ಈ ಬರಹಕ್ಕೆ ನಂಟಾದಂತಹ ಒಂದು ಸುದ್ಧಿ ನೆನ್ನೆಯ ಪ್ರಜಾವಾಣಿಯಲ್ಲಿ ಬಂದಿದೆ. ಎಲ್ಲರೂ ಓದಿ ಅದನ್ನು. ಹೊಸ ವಿಜ್ಞಾನ ಪದಗಳ ಅನ್ವೇಷಣೆ. ಇದರಲ್ಲಿ ಇರುವ ಒಂದು ವಾಕ್ಯ ಅದರ ಆಶಯದಿಂದಾಗಿ ತುಂಬಾ ಇಷ್ಟವಾಯಿತು. "ಶಬ್ದ ಮಡಿವಂತಿಕೆಯಿಂದ ಭಾಷಾ ಬೆಳವಣಿಗೆ ಸಾಧ್ಯವಿಲ್ಲ".

ಈ ಕೂರ್ ಎಳೆಗಳಲ್ಲಿ "ಕೂರ್->Pollen" ಎಂಬುದೇ ದೊಡ್ಡ ಚರ್ಚಾ ವಸ್ತುವಾಗಬೇಕಿಲ್ಲ. ಇದು ನಾವುಗಳು "ಕನ್ನಡವನ್ನು ಸೃಜನಶೀಲ ಸಾಹಿತ್ಯಕ್ಕೆ ಮಾತ್ರವೇ ಸೀಮಿತವಾಗಿಸಿ, ಮಿಕ್ಕ ಟೆಕ್ನಿಕಲ್ ವಿಷಯಗಳಿಗೆ ಬಂದಾಗ ಬರೀ ಅನುವಾದದ ದೃಷ್ಟಿಯಿಂದ ಸಂಸ್ಕೃತ ಪದಗಳ ಕೃತಕವಾದ ಬಳಕೆಗಳಿಗೆ ಮೊರೆಹೋಗಿ ಅಲ್ಪತೃಪ್ತರಾಗದೆ, ಕನ್ನಡದ್ದೇ (ಅದು ತುಳು, ಕೊಡವ, ಬಡಗ..ಹೀಗೂ ಇರಬಹುದು) ಪದಗಳ ಹರಿವು(ವ್ಯಾಪ್ತಿಯನ್ನು) ಹೆಚ್ಚಿಸಿಕೊಂಡು ಜಗತ್ತಿನ ಜ್ಞಾನವನ್ನು ಕನ್ನಡದಲ್ಲಿ ಕಾನ್ಸೆಪ್ಚುಯಲೈಸ್ ಮಾಡಲು ಏಕೆ ಪ್ರಯತ್ನಿಸಬಾರದು" ಅಂತ ಕಂಡುಕೊಳ್ಳುವುದು.

ಕೆಲವರಿಗೆ ಇಂತಹ ಹೊಸ ಪದಗಳ ಪ್ರಯೋಗ, ಹೊಸ ಪದಗಳನ್ನು ಹುಟ್ಟಿಸುವುದು ಕೇವಲ ಒಂದು ಟ್ರೆಂಡ್ ಅನ್ನಿಸಬಹುದು ಅಥವಾ ಮತ್ತೂ ಕೆಲವರಿಗೆ ಗಿಮಿಕ್, ಸ್ಟಂಟ್ ಅಂತಲೂ ಅನಿಸಬಹುದು. ಆದರೆ ಕೆಲವರಿಗೆ ಅದು ಹವ್ಯಾಸವಾಗಿರಬಹುದು, ಕೆಲವರಿಗೆ ಅದು ಕನ್ನಡದಲ್ಲಿ ಜ್ಞಾನದ ತುಡಿತವಿರಬಹುದು...ಒಟ್ಟಿನಲ್ಲಿ ಕನ್ನಡದ ಗಟ್ಟಿತನ ಎಲ್ಲರಿಗೂ ತಿಳಿಯುವುಂತಾಗಿ, ಪೊಳ್ಳು ಜೊಳ್ಳು (ಮಹೇಶ ಇವುಗಳ ಬಗ್ಗೆ ಪ್ರಸ್ತಾಪಿಸಿದ ಒಂದು ಬರಹ) ಅಂತ ಬೆಪ್ಪು ಬೆಪ್ಪಾಗಿ ಬಡಬಡಾಯಿಸದಿದ್ದರೆ ಸಾಕು.