯಲ್ಲಿ "ಆರ್ಯ-ದ್ರಾವಿಡ ಜನಾಂಗವಾದದ" ಕುರಿತು ಹೆಚ್ಚು ಚರ್ಚಿಸೋಣ. ಮಹೇಶ ತೆರೆದಿರುವ Cadwell ಮತ್ತು Comparative Grammar of the Dravidian Languages ಅಲ್ಲಿ ದ್ರಾವಿಡ ನುಡಿ ಗುಂಪಿನ ಬಗ್ಗೆ ಚರ್ಚೆ ನಡೆಸೋಣ. ಏನಂತೀರಾ ನೀವುಗಳು ?