ಕೆಪಿಬೊಳಂಬು, ಸಂಪದ ಪಾಡ್ಕಾಸ್ಟಿನ ೩ರ ಸಂಚಿಕೆಯಲ್ಲಿ ಬಂದಿರುವ ಈ ರೀತಿಯ ಮಾತಿನಿಂದ ನಿಮ್ಮ ಮನಿಸ್ಸಿಗೆ ಖಂಡಿತವಾಗಿಯೂ ನೋವಾಗಿದೆಯೇ ಒಂದು ವೇಳೆ ಅದು ನಿಜವಾದರೆ, ಆ ನೋವನ್ನು ಹೋಗಲಾಡಿಸುವ ನಿಟ್ಟಿನಲ್ಲಿ, ನನ್ನ(ನನ್ನದು ಅಂದರೆ ನನ್ನದಲ್ಲ ) ಒಂದೇ ಒಂದು ಮಾತು ನೀವು ಕೇಳುವುದಾದರೆ, ಇದನ್ನು ಓದಿ. ಕನ್ನಡವನ್ನು ಕುರಿತಾದ ಇದೂ ಒಂದು ಬಗೆಯ ಕನಸೇ ? ಇದರಲ್ಲಿ ಮೊದಲ ಮೊನಚು ಎಂಬ ಕಾಮೆಂಟನ್ನು ಓದಿ. ಅಲ್ಲಿ ಜಿ.ಪಿ.ರಾಜರತ್ನಂ ಅವರ, ಒಂದು ಮಾತನ್ನು ಉಲ್ಲೇಖಿಸಲಾಗಿದೆ. "ಆಗ್ನೆ(ಆಜ್ಞೆ ಅಲ್ಲ) ಮಾಡೋ, ಅಯ್ಗೋಳೇಲ್ಲ ದೇವ್ರೆ ಆಗ್ಲಿ ಎಲ್ಲ, ಕನ್ನಡ್ ಸುದ್ಧೀಗೇನ್ರಾ ಬಂದ್ರೆ ಮಾನ ಉಳ್ಸಾಕಿಲ್ಲ" ಅಂತ ಒಮ್ಮೊಮ್ಮೆ ಬೇಸರವಾಗತ್ತೆ. ಆದರೆ ಎದೆಗುಂದದೆ, ಬೇರೆಯವರನ್ನು ಮೆಚ್ಚಿಸುವುದಕ್ಕಲ್ಲದೆ, ನಾವು ನಮಗಾಗಿ, ನಮ್ಮ ಏಳಿಗೆಗಾಗಿ, ನಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಳ್ಳಲು ಕನ್ನಡವನ್ನು ಕಲಿಯೋಣ, ಕಲಿಸೋಣ.