ನನ್ನ ಪ್ರಶ್ನೆ ಏನೆಂದರೆ ಪಂಚಾಕ್ಷರಿಗೂ ಸಂದೇಹಕ್ಕೂ ಏನು ಸಂಬಂಧ?

ನಿಮ್ಮ ಕೇಳಿಕೆ ಸರಿಯಾಗಿದೆ ಸವಿತ್ರುಗಳೇ. ಇಲ್ಲಿ ಪಂಚಾಕ್ಸರಿಗೂ ಸಂದೇಹಕ್ಕೂ ಏನು ನಂಟು? ಅನುಮಾನ ಅಂದರೆ ಯಾವುದರ ಬಗ್ಗೆಯೇ ಆಗಲಿ ನನ್ನಿ(ಸತ್ಯ)ವನ್ನು ತಿಳಿಯುವ ಹಂಬಲ. ಅಂದರೆ ಅನುಮಾನದಲ್ಲಿರುವವ ತಾನು ತನ್ನದು ಎಂಬ ಹಂಗಿನಲ್ಲಿರುವದಿಲ್ಲ. ನನ್ನಿ ತನ್ನಂತೆ ಇರಲಿ, ಇನ್ನಾವುದೇ ಇರಲಿ ಅದನ್ನು ತಿಳಿದುಕೊಳ್ಳಲು ಸಿದ್ದನಿರುತ್ತಾನೆ. ಅವನು ಹಾಗೆ ಸಿದ್ದನಾಗದೇ ಇದ್ದಲ್ಲಿ ನಂಬಿಕೆಯೊಂದನ್ನು ಅಪ್ಪಬೇಕಾಗುತ್ತದೆ. ಅನುಮಾನ ಪಡಲು ಎದೆಗಾರಿಕೆ ಬೇಕು.

ಅನುಮಾನ(ಇಲ್ಲವೇ ಸಂದೇಹ) ಎಂಬುದು ನನ್ನಿಯನ್ನು ತಿಳಿಯುವ ಮುನ್ನ ಇರುವ ದೆಸೆ, ಅದು ತಿಳಿದ ಮೇಲೆ ಅನುಮಾನ ಇರುವದಿಲ್ಲ, ಅದು ನಂಬಿಕೆಯೂ ಅಲ್ಲ, ಅದು ತಿಳಿವು, ಜ್ಞಾನ. ನಂಬಿಕೆಗೂ ತಿಳಿವಿಗೂ ಕೂದಲೆಳೆ ದೂರ, ತಿಳಿವು ಹೊತ್ತು ಹೊತ್ತಿಗೆ ಬದಲಾಗುತ್ತಿರುತ್ತದೆ, ಹೊಸ ತಿಳಿವು ಹಳೆಯ ತಿಳಿವನ್ನು ಸುಳ್ಳು ಮಾಡಿ, ತಿಳಿವನ್ನು ನಂಬಿಕೆಯಾಗಿಸುತ್ತಲೇ ಇರುತ್ತದೆ.

ನಂಬಿಕೆಗೆ ಒಂದು ಬಲ ಇದೆ. ನಾವು ಏನನ್ನು ಬಲವಾಗಿ ನಂಬುತ್ತೇವೆಯೋ ಅದು ಕೆಲ ಸಲ ನನ್ನಿಯಾಗುತ್ತದಂತೆ. ಮುನಿ-ಪುಂಗವರ ನಂಬಿಕೆಗಳಿಗೆ ಅಂತ ಬಲ ಇರುತ್ತದೆ.

ಪಂಚಾಕ್ಸರಿಯು ಸಂದೇಹವನ್ನು ಸುಡುತ್ತದೆ ಅಂಬುದನ್ನು ಎರಡು ಬಗೆಯಲ್ಲಿ ನೋಡಬಹುದು. ೧) ಪಂಚಾಕ್ಸರಿಯು ನನ್ನಿಯನ್ನು ತೋರುವದು ೨) ಪಂಚಾಕ್ಸರಿಯು ನಂಬಿಕೆ ಮೂಡಿಸುವದು

ಈ ಎರಡೂ ತಿಳಿವು ಒಂದು ರೀತಿ ಸರಿಯಾಗಿಯೇ ಇವೆ.