ಪ್ರಿಯ ಸವಿತೃ,

ಋಗ್ವೇದ ಸಂಹಿತೆಯ ಮೂರನೆಯ ಮಂಡಲದಲ್ಲಿ ಈ ಕೆಳಗಿನ ಋಚೆಯಿದೆ:

ಯ ಇಮೇ ರೋದಸೀ ಉಭೇ ಅಹಮಿಂದ್ರಮತುಷ್ಟವಮ್\
ವಿಶ್ವಾಮಿತ್ರಸ್ಯ ರಕ್ಷತಿ ಬ್ರಹ್ಮೇದಂ ಭಾರತಂ ಜನಮ್\\ಋ.೩-೫೩-೧೨\\

ತಾ||ಈ ಭೂಮಿ-ಸ್ವರ್ಗಗಳೆರಡನ್ನೂ ರಕ್ಷಿಸುವ ಇಂದ್ರನನ್ನು (ಸ್ತುತಿಯಿಂದ) ಸಂತೋಷಗೊಳಿಸಿದ್ದೇನೆ. ವಿಶ್ವಾಮಿತ್ರನಾದ ನನ್ನ ಈ ಮಂತ್ರ(ಮಾತು,ಸ್ತುತಿ) "ಭಾರತ"ದ ಜನರನ್ನು ರಕ್ಷಿಸುತ್ತದೆ.

ಈ ಮೂರನೆಯ ಮಂಡಲದ ದ್ರಷ್ಟಾರನಾದ ಋಷಿ - ಗಾಧಿನ ವಿಶ್ವಾಮಿತ್ರ. ಬಹುಶಃ ತ್ರೇತಾಯುಗದ ವಿಶ್ವಾಮಿತ್ರನಲ್ಲವೋ ಏನೋ ತಿಳಿಯದು. ಆತನೇ ಆಗಿದ್ದರೂ, ಅವನ ಮೊಮ್ಮಗನಾದ ಭರತನ ದೇಶದ ಬಗ್ಗೆ ಬರೆದಿರಲಾರನೆನಿಸುತ್ತದೆ. ಆದ್ದರಿಂದ ತ್ರೇತಾ-ದ್ವಾಪರದ ಭರತನಿಗೆ ಹಿಂದೆಯೂ ಋಗ್ವೇದಕಾಲದಲ್ಲೇ "ಭಾರತ"ವಿತ್ತೆಂಬುದು ಬಹುತೇಕ ಸ್ಪಷ್ಟವೆನಿಸುತ್ತದೆ. ಇಲ್ಲಿ ಭಾರತವೆಂದರೆ -ಭಾ(ಬೆಳಕು) ರತ(ಮಗ್ನ,ನಿರತ) =ಜ್ಞಾನವೆಂಬ ಬೆಳಕಿನ ಉಪಾಸನೆಯಲ್ಲಿ ತೊಡಗಿದ-ಎಂದರ್ಥವಿರಬಹುದು.

ಈ ಋಚೆ ಸುದಾಸನ ಸಂಪತ್ತು, ಇಂದ್ರೋಪಾಸನೆ, ಮೈತ್ರಿಗಳನ್ನು ಹೇಳುವ ಪ್ರಸಂಗದಲ್ಲಿ ಬರುತ್ತದೆ. ಆಸಕ್ತರು ಓದಿ ನೋಡಿ.

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.