ಬ್ರಾಹ್ಮಣ ಎಂದರೆ ಬ್ರಹ್ಮ ಜ್ಞಾನ ಉಳ್ಳವನು, ಬ್ರಾಹ್ಮಣ ಎಂಬುದು ಜಾತಿಯಲ್ಲ, ಹುಟ್ಟಿನಿಂದ ಬರುವಂಥದ್ದಲ್ಲಾ, ಸಾಧನೆಯಿಂದ ಗಳಿಸಿಕೊಳ್ಳಬಹುದಾದದ್ದು, ಜನಿವಾರ ವೈದಿಕ ಕರ್ಮ ಕಾಂಡದಲ್ಲಿ ಒಂದು ಅಗತ್ಯ ವಾದ ಶಿಸ್ತು, ಅನಿವಾರ್ಯವಲ್ಲದಿದ್ದರೂ ಅಪೇಕ್ಷಣೀಯ. ಬ್ರಹ್ಮಜ್ಞಾನಿಗೆ ಯಾವ ಬಾಹ್ಯ ಚಿನ್ಹೆ ಅಲಂಕಾರಗಳು, ವಸ್ತ್ರ-ಸಂಹಿತೆ, ನಾಮ-ವಿಭೂತಿ-ತಿಲಕ ಇವುಗಳ ಅಗತ್ಯವಿಲ್ಲಾ. ಬ್ರಹ್ಮ ಎಂದರೆ ದೊಡ್ಡದು ಎಂದು ಅರ್ಥ. ಬ್ರಹ್ಮಜ್ಞಾನವೆಂದರೆ ಎಲ್ಲಾ ದ್ವಂದ್ವ ಗಳಿಂದ ಮುಕ್ತನಾಗಿ ಸರ್ವಭ್ಹೂತ ಹಿತ-ರತನಾಗಿ, ತನ್ನ ಆನಂದದಲ್ಲಿ ತಾನಿದ್ದು, ತನ್ನ ಬಳಿ ಬರುವವರಿಗೆ ಈ ಆನಂದದ ಅನುಭೂತಿಯನ್ನುಂಟುಮಾಡಬಲ್ಲವ. ಇದು ಪವಾಡ ಸದೃಶ ವ್ಯಕ್ತಿತ್ವ ಆದರೆ ನಮ್ಮಲ್ಲಿನ ಅನೇಕ ಬಾಬಾಗಳು ಮಾಡುವ ಪವಾಡ-ಪ್ರದರ್ಶನವಲ್ಲ. ಸದ್ಗುರುವಿನ ಆಶ್ರಯದಿಂದ ಬ್ರಾಹ್ಮಣತ್ವಕ್ಕೆ ಯಾರೂ ಏರಬಹುದು. ಆದರೆ ಈ ದಾರಿ ಅತಿ ಕಠಿಣ. ಇಂದು ಸಮಾಜದಲ್ಲಿ ನಾವು ಕಾಣುತ್ತಿರುವ ಬ್ರಾಹ್ಮಣ ರೆಂಬ ಜಾತಿಗೂ ಬ್ರಾಹ್ಮಣತ್ವಕ್ಕೂ ಸಂಬಂಧವಿಲ್ಲ. ಜಾತಿಯತೆ ವೇದಪ್ರಣೀತವಲ್ಲ. ವೇದಾಧ್ಯಯನಕ್ಕೆ ಆ ಶಿಸ್ತಿಗೊಳಪಡಬಲ್ಲ ಎಲ್ಲರೂ ಅರ್ಹರು. ಈ ಮನೋದಾರ್ಢ್ಯ-ಶ್ರದ್ಧೆ-ಶಿಸ್ತಿಗೊಳಪಡಬಲ್ಲ ಯೊಗ್ಯತೆಯೇ ಸಂಸ್ಕಾರ.