ಬೊಳಂಬು, ನಿಮಗೆ ಈ ವಿಷಯದಲ್ಲಿ ಆಸಕ್ತಿಯಿದೆ ಎಂದು ಭಾವಿಸಿ, "ಉ/ಊ" ಪದದ ಬಗ್ಗೆ ನಡೆದ ಚರ್ಚೆಯ ಕೊಂಡಿಯನ್ನು ನೀಡುತ್ತಿದ್ದೇನೆ. ಕವಿರಾಜಮಾರ್ಗ ಮತ್ತು ಕನ್ನಡ ವಿಕಿಪೀಡಿಯ. ತುಸು ಮಗುಮ್ಮಾಗಿತ್ತು ಆ ಚರ್ಚೆ. ಇನ್ನು ಹಳ(ಳೆ)ಗನ್ನಡದ ಬಗ್ಗೆ ಈಗಾಗಲೇ ಮಹೇಶ ಹೇಳಿರುವನು. ನೀವು ನಿಮ್ಮ ಅನುಮಾನ ಹೊರಗೆಡವಿದ್ದು ನಿಜಕ್ಕೂ ತಪ್ಪಲ್ಲ. ನಾವುಗಳೂ ಕೂಡ ಹೀಗೆ ಚರ್ಚೆ ಮಾಡುತ್ತಲೇ ಕನ್ನಡ ಬಗೆಗಿನ ಅನೇಕ ತಪ್ಪು ತಿಳಿವಳಿಕೆಯನ್ನು ಹತ್ತಿಕ್ಕುತ್ತಿದ್ದೇವೆ. ನನಗನ್ನಿಸುವ ಮಟ್ಟಿಗೆ, ಕನ್ನಡದ ಬಗೆಗಿನ ಅನೇಕ ತಪ್ಪು ತಿಳಿವಳಿಕೆಗಳಲ್ಲಿ ಎದ್ದು ಕಾಣುವುದು, "ಉ ಸೇರಿಸಿದರೆ ಕನ್ನಡ ಪದ ಆಗತ್ತೆ ಎಂಬುದು". ಟೇಬಲ್-ಟೇಬಲು, ಪೆನ್-ಪೆನ್ನು, ಬಾಲ್-ಬಾಲು. ಪದಗಳನ್ನು ಕನ್ನಡವಾಗಿಸಬೇಕಾದರೆ(ಅಂದರೆ ತಪ್ಪಾಗಿ ಕನ್ನಡೀಕರಣ) ಮಾಡಬೇಕಾದರೆ ಉ ಸೇರಿಸಿ ಅಂತ ಹೇಳುವುದು ತಪ್ಪು.