ಎಲ್ಲಾ ಓಕೆ, ಇಂಗ್ಲೀಷ್ ಯಾಕೆ ?
ವಿಜಯ ಸಂಕೇಶ್ವರರ ಹಿರಿಮೆ ಇರುವುದು ಅವರ ಸಂಸ್ಥೆ ಗಳು ಅಶಿಕ್ಷಿತ/ಅರ್ಧಶಿಕ್ಷಿತ *ಕನ್ನಡಿಗ*ರಿಗೆ ಒದಗಿಸಿರುವ ಉದ್ಯೋಗಾವಕಾಶಗಳಿಂದ. ಬಿ.ಇ . ಮಾಡಿದವರಿಗೆ ಇನ್ಫೋಸಿಸ್ ಇಲ್ಲಾಂದ್ರೆ ಇನ್ನೋಂದಾದರೂ ಸಂಸ್ಥೆಯಲ್ಲಿ ಕೆಲಸ ಸಿಗುತ್ತದೆ. ಆದರೆ ಯಾವುದೋ ಕಾರಣಗಳಿಂದ ಶಿಕ್ಷಣವನ್ನು ಅರ್ಧಕ್ಕೆ ಬಿಟ್ಟ, ಅಷ್ಟೇನು ಜಾಣರಲ್ಲದ ಸಾವಿರಾರು ಜನರಿಗೆ ವಿ.ಆರ್.ಎಲ್ ಉದ್ಯೋಗಕೊಟ್ಟು ಬಾಳಿಗೆ ದಾರಿಯಾಗಿಸಿದೆ.

ಆದರೆ ಒಂದು ಪ್ರಶ್ನೆ : ವಿಆರೆಲ್ ಬಸ್ಸುಗಳು ಓಡುವುದು ಹೆಚ್ಚಾಗಿ ಕರ್ನಾಟಕದಲ್ಲಿ. ಅವುಗಳನ್ನು ಉಪಯೋಗಿಸುವವರು ಹೆಚ್ಚಾಗಿ ಕನ್ನಡಿಗರು. ಅದರ ಬುಕ್ಕಿಂಗ್ ಎಜಂಟುಗಳು ಹೆಚ್ಚಾಗಿ ಕನ್ನಡಿಗರು ಮತ್ತು ಅವರ ಇಂಗ್ಲೀಷ್ ಅಷ್ಟಕಷ್ಟೆ. ಅದರ ಮಾಲಿಕರು "ಕನ್ನಡನಾಡು"( ಪಕ್ಷದ ) ಸ್ಥಾಪಕರು, "ಸಮಸ್ತ ಕನ್ನಡಿಗರ ಹೆಮ್ಮೆ " ( ವಿ.ಕ) ಯನ್ನು ಹುಟ್ಟು ಹಾಕಿದವರು. ಆದರೂ ವಿಆರೆಲ್ ಬಸ್ಸಿನ ಟಿಕಿಟುಗಳಿರುವುದು ಸಂಪೂರ್ಣ ಇಂಗ್ಲೀಷಿನಲ್ಲಿ, ಅವರ ವೆಬ್ ಸೈಟಿನಲ್ಲಿ (http://www.vrlgroup.in/) ಕನ್ನಡದ ಸುಳಿವೂ ಇಲ್ಲ . ಯಾಕೋ ??
-ಗುರ್