ಮಹೇಶರೆ,

ಶ್ರೀರಾಮ ರಾಮ ರಾಮೇತಿ ರಮೇ ರಾಮೇ ಮನೋರಮೇ
ಸಹಸ್ರನಾಮ ತತ್ತುಲ್ಯಂ ರಾಮನಾಮ ವರಾನನೇ

ರಮೇ - ಎಂದರೆ ರಮೆ/ಲಕುಮಿಯಲ್ಲ; ರಮ್ ಧಾತುವಿನ ಉತ್ತಮ ಪುರುಷ ಏಕವಚನ ಕ್ರಿಯಾರೂಪ=ನಲಿವೆ,ಸಂತಸಪಡುವೆ ಎಂದರ್ಥ.
ರಾಮೇ - ಎಂದರೆ ಸಪ್ತಮೀ ವಿಭಕ್ತಿ ಏಕವಚನ = ರಾಮನಲ್ಲಿ

ರಮೇ ರಾಮೇ = ರಾಮನಲ್ಲಿ (ರಾಮನಾಮದಲ್ಲಿ) ನಲಿಯುವೆ ಎಂದರ್ಥ.

ಆದ್ದರಿಂದ ತಾತ್ಪರ್ಯವು:

ಎಲೈ ಮನೋರಮೆಯೇ, ಶ್ರೀರಾಮ ರಾಮ ರಾಮ ಎಂದು ರಾಮನ(ನಾಮದ)ಲ್ಲೇ ನಲಿಯುತಿಹೆ
ಸುಂದರಮೊಗದವಳೇ, ಒಂದು ರಾಮ ನಾಮ (ವಿಷ್ಣುವಿನ) ಸಾವಿರ ನಾಮಗಳಿಗೆ ಸರಿಸಾಟಿ!

ಎಂದಾಗುತ್ತದೆ. (ಈ ಶ್ಲೋಕ ವಿಷ್ಣುಸಹಸ್ರನಾಮ ಫಲಶ್ರುತಿಯಲ್ಲಿದೆ)

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.