ನಾವು ಇಂಡಿಯನ್ಸಗೆ ಬದಲಾವಣೆಯ ಬಗ್ಗೆ ಸಿಕ್ಕಾಪಟ್ಟೆ ಅಂಜಿಕೆ, ಇವೊತ್ತು ಕೆಲಸದ ನಿಮಿತ್ತ ಕೋರ್ಟಿಗೆ ಹೋಗಿದ್ದೆ, ವಿಚಿತ್ರ ಅನಿಸಿತು, ಬ್ರಿಟಿಸರು ಬಿಟ್ಟು ಹೋದ ಅದೇ ಹಳೆಯ ಪದ್ದತಿಗಳು. ನಾವು ಬ್ರಿಟೀಸರಿಂದ ಬಿಡುಗಡೆ ಬರೀ ಆಡಳಿತದಲ್ಲಿ ಪಡೆದೆವೋ ಹೊರತು ದಿಟವಾದ ಅರಿತದಲ್ಲಿ ಅಲ್ಲ. ಬರೀ ಕೋರ್ಟಿನಲ್ಲಿ ಅಲ್ಲ, ಎಲ್ಲದರಲ್ಲೂ, ಅವರು ರೋಡುಗಳಿಗೆ ಕೊಟ್ಟ ಹೆಸರುಗಳನ್ನು ಕೂಡ ಬದಲು ಮಾಡುವ ಸೌರ್ಯಕ್ಕೆ ನಾವು ಕೈ ಹಾಕಿಲ್ಲ.

ನಾವು ಗೊಡ್ಡು ಆಚರಣೆ, ಪದ್ದತಿಗಳಿಗೆ ಅಂಟಿಕೊಂಡು ಬಿಡುತ್ತೇವೆ. ಬರೀ ಹಿಂದೂ ಆಚರಣೆಗಳ ಬಗ್ಗೆ ನಾ ಹೇಳುತ್ತಿಲ್ಲ, ತಮ್ಮ ಅನುಕೂಲಗಳ ಸಲುವಾಗಿ ಬ್ರೀಟೀಸರು ಮಾಡಿಕೊಂಡ ಪದ್ದತಿಗಳನ್ನು ಹಾಗೆಯೇ ಕಾಯ್ದುಕೊಂಡು ಹೋಗುತ್ತಿದ್ದೇವೆ ನಾವು. ಇವುಗಳನ್ನು ಬಿಡಿಸಲು ಮತ್ತೆ ಯಾರು ಬರಬೇಕೋ?

ಈಗಲೂ ಕ್ರಿಸ್ಚಿಯನ್ ಕಾನ್ವೆಂಟಿಗೆ ಸೇರಿಸಿದರೇನೇ ನಮ್ಮ ಮಕ್ಕಳು ಚುರುಕಾಗುತ್ತಾರೆ ಅನ್ನುವ ನಂಬಿಕೆ. ಹಿಂದೂ ಆಡಳಿತವಿದ್ದೂ ಕ್ರಿಸ್ಟಿಯನ್ ಸನ್ಯಾಸಿ/ಸನ್ಯಾಸಿನಿಗಳ ಹೆಸರಿಟ್ಟುಕೊಂಡು ನಡೆಯುತ್ತಿರುವ ಸಾಲೆಗಳಿದಾವೆ ಅಂದರೆ ನೋಡಿ ಯಾವ ಮಟ್ಟಿಗಿದೆ ನಮ್ಮ ಮಳ್ಳತನ.