ಇದು SCIMಗೆ ಗೋರಾ ಮೊಹಾಂತಿ ಸೇರಿಸಿರುವ ಹೊಸ "ಬರಹ ಸಿರೀಸ್" ಕೀ ಮ್ಯಾಪುಗಳು. ಲೇ ಔಟಿನಲ್ಲಿ ಈಗಿನಂತೆ ಸಾಕಷ್ಟು ಬಗ್ಸ್ ಇದ್ದಂತಿದೆ.
ಮೊದಲಾಗಿ SCIMಗೆ ಹೊಸ ಕೀಲಿಮಣೆ ಸೇರಿಸುವುದು ಬಲು ಸುಲಭ (ಇದು lisp ಬಳಸತ್ತೆ). ಎರಡು ನಿಮಿಷಗಳೊಳಗೆ ನೀವೂ ನಿಮ್ಮದೊಂದು ರೀತಿಯ ಲೇಔಟ್ ಸೇರಿಸಿಬಿಡಬಹುದು.

ಎರಡನೆಯದಾಗಿ, ಕನ್ನಡಕ್ಕೆ ಬರಹ ರೀತಿಯ ಕೀಲಿಮಣೆ ಲಿನಕ್ಸಿನಲ್ಲಿ (ಅದೂ SCIMನಲ್ಲಿಯೇ ಎಷ್ಟೋ ತಿಂಗಳುಗಳಿಂದ kn-itrans ಎಂಬ ಹೆಸರಿನಡಿ ಆಗಲೇ ಲಭ್ಯವಿದೆ). ಗೋರಾ ಮತ್ತೊಂದು ಯಾಕೆ ಸೇರಿಸಿದರು ತಿಳಿಯದು.

kn-itransನಲ್ಲಿ ಒಂದೆರಡು ಕಡೆ ಬರಹದಲ್ಲಿರುವ ಕಷ್ಟದ ಸೀಕ್ವೆನ್ಸುಗಳಿಗೆ ಸುಲಭದ ರಿಪ್ಲೇಸ್ಮೆಂಟು ಕೂಡ ಕೊಡಲಾಗಿದೆ (ಉದಾ: ಜ್ಞ - j~j (baraha), dny (kn-itrans on SCIM)). ಮೊದಲನೆಯದು ಸ್ವಲ್ಪ ಕಷ್ಟದ ಸೀಕ್ವೆನ್ಸ್ - j ಒತ್ತಿ ಶಿಫ್ಟ್ ಕೀಲಿ ಒತ್ತಿಟ್ಟುಕೊಂಡು ~ ಹೊಡೆದು ಮತ್ತೆ j ಒತ್ತಬೇಕು (!).
ಎರಡನೆಯ ಸೀಕ್ವೆನ್ಸಿನಲ್ಲಿ ಎಲ್ಲ ಕೈಗೆ ಸುಲಭವಾಗಿ ಸಿಗುತ್ತವಲ್ಲದೆ ಒಂದು ಕೀ ಸ್ಟ್ರೋಕ್ ಕೂಡ ಕಡಿಮೆ.

ಬರಹ ಹಾಗೂ ಐ ಟ್ರಾನ್ಸಿನಲ್ಲಿ ಮೊದಲೇ ಕೀ ಸ್ಟ್ರೋಕುಗಳು ಹೆಚ್ಚು (ಅಂದರೆ ಒಂದೊಂದು ಅಕ್ಷರಕ್ಕೂ ಒತ್ತಬೇಕಾದ ಕೀಲಿಗಳ ಸಂಖ್ಯೆ ಹೆಚ್ಚು) - ಕಡಿಮೆಯಾದಷ್ಟೂ ಬರಹಕ್ಕೆ ಒಗ್ಗಿಕೊಂಡುಬಿಟ್ಟಿರುವವರಿಗೆ ಒಳ್ಳೆಯದು. ಎಂದಿನ ಬರಹ ಬಳಕೆದಾರನಿಗಿಂತ ಹೆಚ್ಚು ಕನ್ನಡವನ್ನ ಕಡಿಮೆ ಸಮಯದಲ್ಲಿ ಅವರಿಗೆ ಟೈಪ್ ಮಾಡಲು ಸಾಧ್ಯವಾಗುವುದು. (ಕೀ ಸ್ಟ್ರೋಕುಗಳ ಮಟ್ಟಿಗೆ ನುಡಿ ಹಾಗೂ inscript ಉತ್ತಮ ಲೇಔಟುಗಳು)

kn-itransನ ಪೂರ್ಣ ವಿವರ ಇಲ್ಲಿದೆ, ನೋಡಿ:
http://oldfiles.sampada.net/node/14.html
--
ನನ್ನ ಬ್ಲಾಗ್:
ಪರಿವೇಶಣ | PariveshaNa