ಸಂಪದ ಈ ಕಾರ್ಯಕ್ರಮ ಹಮ್ಮಿಕೊಂಡದ್ದಕ್ಕೆ ನಾನು ಋಣಿ.
ಅಂದು ಎಲ್ಲರ ಜತೆ ನಡೆದ ಚರ್ಚೆ ನಂತರ ಊಟ ಮಾಡುವಾಗಲೂ ನಿಲ್ಲದೆ ಮುಂದುವರೆದಿದ್ದು - ನನ್ನಂಥ ದೂರ ದೇಶದಲ್ಲಿ ಇರೋರಿಗೆ ತುಂಬಾ ಖುಷಿ ಕೊಡೋ ವಿಷಯ.
ಇನ್ನು ತುಂಬಾ ದಿನದವರೆಗೂ ಸವಿಯೋದಂತು ಖಂಡಿತ.

ತರಲೆಸುಬ್ಬರೆ-
"ಒಂದಾನೊಂದು ಕಾಲದಲ್ಲಿ" ವಿಸಿಡಿ ಸಿಗತ್ತೆ. ನಾನು ಒಂದೆರಡು ವರ್ಷದ ಹಿಂದೆ ಹುಡುಕಿ ತಂದಿದ್ದೆ. ನನಗೂ ಆ ಚಿತ್ರ ತುಂಬಾ ಹಿಡಿಸಿತು. ನಮ್ಮಲ್ಲಿ ಚಲನಚಿತ್ರವನ್ನು ಬರೀ ಇಂಡಸ್ಟ್ರಿಯಾಗಿ ಮಾತ್ರ ನೋಡಿದರೆ ಆ ಚಿತ್ರಗಳನ್ನು ನಾವು ಬಹು ಬೇಗ ಮರೀತೀವಿ. ಅದನ್ನು ನಮ್ಮ ಸಂಸ್ಕೃತಿಯ ಕುರುಹು ಎಂದು ಗಮನಿಸಿ ಒಂದು ಕಡೆ ಒಟ್ಟು ಹಾಕುವ ಕೆಲಸ ಆಗಬೇಕು. ಎಪ್ಪತ್ತರ ದಶಕದ ಇನ್ನೂ ಹಲವು ಚಿತ್ರಗಳೂ ಹೀಗೆ ನಾಪತ್ತೆಯಾಗಿಬಿಟ್ಟರೆ ಚಿತ್ರಪರಂಪರೆಯ ನೆನಪು ನಮಗೆ ಇಲ್ಲವಾಗುವುದು ಖಂಡಿತ. ವಿಸಿಡಿಗಳಿಂದಾದರೂ ಒಂದಷ್ಟು ಚಿತ್ರಗಳು ಈಗ ಸಿಗಬಹುದು...
ಅಲ್ಲದೆ, ಆಗಾಗ ಕನ್ನಡದ ಒಳ್ಳೆಯ ಹಳೆಯ ಚಿತ್ರಗಳ ಉತ್ಸವ ನಡೆದರೆ ತೆರೆಯ ಮೇಲೆ ನೋಡುವ ಅವಕಾಶವೂ ಸಿಗುತ್ತದೆ.