ಒಂದು ವಿಷಯದ ಜಾಡು ಹಿಡಿದು
ಲಟ್ಟಿಸಿ ಮಥಿಸಿ ಅಂಗವ ಮರ್ದಿಸಿ
ತಲೆಗೆದರಿಕೊಂಡು ಮೈ ಪರಚಿಕೊಂಡು
ಅಂಗಿ ಹರಿದುಕೊಂಡು ಕೊನೆಗೂ
ಯುರೇಕಾ! ಎಂದು ಕೂಗುವುದೇ!

ಮನದ ಒಳ ಹೊಕ್ಕು ಹೆಕ್ಕಿ ತಿಕ್ಕಿ
ಹೊರ ಬಂದು ಬೆಳಕಿಗೆ ಹಿಡಿದು
ಮೇಲೆತ್ತಿ ನೋಡಿ ಕೆಳಗಿಳಿಸಿ
ಮೂಗಿಗೆ ತಾಗಿಸಿ ನೆಕ್ಕಿ ಮತ್ತೆ ವಾಸನೆ ನೋಡಿ
ಗಬ್ಬಿನ ವಾಸನೆಗೆ ಅಸಹ್ಯ ಪಟ್ಟು
ಬಿಸುಟು - ಮತ್ತೆ ಒಳ ಹೊಕ್ಕು
ಹೆಕ್ಕಿ ತಂದು ಆನಂದಿಸುವುದೇ

ಕೇನೋಪನಿಷತ್ತಿನಂತೆ
ಜೀವನವೇ ಒಂದು ಕನಸೆಂದು
ಕನಸಿನಾಚೆಗೆ ಬರಲು ತಿಳಿಯುವುದೆಂದು
ಕಣ್ಣಿಗೆ ಕಂಡದ್ದು ಸುಳ್ಳೆಂದು
ಬಣ್ಣಗಳಿಲ್ಲದೇ ಜಗವೆಲ್ಲ ಕಪ್ಪು ಬಿಳುಪೆಂದು
ವಿಲಕ್ಷಣ ವಿಚಿತ್ರ ವ್ಯಕ್ತಿ ಎನಿಸಿಕೊಳ್ಳುವವನ
ಲಹರಿಯೇ ಆಳದ ಯೋಚನೆಗಳೇ?

ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net