ಮಹೇಶರೆ,
ನಿಮ್ಮ ಪ್ರಶ್ನೆ ಸರಿಯಾಗಿದೆ!
ಆದರೆ ಅದಕ್ಕೆ ಉತ್ತರವೂ ಇದೆ:

ಸಮಾಸಲಿಂಗ-೧:
ಸಮಾಸಪದದ ಲಿಂಗವು ಉತ್ತರಪದದ ಲಿಂಗವೇ ಆಗಿರುವುದು ಸಾಮಾನ್ಯ ನಿಯಮ.
ಅಂದರೆ, ರಾಜ್ಞಃ ಪುತ್ರಃ -> ರಾಜಪುತ್ರಃ ಆಗುತ್ತದೆ; ರಾಜಪುತ್ರನ್ ಅಲ್ಲ.
ಅಂತೆಯೇ, ಗೌರ್ಯಾಃ ಪುತ್ರಃ -> ಗೌರೀಪುತ್ರಃ ಆಗುತ್ತದೆ; ಗೌರೀಪುತ್ರಾ ಅಲ್ಲ.

ಸಮಾಸಲಿಂಗ-೨:
ಪಾಣಿನಿಯ "ರಾಜಾಹಸ್ಸಖಿಭ್ಯಷ್ಟಚ್" ಸೂತ್ರದಂತೆ
ಸಮಾಸದ ಉತ್ತರಪದದಲ್ಲಿ ರಾಜನ್-ಅಹಸ್-ಸಖಿ ಶಬ್ದಗಳು ಬಂದಾಗ,
ಅವಕ್ಕೆ "ಟಚ್" ಪ್ರತ್ಯಯವು ಸೇರಿ, ಸಮಾಸದ ಲಿಂಗವು ಅ ಕಾರಾಂತ ಪುಲ್ಲಿಂಗವಾಗುತ್ತದೆ!
ಉದಾ: ಮೃಗಾನಾಂ ರಾಜಾ -> ಮೃಗರಾಜಃ, ದೇವಾನಾಂ ಸಖಾ -> ದೇವಸಖಃ
ಬೇರೆ ಯಾವುದೇ ಪದಗಳಿಗೆ ಈ ಸೂತ್ರ ಅನ್ವಯವಾಗದ ಕಾರಣ, ನಾಮನ್ ಪದವು ಅ ಕಾರಾಂತವಾಗದೆ, ಹಾಗೆಯೇ ಉಳಿಯುತ್ತದೆ.
ಆದ್ದರಿಂದ ರಾಮಸ್ಯ ನಾಮ -> ರಾಮನಾಮ.

ಸಮಾಸಲಿಂಗ-೩:
ಮೇಲೆ ನೋಡಿದ ಎರಡೂ ಉತ್ತರಪದದ ಅರ್ಥವೇ ಮುಖ್ಯವಾದ ತತ್ಪುರುಷ ಸಮಾಸಗಳು.
ಅನ್ಯಪದದ ಅರ್ಥವೇ ಪ್ರಧಾನವಾಗುವ ಬಹುವ್ರೀಹಿ ಸಮಾಸದ ಲಿಂಗವು ಉತ್ತರಪದ ಅಥವಾ ಪೂರ್ವಪದದ ಲಿಂಗವಾಗಿರದೆ,
ಸಮಾಸವು ತೋರಿಸುವ ಅನ್ಯಪದದ ಲಿಂಗವಾಗಿರುತ್ತದೆ! ಅಂದರೆ,

ತ್ರೀಣಿ ಅಂಬಕಾನಿ ಯಸ್ಯ ಸಃ -> ತ್ರ್ಯಂಬಕಃ
ತ್ರೀಣಿ-ಮೂರು(ನಪುಂ)
ಅಂಬಕ-ಕಣ್ಣು(ನಪುಂ)
ತ್ರ್ಯಂಬಕ-ಮುಕ್ಕಣ್ಣ(ಪುಲ್ಲಿಂಗ)!!

ಹಾಗೆಯೇ, ಖ್ಯಾತನಾಮಃ -> ಖ್ಯಾತಂ ನಾಮ ಯಸ್ಯ ಸಃ (ಯಾವನ ಹೆಸರು ಪ್ರಸಿದ್ಧವೋ ಅವನು!)

ಹೀಗಾಗಿ, ನಾಮವನ್ನು ತೋರುವ "ರಾಮನಾಮ" ಸರಿ! ಪ್ರಸಿದ್ಧಪುರುಷನನ್ನು ತೋರುವ "ಖ್ಯಾತನಾಮಃ" ಸರಿ!!

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.