ಕೈಲಾಸಂ ನಾಟಕಗಳ ಥರಾ ಇದ್ಯಲ್ರಿ ನಿಮ್ಮ ಪ್ರಶ್ನೆ..ಇರಲಿ....ಇಂಗ್ಲೀಷ್ ಬರದ ನಮ್ಮ ಪ್ರಿಯ ಓದುಗರಿಗಾಗಿ, ನಿಮ್ಮ ಕನ್ನಡ ಪ್ರಶ್ನೆ(??) ಕನ್ನಡಿಗರಿಗೆ ಅರ್ಥವಾಗಲೆಂದು ಕನ್ನಡಕ್ಕೇ ಅನುವಾದಿಸುವ ಪ್ರಯತ್ನ ಮಾಡಿದ್ದೇನೆ.

ಚಿಂತನೆಗಳಲ್ಲಿ ತಲ್ಲೀನನಾಗಿರಲು, ಯೋಚನೆಗಳಲ್ಲಿ ಮುಳುಗಿರಲು, ಒಮ್ಮೊಮ್ಮೆ ಆಲೋಚಿಸುವೆ,  ಈ ಚಿಂತನ ಮಂಥನಗಳೇನೆಂಬುದರ ಬಗ್ಗೆ.
ಆಲೋಚನೆ ಎಂದರೇನು. ಈ ಚಿಂತನೆಗಳಲ್ಲಿ ಮುಳುಗೇಳುವವರು ಯಾರು. ನಾವೇಕೆ ಅಷ್ಚು ಚಿಂತಿಸುತ್ತೀವಿ. ಈ ಚಿಂತೆ ಮತ್ತು ಚಿಂತನೆಗಳು ಬೇರೆಯೇನು.
ಕೊನೆಗೆ "ನಾನು" ಅನ್ನೋದು ಒ೦ದು ಕಲ್ಪನೆಯೇ, ಚಿಂತನೆಯೇ. ನಾನು ಯಾರು. ನಾನು ಶಿವನೇ, ದಾಸನೇ, ಬ್ರಹ್ಮನೇ.

ಚಿಂತೆ, ಚಿಂತನೆ, ಆಲೋಚನೆ, ಯೋಚನೆ, ಯೋಜನೆ, ಕಲ್ಪನೆ. ಇನ್ನೆಷ್ಟು ಕಾಲ ಇವುಗಳಲ್ಲಿ ತೊಳಲಾಟ.